Batuano Gau
Agripa: Nee to'uno yahoo Herodes Agripa da ko'orua, turunano mokole Herodes da momparenta konaa tehinaano Apu Yesus. Agripa momparenta hai Palestina Utara (Tulurando Rasulu 25:13–26:32).
Agustus: Mokole'ea Roma da momparenta metampu'u ta'u 27 nai da'apo Masehi dungku ta'u 14 Masehi (ontoo Lukas 2:1).
Amin: Gau Ibrani batuano: manasa! to'u-to'u! menona!
Ana Dombano Apu Alla: Anak Domba Allah. Yahya pompobaho neehakono'o Yesus Kristus « Ana Dombano Apu Alla ». Nunu'o sarano miano Yahudi kando posumbele ana domba nta tewali pesombando hai Apu Alla, kai inampuni dosando. Ki tesolo reano koie ana domba ronga mate, tewaliomo popo'euno miano ngkodosa, ronga koie miano da'amo tekebaako hai ra'ino Apu Alla. Yesus Kristus nineehako Ana Dombano Apu Alla hina soroo penaano kai te'ampuni dosano to manusia.
ana guru: murid. Miano da da'a ponggawano da mompotisu, kana-kana i Yahya pompobaho ronga miano golonga Farisi (Markus 2:18). Kontu'uma raro ana guruno Apu Yesus: isono hopulu orua miano, perumbuino luwu miano Ngkarasitee. Petenano Apu Yesus, luwuo suku kai pinokontewali ana guruno (Matius 28:19).
Anano Apu Alla: Anak Allah. Nee ngko'anggano Yesus Kristus kai mentee hicuamo Apu Alla pantano da tii die hai wita'ea kai tewali manusia (Yahya 1:1-2, 10, 14). Kai pinokontora mbule Apu Yesus mebinta hai matea, mentoda'anomo hicua Anano Apu Alla (Tulurando Rasulu 13:32-33; Roma 1:3-4).
Ana Nto Manusia: Anak Manusia. Hai bokuno nabii Daniel 7:13-14 teburi kanahi, « dahoo nta leu meronga seru hai langi me'asa miano da kana ana nto manusia; kai niwawa hai ra'ino Apu Alla. Kai pinoweehi kuasa kana me'asa mokole, yahomo kando tutungku hai iaa miano mebinta hai upuo wonua, suku ronga gau. Pomparentaano nahina puraano. » Patuduno koie i Yesus kai manturu nte menee mpanta hicua Ana Nto Manusia yahoo kai mentee hicuamo Pompokosalama da tinisuno nabii Daniel.
aporako: menahan
ara: Keu ara kana-kana keu wehara atawa liboni sawali namomami wuano ronga tewalio kinaa.
Arkhelaus: Anano Herodes Agung, da parentaa Yudea ronga Samaria ta'u 4 nahinapo Masehi dungku ta'u 6 Masehi (Matius 2:22). Pinaleso ronga wonuano sinoro hai pomparentaano Roma.
Asia: Propinsi Asia mperi'ou nai da'a mengkena benua Asia diekana. Dahano koie propinsi yahoo tindaa padano oleo negara Turki diekana. Kota owoseno Efesus. Paulus moleleako haratia kokeena (ontoo Tulurando Rasulu 19:10, 26).
Babel: Pomparentaano mokole mperi'ou dahano hai olotano laa e'e Tigris ronga Efrat, diekana da nineehako Irak. Konaa ta'u 586 nai da'apo Masehi pomparentaano Babel kuasaiho Yerusalem, ronga asa ntilara ihino wonua nibasiako hai Babel, mengkauno 70 ta'u. Hai boku Niamata ronga hai 1 Petrus 5:13, Babel yahoo nee mparereno Roma.
Bantea Ato Riri: Pondok Daun. Ontoo oleo owose Bantea Ato Riri.
basa: bangsa.
basiropaa: menyalibkan.
Benyamin: Ana ntetuaino Yakub (da meneehako na'ana Israil). Leeno Israil dahoo hopulu orua suku, ronga koie i Benyamin pembue'anomo me'asa suku.
Bileam: Me'asa nabii da niboboi i Balak, mokoleno Moab, kai tundario suku Israil. Hina mokeahako, yahomo kai nunu'o petenano mokole Balak. Tempono lako i Bileam dahoo mala'ekati da totampo'o salano. Koie i Bileam nai ontoo koie mala'ekati, sawali kolodai dahano me'ulea da ontoomo ronga awaiho i Bileam. Kompura-puraano nai telau tundario miano Israil, nangkua miano nibarakatino Apu Alla. Ontoo Bilangan 22.
Boku Haratiano Apu Alla: Alkitab. Ihino Boku Haratiano Apu Alla, yahoo Boku Parentano nabii Musa, Mazmur, bokuno raro nabii, ronga boku Injili, atawa Pedandi'a Tonia.
Boku Parentano nabii Musa: Taurat. Gau Ibrani Torah (pengkenaasi Taurat) batuano: pompotisuno Apu Alla. Boku Parentano nabii Musa ko'iramo Kadadia, Peluarakoa, Imamat, Bilangan, ronga Ulangan.
bolulu: gulungan.
boluluo: menggulung.
borongaa: mengeroyok.
bosantonga'o: lewat di tengah.
dago: jago.
Daud: Mokoleno to Israil ko'orua da mokome'asa'o luwuo wonua ronga mowangu kota Yerusalem tewali kota owoseno nidiohanomo poti mpedandi'ano Apu. Apu Alla dandi'o i Daud hicua leeno danta tarimaa pomokole'a da owose samengka-mengkauno (ontoo leeno Daud).
doi pera: dinar. Doino miano Roma, asa doi gadino miano mpohedo da me'asa oleo (Matius 20:2).
domba: Yahoo pinotuwudo miano Israil da biasa sinumbeledo kando mpesombaako hai Apu Alla. Koie Yesus Kristus parerenomo tumpu mpakani da kolaro, ronga miano da parasaeaho yahomo dombano.
dosa1: hutang. Dosa doi atawa dosa hapa-hapa.
dosa2: dosa. Dosa yahoo niweweuno miano da sai monunu parentano Apu Alla.
Elia: Nabii Israil da sai ehee mesomba hai ka'apu-apu. Nabii Elia tinotarimando miano Yahudi danta leu tewali matalalano Mokole Pompokosalama. Nangkuamo i Yahya pompobaho kai pengkenaa Elia.
ewaako: bersenjatakan.
ewanga: senjata.
Farisi: Me'asa golonga guru agama Yahudi da owose pongaruno. Luwu parentano nabii Musa ronga sarano mbue-mbuedo ndonunu to'uo.
Feliks: Miano Roma da lako tewali gubernur hai wonua Yudea ta'u 52 dungku 60 Masehi. I Paulus lawanio kara-karano hai ra'ino Feliks (Tulurando Rasulu pasala 24).
Filistin: Suku da peka'okudahino Israil da mpoo'ia tindaa padano oleo wita Kana'an. Palestina batuano wita Filistin.
Firdaus: Pengkenaasi Eden atawa uma salaroaha.
Galatia: Propinsi pomokole'ano Roma tindaa matano oleo negara Turki diekana. Kokeena dahandomo kota Ikonium, Listra, Derbe, ronga Antiokhia hai Pisidia. Kokeenamo saano i Paulus moleleako haratia.
Galilea: Hai tindaa utarano wonua Israil, yahoo wonua poo'iahano Apu Yesus ronga petampu'uano mohedo. Mianono mpehela'i Yahudi ronga da sa'iaa Yahudi. Hai tindaa sabaano oleo wonua Galilea dahano tahi da biasa meneehako Tahi Galilea, sawali meneehako na'ana Tahi Tiberias atawa Tahi Genesaret; ontoo Lukas 5:1; Yahya 7:1.
Gamaliel: Me'asa miano guru agama da tenee mebinta hai golonga Farisi, anggota pongadila'eano agama hai Yerusalem, guruno i Paulus (Tulurando Rasulu 5:34-40, 22:3).
gau da mebinta hai Sangkoleono Apu: bahasa Roh. Yahoo me'asa kuasa da mebinta hai Sangkoleono Apu da pokompogau'o koie miano kai reree'o Apu Alla hai laro amalaa, mau koie miano nai to'orio koie gau ntonia da pogauno (1 Korintus 12:14).
Genesaret: Tahi Genesaret pengkenaasi Tahi Galilea.
gogondorio: memandang dengan marah.
guru agama: ahli Taurat. Guru da mompotisu'ako ronga montarangkani Boku Haratiano Apu Alla Pedandi'a Mengkau, kontu'uma ko'olima Boku Parentano nabii Musa (yahoo boku Taurat).
Habel: I Habel yahoo anano i Adam ronga i Hawa. I Kain tukakano i Habel ronga iaamo da popatee tuaino (Kadadia pasala 4; Ibrani 11:4, 12:24).
Harun: I Harun yahoo leeno i Lewi. I Lewi petamaano hai Yakub da hopulu orua anano. I Harun da mata iso tinaarako tewali pua'ima pontompa pesomba. Haratiano Apu Alla pua'ima hai miano Israil nai tewali sai niruruki mebinta hai leeno Harun.
Herodes: Herodes Agung. Mokoleno wita Palestina (wonua Israil) ta'u 37 dungku 4 nahinapo Masehi. Iaamo da ari metena pepatehira ana ntama'ate hai Betlehem (Matius 2:1-19).
Herodes Agripa: Mbueno i Herodes Agung, mokoleno wonua Palestina ta'u 41 dungku 44 Masehi. Iaamo da pepateemo rasulu Yakobus ronga da torungku'o Petrus (Tulurando Rasulu 12:1-23).
Herodes Antipas: Anano i Herodes Agung, mokoleno wonua Galilea ta'u 4 nahinapo Masehi dungku 39 Masehi, yahopo kai pinaleso. Kawinio i Herodias, ari samotu'ano petilano. Iaamo da ari pepatee Yahya pompobaho.
Hopulu Kota: Dekapolis. Neeno hopulu wonua tindaa matano oleo Tahi Galilea. Asa ntilara mianono mpogau'ako gau Yunani.
Ibrahim atawa Abraham atawa Abram: Pebintaano hai Ur-Kasdim hai wonua Mesopotamia Salata; niboboi lako hai wita Kana'an dahano Apu Alla nta medandi'akono. Tewaliano pembue'ano miano Israil. I Ibrahim da tarimaa parenta kai pesuna, kana me'asa peto'o hi ari pinokontekona tendenomo parasaeano. Nangkuamo kai tewali pepu'uano mbuedo pera miano mparasaea.
Ibrani: Miano Ibrani dada'iaasi miano Yahudi ronga miano Israil. Gau Ibrani asliinomo gauno miano Yahudi. Boku Parentano nabii Musa, bokuno raro nabii ronga boku Mazmur (Zabur) teburiano hai gau Ibrani.
Isai: Isai yahoo tamano Mokole Daud, pembue'ano Yesus Kristus.
Israil: Israil yahoo neeno Yakub da mebinta hai mala'ekatino Apu Alla. Koie i Israil hopulu orua ana ntamano, pembue'andomo da hopulu orua suku Israil. Turunano Israil meneehako na'ana miano Yahudi atawa miano Ibrani.
ka'apu-apu: berhala. Pine'apu-apui da niweweuno miano mebinta hai keu, watu, tambaga, pera, atawa wulaa.
Kain: Kain ana ntukakano i Adam ronga i Hawa. Kai masusa nasai tarimaa Apu Alla pesombano, sawali nantarimaa pesombano i Habel tuaino. Nangkuamo kai popatee i Habel. Kai hukumaa Apu Alla kai mbualo upuo wita (Kadadia pasala 4; Ibrani 11:4; 1 Yahya 3:12; Yudas 11).
kabumbu Zaitun: Bukit Zaitun. Kabumbu tindaa matano oleo kota Yerusalem.
kakasako: memencarkan.
kalelei: menebar.
kamotu'a: tua-tua.
1. Kamotu'a Yahudi yahoo powawaino agama Yahudi. Dahoo da mentewali anggota pongadila'eano agama.
2. kamotu'ano jema'a: penatua. Kamotu'ano jema'a yahoo powawai da atoro'o jema'a. Tugasino yahoo « piaraakono'o lunu mpinakanino Apu Alla » ronga « tewali pe'ontoano jema'a ». Dahoo nta susuruo koie tugasi hai ra'ino Apu Alla « tumpu mpakani ngkontu'uma » (1 Petrus 5:2-4).
3. Hai boku Niamata dahoo orua pulu opaa kamotu'a da lilicu'o kadera pomokole'ano Apu Alla hai suruga. Iramo da wakilio umatino Apu (Niamata 4:4, 10; 5:5).
Kana'an: Wonua da nidandino Apu Alla hai suku Israil nta tewali kikitoondo. Koie wonua poneendo na'ana wonua Israil atawa wonua Palestina.
kapala pua'ima: imam kepala. Opi-opia pua'ima da montoe pangkatido hai laro mpongadila'eano agama. Mebinta hai ira dahoo da niruruki tewali pua'ima'ea.
karakesi: cukai pasar.
kasaeda: kain merah.
kasangi-sangia: roh-roh dunia. Kuasa rondoma da tewali pedaluno Apu Alla.
kawetio: memanggil dengan isyarat.
kawii-wii: sepoi-sepoi.
kawuwuu: sepoi-sepoi.
kema mpesombaa: kemah penyembahan. Tempondo miano Israil sisimbu hai lueno papawu, Apu Alla tena'omo i Musa moweweu kema mpesombaa, pokosangkano yahoo kae ronga baula. Kokeenamo mesambahea'ando ronga pontompa'ando pesomba sinumbele. Larono koie kema nidiohanomo poti mpedandi'a.
keu mpinotalambe: salib. Pamarenta Roma biasa mo'otuhi hukumano miano mosa'o kai pinopate nibaehako hai keu mpinotalambe. Koie miano mosa'o biasa lemba'o keu mpinotalambeno dungku dahano nta tinoehako. yahopo ko'ira sorodadu kando basiropaa koie miano mosa'o pasoo hai keu mpinotalambe. Sa'arindo mompotade keu mpinotalambe ndopoturusio kai bobaea dungku mate.
kiama'a: kiamat. Oleo kompura-puraano, oleo leuhano Apu Yesus tewali hakim nta adili'o to manusia.
kikitoo: warisan, pusaka.
kilowu: emosi.
kinalimbutu: diselimuti.
kingki: mengalami kontraksi otot kuat.
kokaa: terbakar.
kokantulu: bolak-balik.
kokou: membungkuk memberi hormat.
konggila-nggila: mengkilat.
Kristus: Kristus gau Yunani batuano « miano da niluwiako mina ». Pengkena batuano « Mesias » hai gau Ibrani. Hai wonua Israil, pua'ima da biasa moluwiako mina miano peto'onomo hi ari niruruki tewali mokole. Tempono Apu Alla medandi hi daa nta montena Mokole Pompokosalama danta parentaa umatino, koiemo da meneehako Kristus.
kulidaa: kusta. Rungku mosa'o da nimateako. Da morungku'ako kulidaa sinuahako kai mentalahio miano me'alu.
kurbaa: kurban.
lahada: bodoh.
laica sambahea'a: rumah ibadat. Laica sambahea'a yahoo mentepo'awaando miano Yahudi mesambahea konaa oleo mpekolia (iponoha oleo Saptuu).
lapa: pelana.
latario: menjelajahi.
leeno i Daud: Anak Daud. Nee mpo'anggano Mokole Pompokosalama da tinotarima. Nadaa teburi hai Boku Haratiano Apu Alla hicua nta pebintaano hai turunano mokole Daud (ontoo 2 Samuel 7).
Lele Mohende: Kabar Baik atau Injil. Lele mekona Yesus Kristus ronga pomparentaano Apu Alla. Ihino yahoo toraahano Yesus, pompotisuno, mateano, ronga pewanguano mbule. Boku Lele Mohende yahoo opaa boku Injili da ko'ihiako tulurano Yesus.
lente'a: tempat kelahiran.
lerukio: mengoleskan.
Lewi: Miano Lewi pinatugasi mo'atoro sambahea hai raha mpesombaa.
liboni: sejenis pohon ara.
linjara: gelisah.
lino: bumi.
lolowukio: memuaskan.
lumiu: keluar sedikit (air).
lungkuwio: melingkari.
Lut: Lut. Laki'anano Ibrahim da salako'o lako hai wita da ari nidandino Apu Alla. Po'iahano i Lut hai Sodom, daahando miano da dompa mosa'o niweweundo. Nangkua kai pepatudu Apu Alla nta mokohancuru'o, sawali nameri'ou tena'o mala'ekati kai po'awaakono i Lut kai peluarako bintaa Sodom.
mina maica: sejenis minyak, seperti balsam.
mala'ekati: malaikat. Ko'ira mala'ekati yahoo pinokotena-tenano Apu Alla da mpoo'ia hai ra'ino, danta tinenanomo dagai'o umatino ronga pokodungku'o oliwi hai miano da ineheno.
maluru: maju.
manda, toba, moboli'i: pertobatan. Toba batuano ari-ari moweweu sinalaki, kai pohule nunu'o da po'eheno Apu.
manna: Mengkinaando to Israil tempondo mpetotonga lueno.
Maria: Dahoo opia miano da meneehako Maria hai boku Injili:
1. I Maria tinano Yesus Kristus.
2. I Maria Magdalena, da nunu'o i Yesus. Iaamo da ari pinontilaakono opitu setani (Matius 27:55-56; Lukas 8:2).
3. I Maria mebinta hai Betania, petilano i Marta ronga i Lazarus. I'iramo tokiano i Yesus (Yahya 11:1-3).
4. I Maria tinano Yakobus ronga Yusuf, da nunu'o i Yesus mebinta hai Galilea (Matius 27:56; Markus 15:40).
5. I Maria samotu'ano Klopas, da da'a tempono i Yesus nibasiropa (Yahya 19:25).
6. I Maria tinano Yohanes Markus. Laicano hai Yerusalem dahando mentepo'awa ana guruno i Yesus (Tulurando Rasulu 12:12).
marou: tunduk, menghormati.
mata bundu: air mata dari tanah.
matakai: jangkar, sauh.
Mazmur: Mazmur yahoo Boku Haratiano Apu Alla da ko'ihiako poreree ronga pe'e'eta hai Apu Alla da ari niburino nabii Daud. Mazmur pengkenaasi Zabur.
mbumburu: bertiup terus.
medapa-dapa: rapat-rapat kepala.
medoka: 1. gampang; 2. suka.
mehambi'o: meletakkan di atas bahu.
mehiri: tidak mau dikalahkan.
mekakira-kirambu: saling menggores.
mekakoi: meraba-raba.
mekakusi: bertengkar dengan banyak gerakan.
mekatumbu-tumbusi: saling mendorong.
mekikilowu: beremosi.
mekoka: berebutan, bersaing.
mekokalulu: lari pelan-pelan.
melelemboo: mengalami.
melilini: menghindar.
Melkisedek: Me'asa mokole mebinta hai Salem (pengkenaasi Yerusalem). Neeno batuano « mokole adili ». Yahoo pua'imano Apu Alla da Dompa Montoe, da ari barakati'o i Ibrahim (Kadadia 14:18-20). Mokoleno Israil ninee « pua'ima da tewiso hai golongano Melkisedek » (Mazmur 110:4). Koiemo peneeno Yesus Kristus kai tewali pua'ima da monto-montoe ka'iaa miano Lewi atawa Harun (Ibrani 7).
melosiako: serta-merta membuang diri.
membii: bunyi logam yang terbanting.
mendoahako: mendobrak.
menggela: berkilauan.
mengkaka: lincah, terampil.
mento'a: angkat kepala.
mentoda: jelas.
meparewaako: berhiaskan.
meparewatiako: dilengkapi dengan.
meponono: berburu.
mepuo'ako: berselimutkan.
merereihako: berperisaikan.
merompoako: merebahkan diri.
meroro: berbunyi seperti air kali.
meroroako: melakukan serentak.
mesarungga: menjelma.
mesawa mpelaroa: murah hati.
mesepe: bersampingan.
Mesir: Wonua ariando mentepo'ata miano Israil pato etu ta'u mengkauno. Yahopo kando peluarako niwawaino nabii Musa.
mesolawako: meniarap.
mesoreako: mendarat.
mesosoako: memaksa menerobos.
mesuahako: pindah ke tempat yang dekat.
mesuna: sunat. Mesuna yahoo peto'o hi tewisomo miano hai laro mpedandi'ano Apu Alla. Ana ntamano miano Israil pinokompesuna konaa umuru hoalu oleo (Kadadia 17:9-14). Miano da sai mpesuna na'iaa miano Israil (ontoo Galatia 2:7).
metaapo: mengancam.
metangki: tinggal supaya mendapat penghidupan.
metuu-tuu laro: bersemangat, sungguh-sungguh.
mewota: kudus. Hapa da mewota koiemo da ari tinindahakono Apu Alla nta tarono.
miano da to'orio pesuri: majus. Miano da mandara mekilala mebinta hai sabaano oleo.
mobaho: membaptis. Sarano agama da mompake e'e. Batuano hai gau Yunani tonduwako atawa mobaho'ako e'e. Yahya pompobaho baho'ira miano kana peto'o hindo tobamo kai inampuni dosando.
mobanta: hamil.
moboli'i: bertobat. Ontoo manda.
modidimba: membuat syair.
modoho: sakit parah.
mohuda1: menebus. Miano da mohuda, dahoo da niwadano alaa hapa-hapano da ari pinakenino. Kanasi na'ana Yesus Kristus leu nta « soroo penaano nta pohudano miano me'alu mebinta hai sinalakindo » (Markus 10:45).
mohuda2: membuka (sandal).
mokimpaa: menyilangkan.
mokole'eano Roma: Kaisar. Pomparentaano Roma kuasaiho wonua da me'alu, nangkuamo mokoleno nineehako mokole'ea atawa Kaisar. Da tewali mokole'ea tempono Pedandi'a Tonia yahoo: Agustus (31 nahinapo Masehi dungku 14 Masehi, ontoo Lukas 2:1), Tiberius (14-37 Masehi, ontoo Lukas 3:1), Kaligula (37-41), Klaudius (41-54, ontoo Tulurando Rasulu 11:28, 18:2), Nero (54-68), Vespasianus (69-79) ronga Titus (79-81), da ari pokohancuru'o Yerusalem konaa ta'u 70.
Mokole Pompokosalama: Raja Penyelamat, Mesias. Ontoo Kristus. Mokole da ari nidandino Apu Alla teporewu-rewu ta'u da ari tealo danta pokosalama'o umatino mebinta hai dosando.
mokototogasio: dapat menahan.
molio: lenyap, menghilang.
mompekokahoako: menanggapi.
mompekokoe: menggotong.
mompesulampe: menyandang.
mompetetelei: menongol.
mompewuke: membuat memuai, difermentasi.
mompokolewera: memperluas.
mompokotangkohako: dapat menahan.
momulo: bergerak waktu tidur.
mongkaempa: pincang.
mongkikitai: menuntut.
moninco: memintal.
montadehi: melayani.
montia ngkorowe: mutiara.
montoopi: menyerap.
montulo: lurus.
mo'oe: 1. berbuah banyak; 2. berisi penuh.
mo'oruhio: membersihkan.
mo'osino: semakin.
morara: suara yang keras.
morondo: ungu.
moruku: melawan.
morunto: memar.
mosali: menuang.
mosoba-soba: mencobai.
mosuku: rakus.
mototaahio: menertawakan.
mowara: penakut.
moweweu ngkabaria: 1. berbuat jahat; 2. berzina, memperkosa.
Musa: Nabii da wawaihira to Israil meluarako mebinta hai Mesir dungku hai tidano wita Kana'an. Iaamo da mokodungku'o parenta da ari tinarimano hai Apu Alla. Boku Parentano nabii Musa pengkenaasi Taurat.
musuno Kristus: antikristus. Kuasa da bali'o Apu Alla ronga Kristus, da sa'owo-owoseno hi daamo nta leu pendua Apu Yesus. Ki me'alumo da mesosaba musuno Kristus, koiemo peto'ono hi dungkumo nta kiama'ano wita'ea (ontoo 1 Yahya 2:18, 22).
nabii: nabi. Miano da tinenano Apu Alla mokodungku'o haratia hai to manusia. Kontu'uma pera nabii hai Israil da tewali mogau'ako neeno Apu Alla, kanano Musa, Elia, Amos, Yesaya, ronga meha-mehano. Kanamo na'ana Yahya pompobaho (ontoo Matius 11:5) ronga Yesus pantano (kanano Lukas 24:17) ninee nabii. Pomperahi-rahindo miano Yahudi dahoo nta saba me'asa nabii danta metugasi meri'ouhakono Mokole Pompokosalama danta leu (Ulangan 18:15; Yahya 6:14). Hai jema'a mperi'ou dahira da mesaba opi-opia nabii (Tulurando Rasulu 13:1; 1 Korintus 12:28-29; Efesus 4:11).
naraka: neraka. Tepakaseahando raro miano mate da madosa da sai parasaeaho Apu Alla.
Nazaret: Kampo owose'ano Yesus, da hai Galilea (Lukas 2:4). Nangkuamo koie kai ninee « Yesus mebinta hai Nazaret » atawa « Yesus miano Nazaret » (ontoo Markus 1:24). Da iso da'a miano Ngkarasitee ninee na'anda « Miano Nasarani » (Tulurando Rasulu 24:5).
ndanga-ndanga: merpati.
ndo'ua Tewawea Roti Sai Kotulu: hari raya Roti Tidak Beragi. Lembahino opitu oleo hi tekabu oleo Ntepulosi'a, roti tinunu nai hina tuluno, mokopehawa'o malo ntepulosi'ando miano Israil ari tesangkinaa hai Mesir.
nduu: deru.
Negeb: Wita Negeb yahoo wonua salatano wita Kana'an, tindaa salatano raro ntangkenono.
nggela: berkilauan.
niboronga: dikeroyok.
nirarano oleo: sinar matahari.
niroramba: hasil jarahan.
oleo mpekolia: Sabat. Oleo ko'opitu, pekoliano miano Israil kana da teburi hai Peluarakoa 20:8-11. Tempono Yesus, oleo mpekolia yahoo oleo Saptuu.
oleo Ntepulosi'a: hari raya Paskah. Oleo mohende'a peluarakondo miano Israil mebinta hai Mesir. Hindo pokomaroaho oleo Ntepulosi'a, kando posumbele ana domba kando mperonga mpongkaa. Pinepateano Apu Yesus konaa oleo Ntepulosi'a, nangkuamo miano Ngkarasitee pokomaroaho pewanguano konaa oleo Paskah.
oleo owose Bantea Ato Riri: hari raya Pondok Daun. Oleo pontarimakasiando to Israil hindo ari mpongkompulu ihino uma. Koie tempo poo'iahando hai bantea ato riri mokopehawa'o tempondo mpetotonga lueno.
oleo owose Pentakosta: hari raya Pentakosta. 1. Pentakosta batuano lima pulu. Tuunaano oleo owose Pentakosta yahoo lima pulu oleo tekabuno oleo Ntepulosi'a. Oleo owose Pentakosta yahoo maroahando ronga pontarimakasiando to Israil hindo ari mpongkompulu pae gandum.
2. Oleo owose Pentakosta yahoo oleo tuduano Sangkoleono Apu hai miano mparasaea hai Yerusalem tekabuno lima pulu oleo pewanguano Apu Yesus.
oleo pinokomaroahano hi ari pinule mbule koie raha mpesombaa hai Yerusalem: hari raya Pentahbisan. Oleo mohende'ano to Yahudi pinule'ano mbule pontompa'a pesomba hai raha mpesombaa hai Yerusalem da pinokosaha ta'u 165 nahinapo Masehi (ontoo Yahya 10:22).
olondoro: ungu.
oninio: mengeluarkan.
opulo: hangus.
padangga: pedagang.
paerako: membawa ikut arus.
palenga'o, pinalenga: menyingkapkan, disingkapkan.
pangauwa: layar.
pangkuku: takwa, beriman.
parasee: imbalan jasa.
paratai Zelot: Paratai Zelot yahoo miano Yahudi da sai ehe ari-ari bali'o kuasano pamarenta Roma da rukusio wonuando. Koie i Simon da tewali ana guruno i Yesus, ari anabua paratai Zelot (Matius 10:4).
parere: perumpamaan. Parere batuano pepokomentoda'ano pompotisu da mohali pinaha hai laro tora-toraahanto koa oleo.
parewa: perhiasan.
patande: balai-balai.
Paulus: Rasuluno Yesus da meneehako i Saulus meri'ou (Tulurando Rasulu 7:58). Iaa miano golonga Farisi ronga itai pakaseaho miano Ngkarasitee (Tulurando Rasulu 8:3; 1 Korintus 15:9). Kai toba ronga niboboi tewali rasulu lako hai miano da sa'iaa suku Yahudi (Tulurando Rasulu 9; Galatia 1:13-16). Niweweuno mompokohule-hule leleako haratia ronga mompokoda'a jema'a.
pa'usako: mencurahkan.
Pedandi'a Mengkau: Perjanjian Lama. Pedandi'a Mengkau yahoo Boku Haratiano Apu Alla da ari pinokodungku hai nabii Musa (yahoo Taurat), ronga da ari pinokodungku hai nabii Daud (yahoo Mazmur atawa Zabur), ronga bokuno raro nabii. Gau asliino yahoo gau Ibrani ronga gau Aram.
Pedandi'a Tonia: Perjanjian Baru. Pedandi'a Tonia atawa boku Injili yahoo Boku Haratiano Apu Alla da ko'ihiako pompotisuno Apu Yesus Kristus da ari niburindo rasuluno ronga tokiano. Gau asliino boku Injili yahoo gau Yunani.
pekakoi: meraba-raba.
pekokoe'o: menggotong.
pelosiako: serta-merta membuang diri.
Pentakosta: Ontoo oleo owose Pentakosta.
pento'a: angkat kepala.
pepuo'ako: berselimutkan.
perompoako: merebahkan diri.
peseheako: menyingkir.
pesolawako: meniarap.
pesuri: tanda di langit.
peto'o tinekangkaako: mujizat. Kadadia tekangka da niweweuno Apu Alla kando to'orio umatino hi kuasa mompokosalama. Koie i Yesus ronga rasuluno mompokoda'a peto'o tinekangkaako kai tino'ori pomparentaano Apu Alla hi okudamo.
petotampelako: membanting-banting diri.
Petrus: I Simon meronga Andreas petilano yahomo ana guruno i Yesus da meri'ou (Matius 4:18-19). Tempono akui'o i Yesus hicua Mokole Pompokosalama, kai nineehako Petrus. Hai gau Yunani, Petrus batuano « watu ». Neeno gau Aram yahoo Kefas, pengkenano Petrus, batuano « watu » (ontoo Yahya 1:42).
pe'anio: mengakui.
pedehio: menepuk.
petangkeahanomo: itu penyebabnya.
petotangka'o: mengamati.
Pilatus: Pontius Pilatus yahoo miano Roma da tewali gubernur hai wonua Yudea, Samaria, ronga Idumea, ta'u 26 dungku 36 Masehi. Iaamo da adili'o i Yesus.
pinarada: dicet.
pinehambi: diletakkan di atas bahu.
pinekokaani: diperhatikan.
pinii: dipintal.
pinokotangkohako: dapat ditahan.
pinonea: kayu yang sudah ditebang.
poko'aporakoo: dapat menahan
pokomalimpuo: membuat bingung.
polomba: penerobos.
pombantuno powawaino jema'a: diaken. Miano da molayani jema'a, da kontu'uma montulumi ntina walu ronga miano ngkadee-dee (ontoo Tulurando Rasulu 6:1-6; 1 Timotius 3:8-13).
pompakani: gembala. Da modaga domba atawa wembe. Apu Yesus yahoo tumpu mpakani da kolaro.
pomparentaano Apu Alla: Kerajaan Allah. Dahano pomparentaano Apu Alla mai-maina miano akui'o Apu Alla hicua mokoledo. Saleuno Yesus Kristus die hai wita'ea, inontoanomo pomparentaano Apu Alla kai mentee hi potisu'ira manusia kando tora boboto'akono Apu Alla.
pompewuke: ragi, yang memuaikan.
Pompokosalama: Penyelamat. Da tinenano Apu Alla mokosalama'o to manusia hai dosano.
pomua'ano: tempatnya bertengger.
pondo'ua: cawan. Biasa pinarereako karasaino manusia. Mondo'u hai pondo'ua batuano mo'awa karasai (Matius 20:22), tewali penda pinarereako sa'o larono Apu Alla (Niamata 14:10; 16:19).
pongadila'eano agama: Mahkamah Agama: Pongadila'ea ko'anggota pitu pulu me'asa ponggawano miano Yahudi da mo'otuhi kara-kara da mekona hai agama. Kamotu'ano yahoo pua'ima'ea. Tempono i Yesus pinekara-kara hai ra'ino pongadila'eano agama, kando otuhio kai hinukama mate. Sawali te'iaasi pamarenta Roma da kohaku mompokoda'a hukuma mate, nangkuamo pongadila'eano agama kai soroo i Yesus hai gubernur, yahoo Pontius Pilatus.
ponggawano setani: Iblis. Sangkoleo mosa'o da daluo Apu Alla ronga patuduno nta pokosalama'o manusia.
pontadehi: pelayan.
pontagi sima: pemungut cukai. Tempono i Yesus, pontagi sima yahoo miano Yahudi da mpohedo hai pamarenta Roma da kuasanio wonua Israil. Pontagi sima kompuluo doino ra'iati nta pobalandangi sorodadu Roma. Nangkuamo kando kokoleahira miano Yahudi. Biasando montagi laloiho da ari pinatantu kando pompelawesi na'anda.
poraiti: perekat.
pososampatae: sapaan.
posuruo: menuntut tanggung jawab.
poti mpedandi'a: tabut perjanjian. Poti mpedandi'a yahoo poti ngkeu da nilampitiako wulaa, peto'ono hi poo'ia Apu Alla hai tongano umatino. Koie hai poti dahanomo koie orua lewe watu da koburiako hopulu parentano Apu Alla, kuro wulaa da ko'ihiako roti manna, kai tii tukono i Harun da koririmo (Ibrani 9:4-5).
potulo'o: mengarahkan.
powawaino jema'a: penilik jemaat. Pohedoa da owose anggano, yahoo « pasipolee jema'ano Apu Alla » (1 Timotius 3:5).
pua'ima: imam. Hai agama Yahudi, tugasino pua'ima yahoo montompa pesomba, amala, ronga mepebarakati.
pua'ima'ea: Imam Besar. Da kapalaiho pongadila'eano agama hai larono asa ta'u. Asa ta'u asamponoha mewiso hai suo da mewota'ea hai raha mpesombaa montompa pesomba ntepokonaa.
puasio: menyemburkan.
pudu'o: mencabut.
pudusako, pudusio: menyemburkan.
puotio: menutupi dengan selimut.
purusako, purusio: mengambil semua.
Rabi, Rabuni: Gau Ibrani da pinake pa'angga'o miano da tewali guru, batuano « tuangguru ».
raesako: menarik.
raha mpesombaa: Bait Allah/Bait Suci. Nte lako'ando sambahea miano Yahudi hai Yerusalem da niwanguno mokole Sulaiman, perumbuino kai sosa'oo tantarano Babel (ta'u 586 nahinapo Masehi). Tekabuno tehawiako miano Yahudi hai Babel, koie raha mpesombaa niwangu mbule nunu'o parentano Zerubabel kira-kira ta'u 515 nahinapo Masehi. Koie raha mpesombaa pepu'uanomo agama Yahudi. Da iso mpongkarasitee kokeenamo sambahea'ando, sawali perumbuino kando tepobungkuakondo miano Yahudi. Koie raha mpesombaa kai sinosa'o ta'u 70 Masehi. Da sosa'oo, tantara Roma da niwawaino ponggawa'ea da meneehako i Titus.
raka: helai.
randanio: meremukkan.
rasulu: rasul (gau Yunani: apostolos). Miano tinenano Apu Alla. Kontu'uma ana guruno i Yesus da hopulu orua da tinenano moleleako pompotisuno (Matius 10:1-2), tewiso na'ana miano suere da niboboino Apu Alla moleleako Lele Mohende (Roma 16:7), kontu'uma i Paulus, da tewali rasulu lako hai suku da sa'iaa Yahudi (Roma 11:13).
rengga'o: membongkar.
rereteiho: ikut merasakan.
ribua'o: menggoncangkan.
Roma: Dahano Roma hai wonua Italia. Roma yahoo kota owose poo'iahano mokole'ea da molue pomparentaano dungku wonua Israil. Kokeenamo ariano dungku i Paulus moleleako haratiano Apu Alla.
rombo'o: menyeret.
rompu: rumpun.
romusako: mengumpulkan
ropa: depa.
ropeno bangka: haluan perahu.
roramba'o: merampas.
roraoa: ribut karena sedih.
rorondoo: mencintai.
roropu'o: memusnahkan.
ruruhaa: mengulurkan.
sada'o: menusuk.
Saduki: Miano Saduki yahoo me'asa golonga powawaino agama Yahudi, da me'a-me'alu yahoo pua'ima. Pepu'uano pompotisudo yahoo bokuno nabii Musa da olima, ronga nando ehee luwu sarano agama da tiniani oleo mperumbui. Nando parasaeaho hi pewangu miano mate ronga hi da'a mala'ekati (ontoo Matius 22:23; Tulurando Rasulu 23:6-10).
sadu'o: memasang.
saksii: saksi. Saksii yahoo miano mparasaea da saksii'o dadaano Lele Mohende mekona hai Yesus Kristus, kontu'uma pewanguano mebinta hai miano mate (Tulurando Rasulu 2:32, 4:33). Sangkoleono Apu da mompokomodoro da nileleakono saksii (Tulurando Rasulu 1:8, 5:32).
sakuo: menusuk.
salaka: perak.
salata: selatan.
salio: menuang.
Samaria: Wonua Samaria yahoo wonua hai olotano wonua Galilea ronga wonua Yudea. Miano Samaria nando tepokona miano Yahudi tendenomo agama ronga adati.
Samuel: Samuel yahoo nabii da wawaiho miano Israil ronga da minakio i Daud kai tewali mokoleno miano Israil.
Sangkoleono Alata'ala: Roh Kudus. Kai weweuho Apu Alla langi ronga wita'ea naamo mokompenaaho manusia yahoo mentete hai haratiano ronga Sangkoleono. (Kadadia 1:2; 2:7; Mazmur 33:6). Sangkoleono Alata'ala kuasaiho miano da ineheno kana mokole ronga nabii. Hai boku Injili poneeno yahoo Sangkoleono Alata'ala, Sangkoleono Apu Alla, Sangkoleono Apu, Sangkoleono Yesus (Tulurando Rasulu 16:7) atawa Sangkoleono Anano Apu Alla (Galatia 4:6). Pengkenaasi Penaa Mewota. Iaamo da pokodadio po'eheno Apu Alla die hai wita'ea. Tewalio Pontulumi da omputako ronga padadio da nirahano Apu Yesus kai salama to manusia (ontoo Yahya 14:16). Iaamo da moweeho kuasa miano kai nileleako Lele Mohende (Tulurando Rasulu 1:8). Iaamo da moleleako hai pelaroando miano mparasaea hicuamo anano Apu Alla (Roma 8:15-16).
sara: adat.
sara-sara: syarat.
sasario: menjelajahi.
saterongko'o: ketika kena.
Saulus: Ontoo Paulus.
seheako: menyingkirkan.
sere: cerek.
serewio: memotong dengan pisau.
seserio: menjelajahi.
setani, bilisi: roh jahat, setan. Setani yahoo sangkoleo mosa'o da to'ori mongkuasai, morurungkupi, atawa molawui miano ronga mompongaruhi kai poweweu dosa. Koie i Yesus ronga ana guruno kuasahira montila setani mebinta hai miano da nilawuino.
Sidon: Kota owoseno wonua Fenisia da hai wiwi ntahi, tindaa utara wonua Israil.
silolonga: selesai.
sima: pajak.
Simon: Neeno opia miano da saba hai boku Injili:
1. Simon Petrus, me'asa ana guruno Yesus.
2. Simon, me'asa penda ana guruno Yesus, ari anabua paratai Zelot.
3. Simon, tuaino i Yesus da olimahira mpetila (ontoo Matius 13:55).
Sinai: Tangkeno ariano nabii Musa morake tarimaa hopulu parentano Apu Alla.
sincolo-ngkolo: persekongkolan.
sincoraka: kejang.
sinusuru: perbuatan yang pantas dihukum.
Sion: Kabumbu dahano kota Yerusalem. Dadi Sion pengkenaasi Yerusalem.
sisala: berbeda.
sisimbu: berkeliaran.
soba-soba'o: mencobai.
Sodom ronga Gomora: Sodom yahoo kota poo'iahano i Lut, laki'anano Ibrahim, meka'okudahiakono kota Gomora. Miano Sodom ronga Gomora taperano mosa'o niweweundo. Yahomo Apu Alla kai pokohancuru'akono'o api ko'ira kota mebinta hai langi (Kadadia 13:12-13; pasala 19).
soloako: mengantar.
songka'o: mengukur.
sore: berlabuh.
sosampataeho: menyapa.
soso: sudut.
suku suere da momee hai Apu Alla: orang-orang yang takut akan Allah. Miano da sa'iaa miano Yahudi da mesomba hai Apu Alla ronga sambahea hai laica sambahea'ando miano Yahudi, sawali nando da'a mesuna (ontoo Tulurando Rasulu 10:2, 13:43, 17:4).
Sulaiman: Anano mokole Daud da tewali mokole da dompa kawasa ronga mandara. Iaamo da arimo potadee raha mpesombaa. Sulaiman pengkenaasi Salomo.
sungeno gaja: taring gajah, gading.
susuka: mendekati.
susumio: menyusuli.
susuruo: menanggung, mempertanggungjawabkan.
suusu: menyusu.
taa: parang panjang.
taapo'o: mengancam.
tabesako: menghamburkan.
tadehio: melayani.
taiwelo: bicara main-main.
tala: jejeran
talesako: menghamburkan.
talia'o: memindahkan.
tambaru: lumbung.
tambo hahi: onggokan pasir di pinggir sungai atau laut.
tampelako: membanting.
tandaua'o: mengombang-ambingkan.
tangka'a: berkali-kali.
tangke: tangkai.
tangkeaho: memasang pada penjolok.
tangkunaa'o: mengancam.
tapisako: menggoncangkan.
tara: bisa.
tasuako: mengacungkan.
tata'o: memotong.
te'antai: tergoncang.
tebirungku: kusut.
tebobongka: terbelah-belah.
tedangkawako: tersungkur.
tekawole: terpecah.
tela'o: mematahkan.
telulusako: 1. terkupas; 2. semua tanpa sisa.
te'onini: dikeluarkan.
tepakuasi: mengungsi.
tepoke: tersangkut.
teposengka: berbeda.
tepuasako: tersembur.
teribua: tergoncang.
tesore: berlabuh.
tesukaako: maju.
tetampelako: terbanting.
tetapasako: tergeletak.
tetente: berjatuhan.
tetompi: terlepas.
tinekangkaako: mukjizat. Kadadia da sai paisa inonto da tinekangkaako kai inonto kuasano Apu Alla da dompa owose, kanano mompokontido, mompetoka miano da teporewu-rewu, ronga meha-mehano da niweweuno i Yesus ronga ana guruno, peto'ono hi okudamo pomparentaano Apu Alla.
tinongka: ditebas.
tinu'olako: ditancapkan.
tinuluako: disampaikan.
tinupeki: dipukul dengan tangan.
tiu'o: mencucukan jari.
toba: bertobat. Ontoo manda.
tobu: 1. bidang (tanah); 2. kelompok.
tolokunio: membungkus.
tolobonto: persendian.
tomo'o: mencelupkan.
tomu: terpagar keliling.
tonda: beserta.
tondompuruo: mengerumuni.
tongka'o: menebas.
totakai mataa: menatap.
totombolo: meraung.
tumba: sampai.
tumbu1: tumbuh.
tumbu2: stempel.
tumbusio: mendorong.
tu'oraa: menaruh di atas.
tupekio: memukul dengan tangan.
uka laro: marah.
uli: kemudi.
uluahako: menghasut.
unta: Unta yahoo kadadi da owose ronga montoe da pine'uleahi ronga mosama niwawa. Wuluno unta niweweu tewali kae ngkasara (ontoo Matius 19:24, 23:24).
winico: bergerak banyak.
wosi: mulai tumbuh.
wotoluno Kristus: tubuh Kristus. Wotoluno Kristus parereno jema'ano Yesus Kristus da meboboto. I Kristus da kapalaiho jema'a (Kolose 1:18).
wuke: muai, fermentasi.
Yahudi: Miano Yahudi yahoo leeno Ibrahim, mebinta hai anano, i Ishak, ronga mbueno, i Yakub. I'iramo da nte nineehako miano Israil atawa miano Ibrani.
Yahya: Hai Boku Haratiano Apu Alla dahoo orua miano da meneehako i Yahya. Yahya pengkenaasi Yohanes.
1. Yahya pompobaho yahoo nabii da mompasadia nta salano Yesus Kristus.
2. Yahya anano Zebedeus yahoo me'asa simbauno ana guruno Apu Yesus da hopulu orua da nineehako rasulu.
Saliwano koie dahopo otolu miano penda da meneehako Yohanes:
1. Yohanes Markus, topisano Barnabas simbau mpohedono i Paulus, da burio Injili Markus (ontoo Tulurando Rasulu 12:12; Kolose 4:10).
2. Yohanes yahoo tamano Simon Petrus (ontoo Matius 16:17; Yahya 1:42).
3. Yohanes yahoo petila mentalano pua'ima'ea Hanas (ontoo Tulurando Rasulu 4:6).
Yahya pompobaho: Yohanes Pembaptis. Yahya pompobaho yahoo anano pua'ima Zakharia ronga Elisabet (Lukas 1). Kai pobaho miano tewali peto'ono hindo memandamo ronga inampuni dosando (Lukas 3:3). Iaamo da mompasadia nta salano Apu Yesus (Lukas 3:16). Oleo perumbui kai pinopateno mokole Herodes hina pasala'o bangu-banguno da mosa'o. (Lukas 3:19-20, 9:9; Matius 14:1-12). Asa ntilara ana guruno daa mentehawu hai mai-maina. Dahira da nibaho ronga tewali ana guruno Kristus (Tulurando Rasulu 18:25, 19:3).
Yehuda: Yehuda anano i Yakub da hopulu orua mpetitilado. Iaamo pembue'ando suku Yehuda. Miano Yehuda mpoo'ia hai wonua Yudea, kota owoseno Yerusalem. Yesus Kristus yahoo miano suku Yehuda.
Yerusalem: Kota owoseno miano Israil metampu'u tempono mokole Daud ronga dahanomo pinotade raha mpesombaa. Tempono i Yesus, Yerusalem dahano pomparentaano gubernur Roma. Konaa ta'u 70 Masehi, kota Yerusalem pinokohancurudo sorodadu Roma da niwawaino i Titus kana ari kanahino Apu Yesus (ontoo Matius 24:2; Lukas 21:20-24).
Yohanes: Ontoo Yahya.
Yosua: Yosua yahoo powawaino miano Israil popo'euno nabii Musa. Iaamo da wawaihira mpewiso hai wonua Kana'an da nidandino Apu Alla tewali kikitoondo. Sa'arindo nangio miano Kana'an, kai titila'akondo'o koie wita da hopulu orua suku Israil.
Yudas: Neeno opia miano da saba hai boku Injili:
1. Yudas Iskariot, ana guruno i Yesus da soroakondo'o pedaluno.
2. Yudas, tuaino i Yesus, da moburi sura Yudas.
3. Yudas, ana guruno Yesus.
Yudea: Wonua Israil da tindaa salata yahoo wonua Yudea, kota owoseno Yerusalem.
Yunani: Tempono Yesus, gau ronga sarano Yunani moluehomo teleleakoano. Pedandi'a Tonia atawa boku Injili teburi hai gau Yunani. Me'aluo miano Yahudi hai wonua Israil ronga wonua suere da mogau'ako gau Yunani (ontoo Tulurando Rasulu 6:1).
Yunus: Yunus yahoo nabii ntinenano Apu Alla lako hai kota Niniwe. Sawali namolai tii hai bangka da pinohiuno hembo'ea, kai hinawiako hai bolo ntahi, kai udooho ica'ea. Otolu oleo kai lua'o mbule koie ica, yahopo kai lako hai Niniwe moleleako haratiano Apu Alla.
Yusuf: Me'aluo miano da meneehako i Yusuf hai Boku Haratiano Apu Alla:
1. Yusuf anano i Yakub da hopulu orua'ira mpetila. Iaamo da hinawiako hai Mesir kai tewali gubernur.
2. Yusuf samporano i Maria, tinano Yesus Kristus.
3. Yusuf tuaino Yesus da olimahira mpetila (ontoo Matius 13:55; Markus 6:3).
4. Yusuf anano miano da nunu'o i Yesus, yahoo i Maria (ontoo Matius 27:56; Markus 15:47).
5. Yusuf mebinta hai Arimatea, da nunu'o i Yesus, me'asa simbauno pongadila'eano agama. Iaamo da mo'itaa maeatino i Yesus hai Pontius Pilatus (ontoo Matius 27:57-60).
6. Yusuf Barsabas, da nunu'o i Yesus, da pinatudu nta popo'euho i Yudas Iskariot. Tempono niloterei, i Matias da teruruki (ontoo Tulurando Rasulu 1:23).
7. Yusuf Barnabas, simbau mpe'asa mpohedono i Paulus (ontoo Tulurando Rasulu 4:36).
zaitun: Wua zaitun kinaaho ronga me'alu minano. Me'aluo pu'u ngkeu zaitun hai kabumbu bungkuno Yerusalem, nangkuamo kai nineehako kabumbu Zaitun.