Shɔŋ yi ndzeŋe tsukɔ Jisɔs wɨ nɨ
Luka
nə̀ bɔndɔ
Fiɔŋ fi na ji Kɨŋwatɨ kɨ Luka lə kɨŋ ntɨŋ
Kɨŋwatɨ kɨ Luka lə kɨŋ na tɨdi lə Jisɔs na Nchitə wu Nyɔ nə̀ kaa wa bənɨ bə Isla lɨ, yu ji tɨ Nchitə wu ŋkɨkɨ chi. Kɨ na chanyɛ biɔŋ bidɔ tsukɔ Jisɔs wɨ bi na ji kɨŋwatɨ kɨŋ ntɨŋ kwa. Kɨ na chanyɛ nɨ bə́ nə̀ bɛyɛ Jisɔs bənchinda bə Nyɔ lə kɨ tɨtɨ, bəntɨŋkɨ bə shíŋ'ə gəŋ ba ŋəŋ wɛŋ wɨ (2:8-20), kɨ na chanyɛ tɨ nɨ Jisɔs nə̀ shə tsɔŋ yi bintɔfiɛ ntɨŋ Jɛlosalɛm (2:41-50), kɨ chanyɛ ŋgaŋ wu Jisɔs nə̀ maa tsukɔ miɨ wu ndzeŋe wu Samaliya wɨ (10:25-37), bə ŋgaŋ wu na tsukɔ wɛŋ wu nə̀ la wɨ (15:11-32). Kɨŋwatɨ kɨ Luka lə kɨŋ na chanyɛ kɨtso tsukɔ kɨntsɨsɨ wɨ (3:21; 5:16; 6:12; 11:1; 22:32; 23:34, 46), kɨ chanyɛ kɨtso tɨ tsukɔ Kɨn'yɨntɨ kɨ Ntsaaŋ wɨ (4:1, 14; 10:21; 24:49), kɨ chanyɛ tɨ tsukɔ bəkansɨ wɨ (7:11-12, 36-50; 8:2-3; 10:38-42; 13:10-17; 23:27). Kɨŋwatɨ kɨ Luka lə kɨŋ na chanyɛ tɨ nɨ Nyɔ na gufiɛ məmbiə mə bənɨ lə, ɨji na fiɔŋ fi Jisɔs nə̀ ba sɛŋ koso fi lɨ (19:10).
Fó yi biɔŋ'ə Kɨŋwatɨ kɨŋ ntɨŋ
1:1-4 Mbɛyɛ
1:5–2:52 Nɨ bə́ nə̀ bɛyɛ Jɔŋ Nchɛsebiɔ bə nɨ bə́ nə̀ bɛyɛ Jisɔs bɔ kɨ ko
3:1-20 Nɨŋ yi Jɔŋ Nchɛsebiɔ
3:21–4:13 Nɨ bə́ nə̀ chɛsɛ Jisɔs biɔ bə nɨ Satan nə̀ foko yu
4:14–9:50 Tsukɔ nɨŋ yi Jisɔs wɨ Galili
9:51–19:27 Nɨ Jisɔs nə̀ fɔɔ nə Galili kɨ gɨntɨ Jɛlosalɛm
19:28–23:56 Tsukɔ biənɨ wu Jisɔs wu fəŋgbɨŋ wɨ Jɛlosalɛm
24:1-53 Nɨ Jisɔs nə̀ dzakɔ nə kkpə lɨ ba dza bənɨ yəsɨ, kɨ bɨndɨ bɔ́