Shɔŋ yi ndzeŋe tsukɔ Jisɔs wɨ nɨ
Jɔŋ
nə̀ bɔndɔ
Fiɔŋ fi na ji Kɨŋwatɨ kɨ Jɔŋ'ə kɨŋ ntɨŋ
Shɔŋ yi ndzeŋe yi Jɔŋ nə̀ bɔndɔ nyi na donchɛ lə Jisɔs na ji diɛ yi Nyɔ yi nə̀ ji mbɛyɛ lɨ yi na ji tsá chi, ɨji yi yi nə̀ tsɔ miɨ. Kɨŋwatɨ kɨsu kɨbɛɛ na chanyɛ lə shɔŋ yi ndzeŋe nyi bə́ nə̀ bɔndu yi lə fə bənɨ bə na tanchɛ bɨmiə lə Jisɔs na Nchitə wu Nyɔ nə̀ kaa wa, yu ji Wɛŋ wu Nyɔ, ɨji naji ɨ bə́ ga shəŋ yu wɨ, ɨ bə́ keŋkɛ buwəŋ bu kəkaha (20:31).
Fiɔŋ fi Jɔŋ bɔndɔ kɨŋwatɨ kɨŋ ntɨŋ ba chisə tsɔ fi wɨ na tsukɔ kɨnya kɨ na ji buwəŋ bu kəkaha bu na ji ndzɨ Klistu. Kɨnya kɨŋ ji bikwəntsə bi gbɔɔ fɛŋ, kɨ ji bə bənɨ bə bɨmiə lə Jisɔs na dzə, yu ji kɨyɛyi, yu ji buwəŋ. Yidɔ dzə yi Jɔŋ bɔndɔ kɨŋwatɨ kɨŋ yi ntɨŋ yi na ji chichi na donchɛ nɨ Jisɔs nə̀ dze biɔŋ bi bənɨ na kkɨ kɨjimiɛ kɨŋ ntɨŋ ba kɨ tɨfiə yu donchɛɛ nɨ biɔŋ bi kɨn'yɨntɨ lə na ji.
Fó yi biɔŋ'ə Kɨŋwatɨ kɨŋ ntɨŋ
1:1-18 Tsakɨtɨ nɨ Diɛ nə̀ tsɔ miɨbəwəŋ
1:19-51 Tsukɔ Jɔŋ Nchɛsebiɔ wɨ, ma beŋ bə nɨŋ'ə bə Jisɔs lə bə fiəfiə
2:1–12:50 Nɨ Jisɔs nə̀ gəndəə yu nɨntɨ nɨŋ yihi
13:1–19:42 Tsukɔ díɔ yi Jisɔs lə yi nəjiŋ Jɛlosalɛm bə bituŋ bi nɔ
20:1-31 Nɨ Baba Jisɔs nə̀ dzakɔ nə kkpə lɨ ba donchɛ gwɨ yihi bə bənɨ buhu
21:1-25 Kɨfəŋgbɨŋ: Jisɔs donchɛ gwɨ yihi bə beŋ buhu bə nɨŋ'ə Galili