Kɨŋwatɨ kɨ Bifənə
bi beŋ bə faŋə bə Jisɔs lə
Fiɔŋ fi na ji Kɨŋwatɨ kɨ Bifənə lə kɨŋ ntɨŋ
Kɨŋwatɨ kɨ Bifənə kɨŋ nə̀ Luka wu nə̀ bɔndɔ, yu yinə shɔŋ yi ndzeŋe yi na tsukɔ Jisɔs wɨ yi yu nə̀ saa ba bɔndu Kɨŋwatɨ kɨ Luka lə ntɨŋ. Shɔŋ yi ndzeŋe nyi na ji lə Jisɔs nə̀ kkpə kɨtɨ kɨ ŋ'wa lə wɨ ndzɨ məmbiə maha, bə́ di yu, Nyɔ dzakɔ yu nə kkpə lɨ.
Fiɔŋ fi mbɨ lə fi kɨŋwatɨ kɨŋ na chanyɛ tsukɔ fi wɨ na nɨ Kɨn'yɨntɨ kɨ Ntsaaŋ nə̀ fəə beŋ bə faŋə bə Jisɔs lə fə shɔŋ yi ndzeŋe yi na tsukɔ Jisɔs no wɨ tsaŋ ba gəŋ Jɛlosalɛm ma bidia bi Judɛya bə bi Samaliya bichi, gəŋ fɔ bo yi mbi lə wɨ nna (1:8). Kɨŋwatɨ kɨŋ na ntəfɨ tsukɔ nɨ kɨntsu kɨ bənɨ bə Klistu lə nə̀ gbɔɔ Bəju ntɨŋ. Kɨntsu kɨsu ga shəŋ Jisɔs wɨ, fi dza ba tsu fiɔŋ fi mbi chi lə.
Fó yi biɔŋ'ə Kɨŋwatɨ kɨŋ ntɨŋ
1:1-26 Nyɔ ga bənɨ bə bitɨfiə lə
1:1-14 Jisɔs nya bitɨfiɛ bi nəjiŋ ba ka lɨ
1:15-26 Miɨ dze dɨ wu Judas lə
2:1–8:3 Bə́ tɨfiə shɔŋ yi Jisɔs Jɛlosalɛm
8:4–12:25 Bə́ tɨfiə shɔŋ yi Jisɔs Judɛya bə Samaliya
13:1–28:31 Nɨŋ yi Pɔl
13:1–14:28 Gbəndɨ wu Pɔl lə wu fiəfiə
15:1-35 Kɨjimiɛ kɨ Jɛlosalɛm
15:36–18:22 Gbəndɨ wu Pɔl lə wu tsá bɨŋ fiɛ
18:23–21:16 Gbəndɨ wu Pɔl lə wu tsá bɨŋ tiɛ
21:17–28:31 Pɔl kɨ ji miɨ wu buŋfia, yu bu tɨfiə diɛ yi Nyɔ Jɛlosalɛm bə Kasaliya ma Lom