Kɨŋwatɨ kɨ Pɔl nə̀ bɔndɔ bə ntɛshɛ yi
Lom
Fiɔŋ fi na ji Kɨŋwatɨ kɨ Loma lə kɨŋ ntɨŋ
Kɨŋwatɨ kɨŋ nə̀ Pɔl wu nə̀ bɔndɔ bə bənɨ bə kɨmbɨŋ'ə bə Lom, yu tɨdi bɔ fiɔŋ fi yu nə̀ kkɨ tsukɔ kɨmbɨŋ kɨ bənɨ bə Klistu lə, bə fiɔŋ fi naji lə bənɨ bə kɨmbɨŋ ka lə kɨ fɨtɨ. Kɨŋwatɨ kɨŋ na keŋkɛ fiɔŋ fichi fi na tsukɔ bitɨfiɛ bi Pɔl lə wɨ, kɨ yakɨ biŋwatɨ bihi bidɔ bia bichi.
Yu tə lə bənɨ bəchi, fa Bəju lɛɛ, makə bənɨ bə na jimiɛhɛ Bəju naji lə bɔ lɨmə gwɨ́ yibɔlə bə Nyɔ, ndzɨ bɔ bəchi na ji bə bubiə. Yu tə lə bə nlɨmə yi gwɨ yi miɨ bə Nyɔ na kwa tsa yi yu' galə shəŋ Jisɔs Klistu wɨ.
Pɔl nə̀ bɔndu tɨ lə yu nachɛ gbəndɨ wu yu nə̀ se lə yu gəŋ ŋəŋ ntɛshɛ yi bənɨ bə kɨmbɨŋ'ə bə Lom. Yu nə̀ nachɛ lə yu ná gɨntɨ fɔ sɔ, ɨ yu shentɛ bə bɔ tsəsɨ yu fɨtɨ nɨŋ bɔ ntɨŋ, ɨ bɔ tambi yu, ɨ yu gəŋ fiə gəŋ fɔ Spɛn.
Fó yi biɔŋ'ə Kɨŋwatɨ kɨŋ ntɨŋ
1:1-17 Mbɛyɛ bə fo wu nchanyɛ lə
1:18–3:20 Nɨ bənɨ bəchi sha bɨŋ na se lə bɔ fɔfo
3:21–4:25 Dzə yi Nyɔ na se lə bənɨ chɛ yi ntɨŋ ba tə fɔfo
5:1–8:39 Kɨjimiə kɨfa kɨ bənɨ bə Klistu lə na keŋkɛ
9:1–11:36 Bənɨ bə Isla kɨmbɨchə kɨ Nyɔ lə ntɨŋ
12:1–15:13 Kɨjimiɛ kɨ bənɨ bə Klistu lə
15:14–16:27 Kɨfəŋgbɨŋ bə ntsɨsɨ yi bənɨ