Kɨŋwatɨ kɨ fiəfiə kɨ Pɔl nə̀ bɔndɔ bə ntɛshɛ yi Kɔlɛn
Kɔlɛn
Fiɔŋ fi na ji Kɨŋwatɨ kɨ Kɔlɛn lə kɨ fiəfiə kɨŋ ntɨŋ
Ntɛshɛ yi bənɨ bə kɨmbɨŋ'ə nyi nə̀ Pɔl wu nə̀ bɛyɛ yi. Yu nə̀ bɔndu kɨŋwatɨ kɨ fiəfiə kɨŋ lə yu tɨfiə bɔ tsukɔ shəŋ yi bɔ galə Klistu wɨ bə biɔŋ bidɔ tsukɔ Klistu wɨ. Kɨtuŋ kɨ Kɔlɛn kɨŋ nə̀ dɨ wu shɨ nə̀ shi mɨ kɨtso, bənɨ bə mɨ dze gwɨ bə mbi wubɔ wu bɔ nə̀ diɨ, kɨnyənə kɨ ndzenɛ lə ji sɔ kɨtso, bɔ tsɨsə bə bənyɔ kɨyɛŋ. Pɔl chanyɛ kɨŋwatɨ kɨŋ ntɨŋ kɨtso ɨji tsukɔ biɔŋ bi nə̀ ndzeŋɛhɛ bi nə̀ tɨchə bənɨ bə kɨmbɨŋ'ə ntɨŋ. Bitsə bɨŋ 13 na donchɛ lə kɨnse na kɨnya kɨ Nyɔ lə kɨ na yakɨ binya bichi. Kɨtsə kɨŋ na kɨ bənɨ kɨyɛŋ na kkɨ nə kɨŋwatɨ kɨŋ ntɨŋ.
Fó yi biɔŋ'ə Kɨŋwatɨ kɨŋ ntɨŋ
1:1-9 Mbɛyɛ
1:10–4:21 Kɨnjɛgwɨ ntɛshɛ yi bənɨ bə kɨmbɨŋ'ə ntɨŋ
5:1–7:40 Tsukɔ fiə wu ndzenɛ lə wɨ bə fiə wu kpansɨ bə nomo lə
8:1–11:1 Bənɨ bə Klistu lə bə bə na jimiɛhɛ bənɨ bə Klistu lə
11:2–14:40 Nɨ naji ɨ ntɛshɛ yi bənɨ bə kɨmbɨŋ'ə kɨ fɨtɨ biɔŋ, bə dzə́ yi naji lə bɔ kɨ tsɨsə yi ntɨŋ
15:1-58 Bənɨ bə kɨmbɨŋ'ə ná dzakɔ nə kkpə lɨ nɨ Jisɔs nə̀ dzakɔ
16:1-4 Kɨnya kɨ bə́ nə̀ nya lə bə́ chitə bənɨ bə Klistu lə bə Judɛya su
16:5-24 Bikaŋə bi Pɔl nə̀ kaa bə kɨfəŋgbɨŋ kɨ biɔŋ'ə