Kɨŋwatɨ kɨ tsá fiɛ bɨŋ kɨ Pɔl nə̀ bɔndɔ bə ntɛshɛ yi
Kɔlɛn
Fiɔŋ fi na ji Kɨŋwatɨ kɨŋ ntɨŋ
Pɔl nə̀ bɔndu kɨŋwatɨ kɨ tsá fiɛ bɨŋ kɨŋ bə ntɛshɛ yi bənɨ bə kɨmbɨŋ'ə yi Kɔlɛn. Nə̀ tsa yi bəŋgə nə̀ ba bɔ fəntɨŋ bə ntɛshɛ ya. Bənɨ bədɔ bə ntɛshɛ ya ntɨŋ nə̀ dza kɨ keŋkɛ yímbiɛ yintaŋ tsukɔ Pɔl wɨ. Bəmanɨ, Pɔl bɔndu kɨ donchɛ lə yu na se kɨtso lə bɔ tsu bifuŋ bimo bə yu.
Kɨŋwatɨ kɨŋ gəŋ fiə kɨ chanyɛ nɨ Pɔl nə̀ nende ntɛshɛ ya lə bɔ kɨ yanshɛ kaŋ yibɔlə bə nchitə bənɨ bə Klistu lə bə Judɛya bə nə̀ ji ŋgə ntɨŋ. Kɨfəŋgbɨŋ kɨ kɨŋwatɨ kɨŋ'ə, Pɔl chanyɛ tsukɔ biɔŋ bi na donchɛ lə yu na ji wɛŋ wu faŋə wu Jisɔs Klistu wu yɛyi. Yu nə̀ chanyɛɛ ndzɨ bənɨ bədɔ tsəsɨ bə Kɔlɛn nə̀ jiji ba kɨ dze gwɨ lə na bɔ beŋ bə faŋə bə Jisɔs lə bə yɛyi, bɔ tɨdi lə Pɔl na jimiɛhɛ wɛŋ wu faŋə wu Klistu wu yɛyi.
Fó yi biɔŋ'ə Kɨŋwatɨ kɨŋ ntɨŋ
1:1-11 Mbɛyɛ
1:12–7:16 Pɔl bə ntɛshɛ yi bənɨ bə kɨmbɨŋ'ə yi Kɔlɛn
8:1–9:15 Kɨnya kɨ chitə bənɨ bə Klistu lə bə Judɛya
10:1–13:10 Pɔl chanyɛ tsukɔ biɔŋ bi na donchɛ lə yu na ji wɛŋ wu faŋə wu Jisɔs Klistu wu yɛyi
13:11-14 Kɨfəŋgbɨŋ