Kɨŋwatɨ kɨ Pɔl nə̀ bɔndɔ bə ntɛshɛ yi
Galɛsha
Fiɔŋ fi na ji Kɨŋwatɨ kɨ Galɛsha lə kɨŋ ntɨŋ
Tsa yi bə́ nə̀ gbɔɔ kɨ tɨdi shɔŋ yi ndzeŋe tsukɔ Jisɔs wɨ, bənɨ bə nə̀ jimiɛhɛ Bəju nə̀ ləkə tɨ shɔŋ nyi. Bənɨ bədɔ dza ba gbɔ kɨ ba bə bitɨfiɛ bi naji lə bə́ kɨ galɨ bilaŋ bi Mose lə bichi, fiɔŋ fintaŋ kɨtso ji lə bə́ kɨ sɔmbiɛ dzɔ́ yi bənɨ bə na jimiɛhɛ Bəju lə fə bɔ kɨ ji bənɨ bə Klistu lə bə yɛyi.
Kɨŋwatɨ kɨ Pɔl nə̀ bɔndɔ kɨŋ bə bənɨ bə Galɛsha nə̀ lə yu dɨ bufɨ bubɔlə bu tsu kɨ ji fiɔŋ fi diəŋ wɨ. Dzenəfə yu nə̀ ji wɛŋ wu faŋə wu Jisɔs manɨ, yu kɨ bondo yu gɨntɨ fiə yu donchɛ buni lə Nyɔ na dze miɨ lə yu na ji diəŋ yu yəsɨ ɨji ndzɨ shəŋ yi yu' galə Klistu wɨ.
Fó yi biɔŋ'ə Kɨŋwatɨ kɨŋ ntɨŋ
1:1-10 Mbɛyɛ
1:11–2:21 Buŋga bu Pɔl lə nɨ wɛŋ wu faŋə wu Jisɔs Klistu
3:1–4:31 Pɔl chanyɛ tsukɔ shɔŋ yi ndzeŋe wɨ bə kɨ bilaŋ'ə wɨ
5:1–6:10 Bənɨ bə Klistu lə' fɔ nə buŋfia ntɨŋ ba kɨ woko fɛŋ ji bə Kɨn'yɨntɨ kɨ Ntsaaŋ
6:11-18 Kɨfəŋgbɨŋ