Kɨŋwatɨ kɨ Pɔl nə̀ bɔndɔ bə ntɛshɛ yi
Ɛfɛsɔ
Fiɔŋ fi na ji Kɨŋwatɨ kɨ Ɛfɛsɔ lə kɨŋ ntɨŋ
Kɨŋwatɨ kɨŋ nə̀ Pɔl wɛŋ wu faŋə wu Jisɔs wu nə̀ bɔndɔ kɨ. Yu nə̀ bɔndu kɨ bə bənɨ bə kɨmbɨŋ'ə bə kɨtuŋ kɨ Ɛfɛsɔ ntɨŋ. Fo wu fiɔŋ fi na ji kɨŋwatɨ kɨŋ ntɨŋ na nsese yi Nyɔ nə̀ sesɛ lə yu ná banchɛ biɔŋ bichi bi bɔ́ bə bi koso ba ga Jisɔs nəkoso. Pɔl' nachɛ nɨ fi nə̀ gəndə fə bənɨ kɨ ji butɛshɛ bə Nyɔ. Yu donchɛ nɨ Baba Nyɔ nə̀ sabiɛ bənɨ buhu, yu gufiɛ məmbiə məmbɔlə ə ba nə Wene Jisɔs Klistu wɨ, bə nɨ yu nə̀ fəə ndonchɛ yihi bɔ wɨ yi na ji Kɨn'yɨntɨ kɨ Ntsaaŋ. Yu nya bitɨfiɛ bə bənɨ bə yu bɔndɔ ba kɨŋwatɨ kɨŋ bə bɔ lə bɔ kɨ jimi kɨjimiɛ kɨ na donchɛ lə bɔ na ji Klistu ntɨŋ. Pɔl' donchɛ dzə́ ntɨŋ kɨyɛŋ lə yu fɨkə nɨ ntɛshɛ yi bənɨ bə kɨmbɨŋ'ə naji lə yi kɨ ji miɨ lɨ miu Klistu ntɨŋ.
Fó yi biɔŋ'ə Kɨŋwatɨ kɨŋ ntɨŋ
1:1-2 Mbɛyɛ
1:3–3:21 Bikaŋə bi Nyɔ nə̀ keŋkɛ Klistu wɨ ma bə ntɛshɛ yi bənɨ bə kɨmbɨŋ'ə
4:1–6:20 Kɨjimiɛ kɨfa kɨ bənɨ bə Klistu lə
6:21-24 Kɨfəŋgbɨŋ