Kɨŋwatɨ kɨ Pɔl nə̀ bɔndɔ bə ntɛshɛ yi
Filipi
Fiɔŋ fi na ji Kɨŋwatɨ kɨ Filipi lə kɨŋ ntɨŋ
Nə̀ Pɔl wu nə̀ bɔndɔ kɨŋwatɨ kɨŋ bə ntɛshɛ yi bənɨ bə kɨmbɨŋ'ə yi Filipi. Kɨŋwatɨ kɨŋ na kɨdɔ nə biŋwatɨ ntɨŋ bi Pɔl nə̀ bɔndɔ tsɔŋ yi buŋfia ntɨŋ Lom. Fiɔŋ fi nə̀ fəə lə Pɔl bɔndu kɨŋwatɨ kɨŋ nə̀ lə yu donchɛ lə yu' ŋəŋ kpə wu ntɛshɛ yi Filipi ya nə̀ faŋə. Fo wu nchanyɛ yi Pɔl lə kɨŋwatɨ kɨŋ ntɨŋ na lə, “Nə mɨ lɨ, ndiə buwəŋ, tə njiwa ŋkɨ nji kwa Klistu lɨ, ŋkkpə lɨ, ɨ kɨ ji mbɨ mɨ lɨ (1:21).” Pɔl na chanyɛ tsukɔ bubəŋ bu Baba waha Jisɔs Klistu lə wɨ, nɨ yu nə̀ chisə gwɨ yihi koso ba tsu nɨ mfia, Nyɔ bəndɨsɨ yu ba ga yu dɨ wubəŋ wɨ wu na ko ba ya wu miɨ chi lə. Yu' se bɔ lə kɨjimiɛ kɨbɔlə Klistu ntɨŋ na kɨnya kɨ Nyɔ lə ə ba nə shəŋ yihi yi ndzeŋe wɨ yi yu na keŋkɛ bə bɔ ə ba nə shəŋ yi bɔ' galə Klistu wɨ, lə fi na jimiɛhɛ ndzɨ bɔ na galɨ bilaŋ bi Bəju lə bu ku lə. Kɨŋwatɨ kɨŋ' chanyɛ kɨtso kɨ buni bu wɔnɔ lə bə ŋga yi bufɨ fiɔŋ fi Klistu lə wɨ masə sɨŋ bə njiŋ fiɔŋ'ɨ fimo ma ŋkuŋ yi shəŋ kɨmbɨŋ ntɨŋ bə kɨjimiɛ kɨ fɛŋ'ə ntɨŋ.
Fó yi biɔŋ'ə Kɨŋwatɨ kɨŋ ntɨŋ
1:1-11 Mbɛyɛ
1:12-26 Biɔŋ bi nə̀ tɨchə Pɔl
1:27–2:18 Kɨjimiɛ kɨ miɨ wu na ji Klistu ntɨŋ
2:19-30 Nchanyɛ tsukɔ Timɔti bə Ɛpaflɔditus wɨ
3:1–4:9 Tsukɔ bənɨ bə nchɛnɛ lə wɨ bə bəŋgə
4:10-20 Bənɨ bə Filipi na mənshə mə Pɔl lə
4:21-23 Binntsɨsɨ