Shɔŋ yi ndzeŋe tsukɔ Jisɔs wɨ nɨ
Maku
nə̀ bɔndɔ
Fiɔŋ fi na ji Kɨŋwatɨ kɨ Maku lə kɨŋ ntɨŋ
Shɔŋ yi ndzeŋe yi Maku nə̀ bɔndɔ nyi na donchɛ lə Jisɔs na miɨ wu nə̀ nɨntɨ nɨŋ yi Nyɔ, yu keŋkɛ buŋga bu chanyɛ fiɔŋ lə fi kɨ ji nɨ yu' chanyɛ cha. Yu nə̀ donchɛ buŋga buŋ bə bitɨfiɛ bihi ma nɨ yu nə̀ foshɛ bətsə, ma nɨ yu nə̀ foshɛ məmbiə nə bənɨ wɨ. Jisɔs nə̀ tsɨsə gwɨ yihi lə yu na ji Wɛŋ wu Miɨ, wu nə̀ ba lə yu nya gwɨ yihi ba tsu bənɨ nə ŋgə ntɨŋ (10:45). Yɨ wuŋ lə Wɛŋ wu Miɨ na wu na ji Kɨŋwatɨ kɨ Dania lə ntɨŋ 7:3-14.
Maku no bɔndu kɨtso ji tsukɔ biɔŋ bi Jisɔs nə̀ fɨtɨ wɨ ya bi yu nə̀ chanyɛɛ.
Fó yi biɔŋ'ə Kɨŋwatɨ kɨŋ ntɨŋ
1:1-13 Mbɛyɛ yi shɔŋ yi ndzeŋe tsukɔ Jisɔs wɨ
1:14–9:50 Nɨŋ yi Jisɔs sha yi Galili ntɨŋ
10:1-52 Jisɔs dza nə Galili ba gəŋ Jɛlosalɛm
11:1–15:47 Biənɨ wu Jisɔs wu fəŋgbɨŋ fə Jɛlosalɛm ku ma Jɛlosalɛm ntɨŋ ba kanə kɨ kkpə yihi lə
16:1-8 Ndzakɔ yi Jisɔs nə kkpə lɨ
16:9-20 Nɨ Jisɔs nə̀ dzakɔ nə kkpə lɨ ba donchɛ gwɨ yihi bə nɨ yu nə̀ bəndə bɔ́