Shɔŋ yi ndzeŋe tsukɔ Jisɔs wɨ nɨ
Matiɔ
nə̀ bɔndɔ
Fiɔŋ fi na ji Kɨŋwatɨ kɨ Matiɔ lə kɨŋ ntɨŋ
Shɔŋ yi ndzeŋe yi na ji Kɨŋwatɨ kɨ Matiɔ lə kɨŋ ntɨŋ na chanyɛ lə Jisɔs na Nchitə wu Nyɔ nə̀ kaa wa. Shɔŋ yi ndzeŋe nyi ji bənɨ bəchi lɨ bə na ji mbi ntɨŋ. Kɨŋwatɨ kɨŋ na donchɛ lə na Jisɔs Miɨ wu Bitɨfiə wu diəŋ wu na kkɨ ndze tsa ba nachə fiɔŋ fi bilaŋ bi Nyɔ lə na tɨdi. Bə́ nə̀ jɛ bitɨfiɛ bi Jisɔs lə bichi kɨŋwatɨ kɨŋ ntɨŋ shi ntɨŋ shɨŋ. (1) Nɨ Jisɔs nə̀ bəndə ba jiŋ dzo bɨŋ kɨ tɨfiə tsukɔ bənɨ bə buŋkuŋ bu bɔ́ na ji bɔ lɨ. (2) Nɨ Jisɔs nə̀ nya bitɨfiə bə beŋ buhu bə nɨŋ'ə bə yɔɔ ntse bəfɛ tsukɔ nɨŋ yi yu nə̀ faŋə bɔ yi lɨ. (3) Bəŋgaŋ bə Jisɔs nə̀ maa tsukɔ buŋkuŋ bu bɔ́ wɨ. (4) Bitɨfiə tsukɔ fiɔŋ fi miɨ wu nɨŋ wu Jisɔs na ji fi lɨ. (5) Bitɨfiə nɨ mbi no ná ka bə nɨ buŋkuŋ bu Nyɔ lə ná ba.
Fó yi biɔŋ'ə Kɨŋwatɨ kɨŋ ntɨŋ
1:1–2:23 Kɨtsɔŋ kɨ Jisɔs Klistu lə bə nɨ bə́ nə̀ bɛyɛ yu
3:1-12 Nɨŋ yi Jɔŋ Nchɛsebiɔ
3:13–4:11 Nɨ bə́ nə̀ chɛsɛ Jisɔs biɔ bə nɨ Satan nə̀ fɔɔ yu
4:12–18:35 Nɨŋ yi Jisɔs nə̀ gəndəə yu nɨntɨ Galili
19:1–20:34 Jisɔs dza nə Galili ba gəŋ Jɛlosalɛm
21:1–27:66 Biənɨ wu Jisɔs wu fəŋgbɨŋ Jɛlosalɛm
28:1-20 Nɨ Baba Jisɔs nə̀ dzakɔ nə kkpə lɨ ba donchɛ gwɨ yihi bə bənɨ buhu