Paulus ni surat kedua ber soranyar na
Korintus
Ngribatin Luryain
Noak ma soranyar rlangun Paulus ni surat pertama e, rasesal sir ma rtate nir salar (7:8-11). Nempa tomwatar ketnir to rlangun Paulus ni snyurtar, ma sir dedesar ma rose sale (12:21). Ma tomwatar ketnir rma ma raftutu anftutw lepuskwar (11:3-4). Sir rbangal Paulus ma rfalak feti i to neluk Yesus Ni mangsiduk.
Paulus nfenai feti i nose ma soranyar na Korintus dalmir suse, fali ntampu sir lo na ni surat pertama (7:8). Mpa na ni surat dalam ye i ntak ma soranyar rlangun i a rbali (6:11-13; 7:2). Paulus nfalak feti i nkamis desar sir ma nose ma nma ma nakmat sir (7:2-4). Paulus nfalak feti i nkaryae Ratu Ni karyayar nor dalamy lelerap (2:17; 4:2). I nafdiat i a nbal nof tuanggurw lepuskwar ma rbangal i a ne (11:4-5).
Paulus nafkoran soranyar a na Korintus. I nfalak feti farlan sir dalmir lese ror Yesus ninr Ray Silai keta Ratu nafbweberi nir momorip (5:17). Ratu keta nose ma nti a nti e nir momorip rbalak I (3:18). Tomwatar ma ralele Yesus a ne keta rmorip dedesar ror Ratu (4:17).
Paulus nfalak ber soranyar a nbal ma rabutin doit la rtulung soranyar ma ralele Yesus nir perluar na kote Yerusalem (8:1; 9:15). I ntak sir ma rabutin nir dotyar ror dalmir senange fali Ratu nal berkat ber sir ma nlie nlengan (9:6-8).
Surat ye isiny
1:1-11 Paulus ni ngribatin luryain
13:11-13 Penutup.