AYUBU
Mantû ma îbuku rîrî
Tatiga bûra kwandîkîîtwe îbukuuni rîrî, gûtiiyîkeene n'ûû we mwandîki warîo kana kûmenyekana Ayubu aarî ûû. Nwa wîgue îbuku rîrî i rîo rîkûrû mûno ndeeni ya kîrîîkanîro gîîkûrû.
Îbuku rîrî i rwaria rwa Ayubu na acoore baake bathatû rîra aarî na kînyamaara kîînene mûno. Acoore baba baake barîgeria kwereeca kuumania na ûmenyo bwao bwa kîwîîthîre atî kînyamaara gîkî kîa Ayubu n'îkaanûkia rîa Ngai kîrî antû n'ûntû bwa wîyia. N'ûntû bwa acoore baake kûmûgaambithia, mantû maake i maathiyaga mbere kûthûûka bantû mabua. Kwanjîîria Gîcu. 32:1 noo muntû wa bana ta we Eriu akûthûûngîîra rwariani na njîra ya mwanya. Rîru gûkathingatîîra rwaria rwa Ngai wengwa kîrî Ayubu na îcookio na gûcookanîirua kwa Ayubu Gîcu. 38-42.
Rûgono rûrû rwa Ayubu rûrîonania atî, kinya muntû agakûrûkîîra kînyamaarani kîînene ata na gûtirî wîyia arûthîîte twa mwanka atiganîrie gwîtîgia Ngai. Kûnyamaara kwa Ayubu kwaumanagia na nkoma ûra mûthitangi wa antû na mûnthû wa Ngai. Îndî Ngai aatûmîîre kînyamaara kîrî Ayubu kûringana na mûbango wake. Îbuku rîrî rîrîtûrutana atî tûtiûmba kûmenya itûmi bionthe bia inyamaara bia mûtûûrîre ûyû. Kwoogu, n'ûntû bûrî gîtûmi mûno kûmenya Ngai na kûmûtîîya bantû a kûmenya itûmi bia mantû matuîkîka.
Gwookubî îbuku rîrî rîkari ûûgû:
Ûtonga aana na ûgima bwa mwîrî bwa Ayubu biathira (1:1-2:13)
Ayubu na acoore baake (3:1-31:40)
a. Ayubu aanung'una (3:1-26)
b. Rwaria rwa mbere (4:1-14:22)
c. Rwaria rwa maîrî (15:1-21:34)
d. Rwaria rwa mathatû (22:1-27:23)
e. Ûûgî bwakaathwa (28:1-28)
f. Biugo bia mûthia bia Ayubu (29:1-31:40)
Rwaria rwa Eriu (32:1-37:24)
Mwathani acookeria Ayubu (38:1-42:6)
Biugo bia mûthia (42:7-17)