Ûnene bwa Asuerusu na Morindekai
10
1 Mûnene Asuerusu aarûngithia antû ba nthîgûrû îra aathaga, na kinya bara baatûûraga rûteere rwa îria ûgooti. 2 Mantû maanene na ma kûrigaria monthe mara aarûthire, na rûgono runthe rwa bûra aaneneirie Morindekai, maandîkîîtwe Mabukuuni ma Mûririkana ma Anene ba Pasia na Mendia. 3 Morindekai ûyu mûyaundi n'wee aarî mûniini wa mûnene Asuerusu. Naanenkeretwe gîtîîyo na neendeetwe n'Ayaundi baao. Aarutaga ngûgî kaingo ateethia antû baao na akabatheteera.