1 Timotius i

Hura Paulus to Pamulana rau hi Timotius

Popailodoa

Paulus notulihi hura ei hi Timotius, hadua to neparahaya, to bahangkua mpaemi nantuku Paulus i rara pomakoana nampotolele Kareba Belo (Kis. 16:3; 17:14-15; 18:5; 19:22; 20:1-6). Tuama Timotius ee to Yunani, pade tinana to Yahudi. Potulihi Paulus hura ei, Timotius bulana i Efesus, pade Paulus i Makedonia. Paulus nampahilo ba poma'i maria logana rau i Efesus. Etu pade laitulihina hura ei pade laipakatuna hi Timotius (3:14-15).

Rara hura ei, Paulus nantudu Timotius bona matida'i olu i Efesus mampobago bago Pue (1:3, 18). Laituduna'i bona natagi tauna to nangkeni patudu to moma nakono (1:3-11; 4:1-6). Habana i Efesus naria tauna to nangkeni patudu to moma nahibali hante Kareba Belo. Laipakera patudu Taurat Musa, naupawee moma'i nakono popatudura (1:7-8). Rara patudura, mamalata mamparata kahalamaa ane taturuhi atura to laibabeira, rapana nemo moncamoko pade nemo mangkoni konia to laipetagii (4:1-5). Paulus nantudu Timotius bona mampaewa atura lauria.

Napu ee, Paulus nantudu Timotius bona mampauruhi bago Pue to poma nateuruhi, rapana kabiahaa mohambaya (2:1-16), hipa to mahipato hi penatua bo diaken to nobago rara pobagoa Pue (3:1-13), pade bewa mampatulungi bangkele to nabalu to nakahiahi (5:3-16). Napu ee Paulus nampalingai Timotius bona ingkuna mantuku patudu to nakono.

Ihi buku ei

1. Tabe pamulana (1:1-2)

2. Tauna ratagi mangkeni patudu to moma nakono (1:3-20)

3. Ingku to mahipato rababeira tauna to neparahaya hi Kristus (2:1–3:16)

4. Bewa mampaewa patudu to moma nakono (4:1-16)

5. Mouruhi bago Pue to poma nateuruhi rara katuwua jumaa (5:1–6:2a)

6. Mantuku ingku to nakono (6:2b-21a)

7. Tabe kahuduana (6:21b)