Hura Paulus Karongkanina rau hi Jumaa i Tesalonika
Popailodoa
Nainguradapa to pantuku Yesus i Tesalonika. Poma incanira mpuu ewa napa karata nculi Pue Yesus (2:1-2). Bahangkua duara nampekiri, eo karata nculi Pue naliumi pade bahangkua dua muira momaramo nobago, apa pekirira dungku marata nculimi Pue Yesus (3:6, 11-12).
Patuju Paulus notulihi hura karongkanina ei, naria bahangkua ngaa. Laipakarohona rarara bona mantahara mantingohi kahehaa pade peduahia to namparumpara (1:5-10). Laipalingainara napa to madupa tempo eo karata nculi Pue Yesus (2:1-17). Laipatudunara bona meparahaya moto oara hi Pue (2:13-15). Nemo malohe, pade kana mobagora mampali pangkonira moto (3:6-15). Rara hura ei, Paulus naharo nanguli karata nculi Pue Yesus (1:7-10; 2:1-17).
Ihi buku ei
1. Tabe pamulana (1:1-2)
2. Paulus nosukuru pade nampakaroho rarara to Tesalonika (1:3-12)
3. Paulus nopatudura napa to madupa tempo karata nculi Pue Yesus (2:1-17)
4. Paulus namperapi bona to Tesalonika mampahambayani'i, pade nangulikara bona nemora malohe mobago (3:1-15)
5. Tabe kahuduana (3:16-18)