Nangkambelai hambaya jumaa
2
1 Pamula-mulana kuperapi mpuu hi komi, paratami perapia, posukuru, pade hambayami hi Alatala nangkambelai humawee tauna, 2 magau-magau pade humawee to nalangko pangkara bona manone katuwuta, malogata mepue hi Alatala pade moingkuta to mahipato. 3 Etumile to nabelo pade to laipokagoe Alatala to Pepakahalamata. 4 Laipodota-Na bona humawee tauna rapakahalama pade mangincani napa to nakono. 5 Apa Alatala ee hadua aga. Pade hadua moto mui to nampaoloti Alatala pade manuhia. To nampaoloti ee mai Kristus Yesus to nawali manuhia 6 pade nampopewai woto-Na nampatolohi humawee manuhia. Yesus namate i tempo to laipakatantu Alatala nampahiloi ane mingki-'I humawee manuhia rapakahalama. 7 Etu pade laiongko'a nawali to pekarebai bo rasul bona mangkarebai petolohi bo pepakahalama ee, pade nawali to popatudu tauna to moma Yahudi nangkambelai kaparahayaa to nakono. To laiuliku ei nakono. Moma'a nokalowo.Nangkambelai bewa ingku balailo pade bangkele tempo mepue
8 Dotaku aku, ba rima-rimara balailo mohambaya hante rara to nagaha, nemo maria hodo ba pohihala. 9 Wetu moto mui bangkele kana mowarui wotora hante waru to mahipato pade mampakagahi wotora toto-totona moto pade moada. Nemora mo'ompini wuluara meliu ntani ba mampake bulawa, watu mutia ba waru to nahuli. 10 Bangkele kana mampakagahi wotora hante ingku to nabelo, to nahipato rababeira bangkele to nepue hi Alatala.
11 Hadua bangkele kana manone rarana pade matundu mangepe patudu. 12 Moma kupaliu hadua bangkele mopatudu ba moparenta hadua balailo. Kana manone rarana mangepe patudu.a 13 Apa to pamulana laipajadi Adam. Napu ee pade Hawa. 14 Moma mui Adam to laipatiwoo. Bangkele ee mai to laipatiwoo pade nobabei doha. 15 Naupawee Alatala mei mampakahalama bangkele habana moana'i, ane matigura rara peparahaya, matowe hi to ntanina, matuwu mabelo pade moingku toto kahipatoana moto.