Njosua i

NJOSUA

Mantû ma îbuku rîrî

Îbuku rîrî rîîtanîrîtue na Njosua ûra Ngai aathuurire atongoria Aisiraeri nyuma ya Musa agûkua. N'ûntû bûrî na inya kuuga bwega i mwanka ûrîkû îbuku rîrî rîandîkirwe îndî athoomi baingî bathûgaanagia ngûgî ya wandiki bwa rîo yarîkiirie mwankaani wa 1000 MKA kûthi 600 MKA.

Îbuku rîrî rîonanagia bûra Musa aatongoriirie Aisiraeri kwîgwatîra nthîgûrû ya Kanaani îra Ngai eerîrîte kîûyûûyû kîao Îburaîmu. Gîcuncî kîînene kîa îbuku rîrî kîonanagîîria iteere, taûni, na ntûûra ira Ngai anenkeere wa ûmwe wa mîîrîga ya Isiraeri yîîgwatîra îtuîka yao. Kîrî mantû mara marî ma gîtûmi mûno ndeeni ya îbuku rîrî i: Kûringa muuro wa Njorondani (3:1-27); Kûgwa kwa Njeriko (6:1-27); Wîyia bwa Akani (7:1-26); Ndûa ya Ai (8:1-29); na rwaria rwa Njosua rwa mûthia kîrî antû ba Isiraeri. Akubî mûthia wa îbuku rîrî itwîrîîtwe bûra Musa aatongoriirie Aisiraeri kwerûia kîrîîkanîro kîao na Ngai na akîbaûragia bathûgaanie na bagiite îgamba wegua bagaatûmîkîra ngai ciingî kana bagaatûmîkîra Mwathani Ngai wa Isiraeri (24:15).

Îbukuuni rîrî i tûkwîrutana atî, Ngai eyanaga ûcindi na ûûmbani kîrî bara bamwathîkagîra cwe. Njosua n'onanagia mbica ya Yiesû ûra akaaya atongorie antû ba Ngai gûcinda ûthûûku bwa nthîgûrû îno îcinda rîa mûthia.

Gwookubî îbuku rîrî rîkari ûûgû:

Gûcindwa kwa nthîgûrû ya Kanaani (1:1-12:24)

Kûgaîgwa kwa nthîgûrû ya Kanaani (13:1-21:45)

Mîîrîga ya uumîîro bwa riûa yacooka nthîgûrû yao (22:1-34)

Rwaria rwa Njosua rwa mûthia (23:1-16)

Kîrîîkanîro kîerwîrua Sekemu (24:1-33)