Hura to Laitulihi Yakobus
Popailodoa
Habagia bohe tauna to nataualu Buku to Nagaha nanguli ane hura ei mai laitulihi Yakobus, tuai Pue Yesus (Mat. 13:55; Gal. 1:19). Yakobus ee mai hadua lako to pangkeni jumaa i Yerusalem (Kis. 21:18; Gal. 2:9). Hura ei mai laitulihikana hi humawee todea Alatala i humangkulili dunia (1:1).
Rara hura ei mai, Yakobus notulihi nangkambelai pokaingku tauna to mpuu-mpuu nepue hi Alatala (1:27). Iulina: Ane tauli neparahayata hi Alatala pade moma'i laipoingkukata, peparahayata ee mai moma naria bununa (2:14-16). Nadea patudu rara hura ei mai to nobunu rara katuwuta butu eona.
Ihi buku ei
1. Tabe (1:1)
2. Nangkambelai pehori (1:2-18)
3. Lolita Alatala kana raepe pade rapoingkuka (1:19-27)
4. Nemo mampelihi tauna (2:1-13)
5. Peparahaya kana rapoingkuka (2:14-26)
6. Jagai belo dila (3:1-12)
7. Noto lako Alatala (3:13-18)
8. To neparahaya kana matundu hi Alatala (4:1–5:6)
9. Mohabara rara kahehaa (5:7-20)