Hura Petrus to Pamulana
Popailodoa
Hura ei laitulihi Petrus, hadua lako hampulu rodua ana guru Yesus. Laipakatuna hura ei hi to Karahitee to moma Yahudi to no'oha i propinsi Asia. To Karahitee eera mai bulara laiduahi habana peparahayara hi Yesus. Nariara to laipemakodi tau ntanina, nariara batua to laiduahi maradikara moto, naria muira bangkele to laipararai balailora moto, apa balailora ee to moma neparahaya hi Yesus (3:1, 6).
Etu pade laipakatuna Petrus hura ei hi hira, mampakaroho peparahayara bona mohabara motora rara kahehaa ee. Laiulina Petrus, patuju kahehaa to namparumpara ee, bona rahilo karoho peparahayara (1:6-7; 4:12). Tauna to laiduahi habana peparahayara hi Yesus, kana mengkorura hi Alatala pade ingkura kana mabelo (4:19). Nadea ngaa patudu Petrus, to nampopewuke rarara bona mampaharumaka Alatala motora, moingku mabelo pade mohabara motora rara kahehaa.
Ihi buku ei
1. Tabe pamulana (1:1-2)
2. Katuwu to nabou lako Tuamata Alatala, Ana Alatala, pade Inoha to Nagaha (1:3-12)
3. Patudu bona moingku mabelo (1:13–2:10)
4. Patudu bona matundu hi to poparenta, patudu hi batua-batua, hi to poncamoko, pade hi humawee tauna (2:11–3:12)
5. Patudu hi tauna to namparata kahehaa habana peparahayara hi Yesus (3:13–4:19)
6. Patudu hi hira to pangkeni agama pade jumaa (5:1-11)
7. Tabe kahuduana (5:12-14)