Surano
Yakobus
Pobetekino Gau
Koie i Yakobus da ari burio die sura yahoo powawaino miano Ngkarasitee hai Yerusalem (Tulurando Rasulu 21:18). Na'iaa i Yakobus ana guruno i Yesus, sawali yahoo i Yakobus tuaino i Yesus (Matius 13:55, Galatia 1:19). Die sura nta lako hai « umatino Apu Alla da hopulu orua suku da tekamburako hai upu-upuo wonua » (1:1), batuano hai miano Yahudi da parasaeaho Apu Yesus.
Patuduno kai poburi nta oliwihira mekona bangu-bangudo ronga niweweundo miano mparasaea. Da paraluu'ea hai larono die sura, yahoo parasaea kai kowua'ako niweweu (2:17). Kito podedeaho haratiano Apu Alla, sawali nato da'a weweuho, batuano dakitamo kulepio wotolu mpantato (1:22-24).
Die hai sura dahoo opi-opia niweweu ronga sipa hi pokompehawa'ira i Yakobus kando osie moweweuhako, yahoo: mosa'o laro (1:19-20), meruruki hulano miano (2:1-7), madosaako elo (3:5-10), singgira (3:14-16), mekakahi (4:1-2), metokiahakono wita'ea (4:4), mentaba (4:6), montumbu'akono petila (4:11), tora ngkawasa ronga mesana-sanaa (5:5). Saliwano dahoo me'oliwi kando amala mo'ita sai bata-bata (1:5-6), tulumihira ana elu ronga ntina walu da marasai (1:27), motu'a mpinehawa (3:17), owawa laro (4:6-10), sabara tineiho karasai (5:7-11), ronga oliwio simbauto da tesala kai poboli'i (5:19-20).
Ihino sura
1. Salamu (1:1).
2. Parasaea ronga mepelaroa motu'a (1:2-8).
3. Miano ngkadee-dee ronga miano ngkawasa (1:9-11).
4. Posoba-soba ronga kea-kea (1:12-18).
5. Modeaho ronga weweuho haratiano Apu Alla (1:19-27).
6. Oliwi kato osie meruruki hulano miano (2:1-13).
7. Imani ki sai peronga niweweu matee (2:14-26).
8. Dosa tendenomo elono miano (3:1-12).
9. Pinehawa motu'a mebinta hai Apu Alla (3:13-18).
11. Pe'oliwi kompura-puraano (5:7-20).