Lolitaka nu Suro ni
Pue Yesu
Pepuua lolita
Lolitakana pobago nu suro ni Pue Yesu ei, i Lukasi mopaliliu pololitana anu nauki i Sura Lukasi. I rara sura ei, i Lukasi motunturaka pobago nu suro ni Pue Yesu mobambari Ngkora Magali. Nakenimpenini nu Inosa Magali, bambari etu rapadongka “i Yerusale, i sumalele tana Yudea ai Samaria, dongka-dongka i sumalele dunia” (1:8). I popadongkara Ngkora Magali, mawori tau mepotuu si Pue Yesu. Anu napakanoto mbuimo ni Lukasi: (1) baria ria tunggaia nu tau anu mepotuu si Kerisitu moparia kagerona kadatua Roma; ai (2) apa anu rapotuu nu toYahudi, tepabukeimo i rara agama nu tau anu mepotuu si Kerisitu.
Anu napailodo ni Lukasi i rara nu sura ei, iamo pobago nu Inosa Magali. I eo Pentakosta, Inosa Magali mendolu ai kuasaNa i ope-ope tau anu mepotuu si Pue Yesu i kota Yerusale. Tabasa i sura ei, adiwa dala nu Inosa Magali monini liliu tau anu mepotuu si Kerisitu ai mopakaroso pepotuura.
I rara sura ei, ria Bambari Malompe anu napadongka nu suroNa sira kono si Pue Yesu. Ane tabasa sura ei, tongawamo kamakuasana Bambari Malompe etu i rara nu katuwu nu ope-ope tau anu mepotuu si Pue Yesu.
Isi nu Sura
1. Dala mobambari Bambari Malompe rapatimama (1:1-26)
a. I Pue Yesu mopadongka parentaNa ai dandiNa anu kasopoana (1:1-14)
b. Mampelisi pasuru ni Yudasi (1:15-26)
2. Bambari Malompe rabambari i Yerusale (2:1–8:3)
3. Bambari Malompe rabambari i Yudea ai i Samaria (8:4–12:25)
4. I Paulu mobambari Bambari Malompe (13:1–28:31)
a. Polumakona anu mpolinguruna (13:1–14:28)
b. Pogombo i Yerusale (15:1-35)
c. Polumakona anu karombelana (15:36–18:22)
d. Polumakona anu katolumbelana (18:23–21:16)
e. I Paulu ratarunggu i Yerusale, i Kaisarea, ai i Roma (21:17–28:31)