UWugubutulo
wa Yeesu Kilisito kwa Yohana
Imola yina yilongola
Ilitaafili ili lyayandikhwagwa nu mwanandeje uYohana. Wáyandikhaga kivatanga avahuvililaaji va mu fipuga ifya vahuvililaaji va Yeesu fungati, fina akhandi ikifiyimiilila.
Mu mulyango gwa 2–3 wáshiyandishilaga ibalula shila shipuga isha vahuvililaaji. Ikivapavila kiija vaseetushe mu wunansi waanave. Khanji ikivajinia avavanda va Nguluvi kiija, vave mu wugolofu hata nda vave mu malava. Kiyansa umulyango gwa 4 mbakha kuwudugo wa litaafili ili, uYohana itaviilila ulwa wugubutulo uwa ngufu sa Nguluvi, nu wutupikho waakwe wuna wáwaagaga.
Mu wugubutulo uwo, uNguluvi igubutula inkhalasi yaakwe kwa vaanu avavi woona ava mu nyi. Iwonensa uKilisito shina akhayinsa kiwumena uwuvi, khanji akhayinsa kivahiga avaanu woona vina vikishikhaana ishiyooli shaakwe. UNguluvi akhayinsa kiyinanga inyi na kiyiwumba inyi imya. Ino mu nyi iyo avaanu woona vina vikimuhuviilila uYeesu, vakhayinsa kikhala nawo lumo shiluta na shiluta.
| Umulyango | Gina gakwali mu litaafili ili |
| 1:1-20 | Ishiyanso sha wugubutulo wuna wáwaagaga uYohana |
| 2:1–3:22 | Ibalula fungati ku fipuga fya vahuvililaaji va Yeesu |
| 4:1–5:14 | Ulwa wugubutulo uwa Nguluvi nu Mwana Nkholo |
| 6:1–8:5 | Amapulya fungati |
| 8:6–11:19 | Ibalagumu fungati |
| 12:1–15:8 | Uwugubutulo kwa kiiva ya wulugu wa mu nyi yoona na kushaanya |
| 16:1-21 | Isebeti fungati |
| 17:1–20:10 | Uwuhigo kwa washimaayi umushemi uwa ku Babeeli, ilikhanu, umukuwamalago wa wudehi nu Shetaani |
| 20:11–22:21 | Uwuhigo uwa wudugo, nu luhaavi ulupya |