Pesuwunda
Pepongkaa lolita
Sura ide rahanga Pesuwunda, lawi mampololita kana i pesuwunda to Isaraeli hangko i tampo Masiri, tampo karapohawianda. Ara talu pakana au ratuntu i Pesuwunda ide, iami:
1. To Ibarani rakabaha hangko i karapohawinda hai polumaonda lao i bulu Sinai.
2. I podandina Pue Ala hai to Isaraeli i bulu Sinai, Naweihe ada ngkatuwo, poparenta hai ada mpenomba bona rapeulai i lalu katuwonda.
3. Pue mampohawaa Musa bona to Isaraeli mobabehihe bambaru pohidupaa, meja penombaa hai hinangka parewana. Nawei wori atura-atura i tadulako mpenomba hai rara mpenomba i Pue Ala.
Sura ide motunturaka wori apa au Nababehimi Pue Ala i pohoremaNa taunaNa au rapohawi hai Natetehe mewali hambua ngamba au moharungahe kaina molambinda katuwo maroa i bokona.
Tauna au tehanga i lalu sura ide iami Musa au Napileimi Pue Ala moninihe taunaNa mesuwu hangko i tampo Masiri. Hai au ntentepuuna i lalu sura ide iami hawa hampulo. (Peita: kirana 20).
Ihi sura
1. To Isaraeli mesuwu hangko i tampo Masiri (1:1–15:21)
a. Pepohawi i tampo Masiri (1:1-22)
b. Karapoanakana Musa hai katuwona i tampo Midea (2:1–4:31)
c. Musa hai Haruni laohe mampepalakanaa to Isaraeli i Pirao (5:1–11:10)
d. Alo Pasa hai pelingkanda to Isaraeli hangko i tampo Masiri (12:1–15:21).
2. Hangko i tahi Gelaga hawe i bulu Sinai (15:22–18:27)
3. Atura-aturana Pue Ala hai podandiNa (19:1–24:18)
4. Bambaruna Pue hai atura-atura mpenomba (25:1–40:38)