Sonu gwaran
Sonu gwaran
Sonu gwaran sagɩ tə yuu wa sʋgʋ
Ba boŋə Sonu gwaran sagɩ tə, pɩ̀ʋ́ Salʋmʋn Sonu gwaran: Cɩ́gá, ba bon Salʋmʋn yɩrɩ sagɩ tə bwálá duən wa (1.1; 1.5; 3.7, 9, 11; 8.11, 12). Sonu gwaran sagɩ tə bwɩ̀ sonu də kasweri nə, bɛɛ də kan pwə́rə́ wa. Ba ba Yɩɩ yoo swɩ̀n Sonu gwaran tə wa, yá də kʋ nətʋ mɛ, sonu təntə yɩ Yɩɩ nə ken, máŋá tə wa ʋ nə fwa lʋʋ (Lʋʋ dəkuu 2.23-25). Lʋʋ ləzoni pɩn sonu jì durən won, də yolu won, yá kʋ nətʋ tə pɩn kasweri kapʋpʋ cʋ̀gʋ̀, cɩ́gá cɩ́gá sonu nə tə̀lə́ yɩrɩ. Sonu gwaran sagɩ tə bɩrɩ nəba nətʋ tə sonu nə mɛ sə kʋ ya parɩ, kʋ dàn ká ja durən kasweri wa, Yɩɩ yáá con. Sonu gwaran sagɩ tə wa, bwalʋbɛɛ tə də bwalʋkan tə yàá twá də tɩ̀án lənə, də tɩ̀án pùnə́, də vʋran tə lwán nə ywán nə, ba ma swɩ̀n sonu sʋ̀ràn duən con, yá sʋ̀ràn təntə dàń nə tà sʋ̀pʋ́pʋ́nán.
Sonu gwaran sagɩ tə ka ya Yɩɩ sagɩ tə wa gwárɩ́ lɩ̀à zʋnɩ, yá də zə̀n mama, kʋ nətʋ tə tə wʋwalɩ lɩ̀à duən. Kʋ mʋ̀ nə pɩn, nə mɛ sə nə nì Sonu gwaran sagɩ tə də̀ń ndə gwaran nə, tə nə bɩrɩ nimarʋ tə nə wulə Yɩɩ də ʋ lɩ̀à tə pwə́rə́ wa nə mɛ sə kʋ ya nətʋ. Zwifə-ba con, gwaran təntə bɩrɩ sonu tə nə wulə Yɩɩ də ʋ lalʋʋ tə pwə́rə́ wa. Yá Kərisə lɩ̀à də con, tə bɩrɩ sonu tə nyɩnyɩga, kʋ nə wulə Kərisə də ʋ kwa lɩ̀à tə pwə́rə́ wa. Lɩ̀à duən də jələ tə kukuə ndə sonu nə, kʋ nə wulə bɛɛ də kan pwə́rə́ wa máŋá mama.
Sagɩ tə bwálá duən wa, kʋ yàá tà mwálɩ́ kʋ pa lìù tə nə, ʋ nə kàrɩ̀ kʋ, sə ʋ lwarɩ lìù tə nə swɩ̀n. Kʋ mʋ̀ nə pɩn Sonu gwaran sagɩ tə nʋnɩ sagɩ kʋ tə wa, ba yàá bɩrɩ lìù tə nə wulə ʋ swɩ̀n, də kʋ nətʋ tə nə swə kʋ tə̀lə́ kʋ Ebərə sagɩ tə wa.
Sagɩ tə sʋyun tə bɩrɩ nətʋ tə bwàlá bələ tə nə sinti ba vəli də duən (1.2—3.5), kʋ va kʋ yí ba kasweri (3.6—5.1), də ba sonu tə dəkuu nə zʋa tɩa, ba kasweri tə wa (5.2—8.4).
Sagɩ tə sʋyun
Təntən gwaran (1.1—2.7)
Bələ nii gwaran (2.8—3.5)
Batwa nii gwaran (3.6—5.1)
Banɩa nii gwaran (5.2—6.3)
Bonu nii gwaran (6.4—8.4)
Bardʋ nii gwaran (8.5-14)