Matius i

Lele Mohende da ari pinokodungkuno

Matius

Pobetekino Gau

Die boku yahoo Injili da ari niburino i Matius, ana guruno i Yesus (Isa Al-Maseh). Ihino die boku yahoo Lele Mohende hinangkuamo koie i Yesus Mokole Pompokosalamano to manusia da ari nidandino Apu Alla. Akoie i Yesus ihinomo pedandi'a hai to manusia da ari niburindo nabii hai Pedandi'a Mengkau.

Eheemo tehinaano ronga owose'ano koie i Yesus hai miano Yahudi sawali die Lele Mohende nai te'iaa nta tilado miano Yahudi, deenapo nta tilado upu-upuo suku hai wita'ea.

Ihino die boku metampu'u hinano i Yesus, yahopo nibaho'ano ronga sinoba-soba'ano, dungku luwu niweweuno hai Galilea. Kokeenamo petampu'uano mompotisu ronga mompokontido miano.

Saliwano koie, dahoo penda tulura mekona pera ariano sisimbu koie i Yesus mebinta hai Galilea dungku hai Yerusalem. Kokeenamo mateano ronga pewanguano mbule.

Laro bokuno i Matius dahoo montulura hicuamo i Yesus guru da mompokulaloi owose. Dahoo kuasa mebinta hai Apu Alla kai mandara mobatuangi ihi bokuno nabii Musa, ronga mompotisu mekona hai pomparentaano Apu Alla.

Luwu pompotisuno dahoo olima ntilara:

1. Pompotisu hai wawo ngkabumbu mekona hai pelaroano ronga niweweuno miano da mewiso hai pomparentaano Apu Alla (pasala 5 – 7).

2. Oliwi hai ana guruno i Yesus da hopulu orua mekona hai pohedoando (pasala 10).

3. Parere mekona hai pomparentaano Apu Alla (pasala 13).

4. Batuano tewali ana guruno i Yesus (pasala 18).

5. Pompotisu mekona kompura-puraano wita'ea ronga nta leuhano Ana Nto Manusia (pasala 24 – 25).

Ihino boku

1. Soro mbueno i Yesus dungku kai tehina (1:1 – 2:23).

2. Pohedoano Yahya pompobaho (3:1-12).

3. Nibahono ronga sinoba-sobano i Yesus (3:13 – 4:11).

4. Pompotisu'ano i Yesus hai Galilea (4:12 – 18:35).

5. Mebinta hai Galilea dungku hai Yerusalem (19:1 – 20:34).

6. Mincu kompura-puraano hai Yerusalem (21:1 – 27:66).

7. Pewanguano ronga pepopo'ontoniano i Yesus (28:1-20).