Dou-dou siwe ma bantu Isa Al Masih
8:1-3
8
Wati ntoina sawa'u b̄a ede, Isa laona aka kota-kota ro rasa-rasa d̄ingoa ro kahabakaina Injil mab̄oha Karaja'an Allah. Sampuru d̄ua anamori-Na lao b̄atuna Sia. 2 Ndede rau pila-pila dou siwe ra wa'u kataho wea b̄a Sia supuna ro ra kuasakai b̄a roh setan. Siad̄oho ede eded̄u la Maria d̄i oukai la Magdalena (pidu roh setan ra kalosa d̄i sia); 3 la Yohana wei la Khuza mana'ekai uma ro salaja d̄i asi Herodes; la Susana, ro mboto wali dou siwe makalai. Kai cola b̄a ndaina, siad̄oho bantuna Isa ro anamori^doho-Na.
Para Wanita Pengikut Isa Al-Masih
Conto ro ibara mab̄oha dou mapari d̄ei
8:4-15
4 Mboto poda dou d̄i sanikina kota ma mai raka Isa. Wakatu wa'ura mboto dou makab̄oro weki, Isa mbeina conto ro ibara d̄i siad̄oho b̄une ake, 5 <<Wara sab̄ua dou makanggihi, sia lao parina ^dei. ^Dei ra pari b̄a sia ede wara ma mab̄u d̄i ncai. Sarundena wara ra tonda b̄a dou ro ma kalaina ngaha b̄a nasi. 6 Wara rau ma mab̄u d̄i hid̄i mbotokai wadu. Wakatu losa woro-worona d̄ei rapari ede male b̄ara mango danana. 7 Wara rau d̄ei ma mab̄u d̄i ade woha mpori rui. Mpori rui ede woko samana lab̄o d̄ei ra pari ede, ro apina d̄ei ede sampe madena. 8 Pala wara rau d̄ei ma mab̄u d̄i dana ma howo, edempara wokona ro mbuana wua 100 kali ncewi mbotona.>>
Sawa'u b̄a caritana conto ro ibara ede, nggahi Isa, <<Nggara mantausi fiko, ringa ro kade'epu!>>
^Ba^bauku Isa Al Masih kanikaina conto ro ibara
8:9-10
9 Anamori Isa sod̄ina d̄i Sia auku aona conto ro ibara ede. 10 Cambe b̄a Isa, <<Nggomid̄oho wa'ura mbei loa ro b̄ade d̄ib̄adekaimu rahasia mab̄oha Karaja'an Allah. Pala dou-dou makalai d̄ingoa ro tei kai conto ro ibara, loakud̄u siad̄oho tio ka^baena, pala wati b̄adena au ma nda^di; ro kone naringa ro kade'e, pala wati loana ka'ao.>>
Isa Al Masih ngoa kab̄aena ao ro ma'anana conto ro ibara mab̄oha dou ma pari d̄ei
8:11-15
11 <<Akeku aona conto ro ibara ede: ^Dei ede eded̄u nggahi ro eli Allah Ta'ala. 12 Dana d̄i kengge ncai ede b̄une santika dou-dou ma ringa nggahi ro eli ede. Pala mai Iblis ro weha rampana haba ede d̄ei ade siad̄oho, loakud̄u siad̄oho aina imbi ro rakana salama. 13 Dana ma mboto wadu b̄une santika dou ma wakatu ringa haba ede, tarimana kai sana ade. Pala haba ede wati ciana d̄ei ade siad̄oho.Siad̄oho imbina samporo mpa, ro wakatu mai coba'an, siad̄oho murtadna. 14 Dana ma wara mpori rui b̄une santika dou maringa haba ede, pala mbali mbua adena mab̄oha mori ro woko siad̄oho ro nane'eku mori maremba b̄a ngaha ro nono ro ntau ro wara d̄i dunia ake. Sara'ana ede ma apina siad̄oho ndad̄ina wati mbuana wua ma ntasa. 15 Dana ma howo b̄une santika dou ma ringa haba ede, edempara wi'ina d̄ei adena. Siad̄oho natenggo sampe mbuana wua ma taho.>>
Ibarat tentang Seorang Penabur dan Benih Firman Allah
Conto ro ibara mab̄oha Ilo
8:16-18
(Mrk. 4:21-25)
16 <<Wati wara dou ma ka'a ilo edempara ^bontona kai roa, atao wi'ina awa wombo hid̄i marukaina. Sia nawi'iku ilo ede d̄i ed̄i ilo, loakud̄u dou ma lu'u naloaku eda taroana. 17 Wati wara ma cili weki ^didaloa eda; ro wati wara ra rahasia ^didab̄adero d̄ingoa d̄i dou mamboto.
18 B̄ara ndedena kade'e kab̄aepu au ra ringa b̄a nggomid̄oho.B̄a one dou ma wa'ura ntau, d̄imbei ma ncewi mboto wali; pala d̄i dou ma wati ntau, sato'i ma mbuipu wara d̄i sia ^diweha rau.>>
Ibarat tentang Pelita
Isa Al Masih, ina-Na lab̄o ari^doho-Na
8:19-21
19 Ina ro ari^doho-Na mai d̄i hid̄i Isa, pala siad̄oho wati loana lao raka Sia b̄ara mboto poda dou. 20 Edempara wara sab̄ua dou ma nggahi d̄i Isa, <<Guru, ina ro ari^dohota wara ta ari lua. Siad̄oho nane'e eda angi lab̄o Ita.>>
21 Pala nggahi Isa d̄i siad̄oho, <<Dou-dou ma ringa nggahi ro eli Allah Ta'ala ro makalampana, siad̄oho edeku ina ro ari^doho-Ku.>>
Isa Al Masih kadenggana angi na'e
8:22-25
22 D̄i sab̄ua ainaina Isa lab̄o anamorid̄oho-Na ne'ena ese sampa. Isa nggahina d̄i siad̄oho, <<Mai ndai talaoku aka ipa b̄ae b̄a ndano na'e.>> Edempara siad̄oho laona. 23 Wakatu siad̄oho wunga lojana, Isa maruna. We^di lalo mpa d̄i ndano ede wontu angi na'e. Oi tampu'ura lu'una d̄i ade sampa, ndad̄ina siad̄oho sara'a ade bahaya. 24 Anamori Isa lao rakana Sia ro ro^duna Sia. Nggahi siad̄oho, <<Guru, Guru ihara ndaita!>>
Isa tu'una edempara ^bakana angi ro balumba ma wunga mbani ede. Angi ro balumba ede rau dengga lalona ro ndano ede ndad̄i midi poda. 25 Edempara nggahi Isa d̄i anamori^doho-Na, <<^Ba^bauku nggomid̄oho wati imbikaimu d̄i Nahu?>>
Siad̄oho ndad̄i mbora mena akana ro dahu. Ro nggahira siad̄oho d̄i sab̄ua lab̄o ma kalaina, <<Cousi sapodakaina Dou ake sampe loana parenta angi ro balumba, ro na^batuku nggahi Sia!>>
Isa Al-Masih Meredakan Angin Ribut
Isa Al Masih katahona dou ralu'ukai b̄a roh setan
8:26-39
26 Isa ro anamorid̄oho-Na loja ntuwuna sampe aka dana ro rasa Gerasai ipa b̄ae b̄a Ndano Galilea. 27 Wakatu Isa londona d̄i sampa, Sia mai raka b̄a sab̄ua dou mone ra lu'ukai b̄a roh setan. Dou ede nangge'e d̄i kota aka dana ro rasa ede. Sia ntoi wa'ura wati kanina ^baju ro wati ngawana ngge'e d̄i uma. Sia nangge'e d̄i karombo-rombo rade. 28 Wakatu edana Isa, sia kanggica ro sujuna d̄i tando Isa ro nggahina, <<Isa, Ana Allah4 Ma Wancu ^Dese Ro Ntasa! D̄i ka^bune-Mu nahu ake? Nahu ma raho nemba, ai to'ina kancokimu nahu!>> 29 Dou ede nggahi ndedekaina b̄ara Isa makauna roh setan ede losa d̄i dou ede. Wa'ura ntuwu poda sia kuasakai b̄a roh setan ede, kone rima ro ed̄ina wa'ura ndante ro sia rajaga kataho poda, sia nawa'uku b̄isa rante ede edempara wa'a b̄a roh setan ede aka so sarae.
30 So^di b̄a Isa d̄i dou ede, <<Cou ngaramu?>>
<<Ngara Nahu <Legiun>,>> cambe b̄a dou ede – b̄ara wara mboto roh setan ma wa'ura lu'u d̄i sia. 31 Roh-roh setan ede raho kapodana loakud̄u Isa aina katesana siad̄oho lu'u ade Karombo Made.j
32 ^Deni lab̄o hid̄i ede wara mboto poda wawi ma wunga ngupa ngaha d̄i kengge doro to'i. Roh-roh setan ede raho kapodana d̄i Isa loakud̄u kauna siad̄oho lu'u d̄i ade wawi-wawi ede. Ro Isa nangawa. 33 Edempara roh-roh setan losana d̄i ade dou ede ro lu'una d̄i wawi-wawi ede. Edempara wawi-wawi ede rai ro nggoncuna d̄i rengge lu'u ade ndano na'e, edempara made mimina.
34 Dou-dou ma jaga wawi ede ma edana au ma wa'ura nda^di. Edempara siad̄oho lao raina ro ngoa rerona haba ede d̄i kota ro d̄i rasa kompe ro peina. 35 Edempara dou-dou losana b̄a ne'ena eda au ma wa'ura ndad̄i ede. Siad̄oho mai rakana Isa Al Masih, ro ta ede siad̄oho edana dou ma wa'ura hori weki ra d̄i roh-roh setan ede ma wunga doho ^deni d̄i ed̄i Isa. Sia wa'ura kanina ^baju ro nawa'ura taho kananuna. Siad̄oho nandad̄i dahu. 36 Siad̄oho ma ra'eda au ma randad̄i ede ngoa rerona d̄i dou-dou ra b̄unena dou ede tahokaina. 37 Edempara sara'a dou d̄i dana ro rasa Gerasa ede raho poda-podana d̄i Isa loakud̄u Isa tu'u wi'ina hid̄i ede, b̄ara siad̄oho sara'ana na'ipiku dahuna. Ndad̄i Isa ne'ena ese sampa ro lao dulana. 38 Dou ma wa'ura hori weki ra d̄i roh-roh setan ede raho nembana d̄i Isa loakud̄u sia loa b̄atu Isa.
Pala Isa kauna sia lao, ro nggahi-Na, 39 <<Dulara! Ngoa ro kahabapu au ra wa'u karawi b̄a Allah Ta'ala d̄i nggomi.>>
Edempara dou ede lao ngoa ro kahabana d̄i sara'a kampo ro mporo d̄i kota ede, au ra wa'u karawi b̄a Isa d̄i sia.
Isa Al-Masih Menyembuhkan Seorang yang Dikuasai Roh Jahat
Isa Al Masih kamori mbalina ana la Yairus -- Isa Al Masih katahona dou siwe ma supu mboho ra'a
8:40-56
40 Wakatu Isa dula mbalina aka ipa b̄ae b̄a ndano, Sia rai ao b̄a dou mamboto kai neo ade b̄ara siad̄oho wunga ngenana Sia. 41 Edempara Sia mai raka b̄a sab̄ua dou mana'ekai uma sambea ro ibadakai d̄i hid̄i ede. Ngarana la Yairus. Sia sujuna d̄i tando Isa ro raho poda-podana loakud̄u Isa maina d̄i uma sia, 42 b̄ara ana siwena ma kese weki, umuna sampuru d̄ua mba'a, nane'era made.
Isa wunga laona aka uma la Yairus, mboto dou ma mai kahumbu heko Isa. 43 D̄i ade weki siad̄oho ede wara rau sab̄ua dou siwe ma wa'ura sampuru d̄ua mba'a supu mboho ra'a. Sia nawa'ura kampoi sara'a ntau ro warana ^dilo'ikaina aka sando,k pala wati wara ma wa'una kataho sia. 44 Dou siwe ede mai ^denina d̄i Isa ta ari kontuna, edempara tuduna sumpu jumba Isa. Wakatu ede lalo supu mboho ra'a dou ede denggana. 45 So^di b̄a Isa, <<Cou ma tudu Nahu?>>
Sara'a dou wati mangaku menana. Edempara nggahi la Petrus, <<Ruma, wara mboto poda dou maheko Ita; siad̄oho naciciku wekina d̄i Ita!>>
46 Nggahi Isa, <<Pala wara dou ma tudu Nahu. Nahu ka^badeku ede, b̄ara wara tenggo ma ralosa d̄i Nahu.>> 47 Dou siwe ede kawarana weki b̄a one au ra karawina ede wa'ura raka ^bade. Ndad̄i sia maina kai ^bi^bi ro dahu edempara sujuna d̄i tando Isa. Edempara sia caritana d̄i tando sara'a dou, b̄ab̄auku sia ^damakaina Isa, ro b̄a one supuna taho wakatu ede wa'u. 48 Nggahi Isa d̄i sia, <<Ana-Ku, b̄ara imbimu d̄i Nahu, nggomi tahora. Laora kai salama.>>
49 Wakatu Isa mbuipu nuntuna, wontura dou ra kakai ma ramai ra d̄i uma la Yairus. Nggahi sia d̄i la Yairus, <<Ana siwe ita wa'ura made. Ita aina kamakimu Guru.>>
50 Wakatu ringa b̄a Isa ede, nggahi Sia d̄i la Yairus, <<Aina dahu. Imbi mpa ro anamu ^dimataho.>>
51 Sawa'u b̄a ronggana d̄i uma la Yairus, Isa wati kauna kone sab̄ua dou rau lu'u lab̄o Sia selasi la Petrus, Yahya, Yakub ro ina ro ama b̄a ana dou ede mpa. 52 Sara'a dou wunga nangi nduruna b̄ara made ana dou ede. Pala nggahi Isa, <<Aina nangi. Ana dou ede wati madena, sia wunga maruna!>>
53 Siad̄oho harikaina Isa, b̄ara siad̄oho nab̄adeku b̄a one ana dou siwe ede nawa'ura made. 54 Edempara Isa nentina rima ana dou ede ro nggahina, <<Ana, Tu'ura!>> 55 Ndad̄i ana dou ede mori mbalina, ro wakatu ede wa'u ana dou ede tu'una. Sawa'u b̄a ede Isa kauna siad̄oho mbei ngaha ro nono d̄i ana dou to'i ede. 56 Dou matua ana dou ede midi poda adena. Pala Isa kantana siad̄oho ngoa rero lampa rawi ede kone d̄i cou-cou rau.
Isa Al-Masih Menghidupkan Kembali Anak Perempuan Yairus yang Mati