HABA MATAHO
RA KARONGGA ^BA
LA MARKUS
NGGAHI RO ELI D̄IKARONGGA
Injil ra karongga b̄a La Markus ratampu'u kai nggahi: <<Akeku Haba Mataho mab̄oha Isa Al Masih, Ana Allah>>. Ade Haba Mataho ede Isa ^dikatada kai sab̄ua dou ma wibawa ro ma mboto karawi. Ade wibawa-Na ede tada ade cara Sia ngoa ro teina, ade kuasa-Na d̄i roh-roh Iblis, ro ade kangampu weana dosa. Isa katadana weki-Na kai Ana Manusia ma d̄onggo nawa-Na loakud̄u manusia d̄ihori kalosa ra d̄i dosana.
Carita mab̄oha Isa Al Masih d̄i ade Injil ake rakarongga kai ngoa ntiri ro kai cara mataho poda. Ruku ro rawi-Na na'ipiku mbotona ntewikaisi lab̄o nggahi ro eli ro ngoa ro tei-Na. Sawa'u b̄a nggahi ro eli ma sarambakaina ma poro mab̄oha la Yahya Mataki kandeu raso dou ro mab̄oha kandeu sarani Isa Al Masih ro coba'an d̄i ru'u weki-Na, Injil Markus ake carita lalona karawi Isa Al Masih mab̄oha kataho-Na dou-dou masupu rakarawi-Na ro mab̄oha ngoa ro tei-Na. Pasal-pasal macumpukaina nacaritaku mab̄oha lampa rawi-lampa rawi ma ndad̄i d̄i minggu cumpukaina ade mori Ruma Isa d̄i dunia ake. Mapenti poda mab̄oha salibkai weki-Na ro mori mbali-Na ra d̄i madekaina.
D̄i d̄ua mbua cumpukai Injil Markus, ra kalu'u d̄i tanda kuru na'e, sara'ana ra wi'ikai laina tunti b̄a dou ma ratunti Injil Markus, malaisi sab̄ua dou ma kalaina.
Isi
Masarambakaina 1:1-13
Karawi Isa Al Masih d̄i woha ela ro dou d̄i Galilea 1:14–9:50
Ra d̄i Galilea lao aka Yerusalem 10:1-52
Minggu cumpukaina d̄i Yerusalem ro d̄i kompe ro peina 11:1–15:47
Isa Al Masih mori mbali 16:1-8
Isa Al Masih katadana weki ro Isa Al Masih hanta lao ese saroga 16:9-20