HABA MATAHO
RA KARONGGA ^BA
LA MARKUS
Hotoba la Yahya Mataki kandeu raso dou
1:1-8
1
Akeku Haba Mataho mab̄oha Isa Al Masih, Ana Allah.a 2 Haba Mataho ede ra tampu'ukai b̄une ra tunti ndake b̄a Nabi Yesaya,nggahi Allah Ta'ala, <<Akeku dou ranggadu ulu b̄a Nahu, sawatipu b̄a Nggomi,
sia d̄imahengga wea ncai d̄i ru'u b̄a Nggomi.
3 Wara dou ma ou nggao d̄i so sarae,
<Sadiapu ncai d̄i ru'u b̄a Ruma;
kapiripu ncai d̄i ru'u b̄a Sia.> >>
4 ^Bune ratunti ede, ndede rauku maina nabi Yahya aka so sarae. Sia kandeu rasona dou ro karonggana haba ma ramai ra d̄i Allah Ta'ala. <<Nggomid̄oho pab̄uapu toba ra d̄i dosa-dosamu ro pab̄uaku d̄ikandeu raso, loakud̄u Allah Ta'ala kangampu weana dosa nggomi^doho,>>b ndedeku nggahi b̄a la Yahya. 5 Samenana dou d̄i dana ro rasa Yudea ro kota Yerusalem lao rakana la Yahya. Siad̄oho mangakuna dosa-dosana, ro la Yahya kandeu rasona siad̄oho d̄i Sori Yordan.
6 La Yahya kanina jumba ra ndawi kai kere onta. Here lokona ra ndawi kai huri, ro ngaha ro nonona eded̄u kasanto ro oi ani wu^ba. 7 Sia ngoa ro kahabana haba ake, <<Pea sawa'u b̄a nahu, d̄imamai dou ma ncewi na'e kuasa ntewikaisi nahu. Kone ^dimalo'a wea ai sadopa-Na, nahu wati patuna. 8 Nahu kandeu rasoku nggomid̄oho kai oi, pala Sia d̄imakandeu raso nggomid̄oho kai Roh Allah.>>
Isa Al Masih kandeu b̄a la Yahya
1:9-11
9 D̄i wakatu ede Isa ra d̄i Nazaret d̄i dana ro rasa Galilea mai rakana nabi Yahya ro nabi Yahya kandeuna Sia d̄i Sori Yordan. 10 Wakatu Isa losana ade sori ede, Sia edana langi mahengga weki, ro Roh Allah ma londo b̄une nasi dara ese wawo Sia. 11 Edempara wara ringa eli ma ra mai ra d̄i saroga, <<Nggomiku Ana meci b̄a Nahu. Nggomi makasana wea ade Nahu.>>
Isa Al Masih coba b̄a Iblis
1:12-13
12 Sawa'u b̄a ede Isa wa'a b̄a Roh Allah aka so sarae. 13 Upa mpuru nai Sia wara d̄i hid̄i ede, ro Sia coba b̄a Iblis. D̄i hid̄i ede wara binata-binata daro rau ma sama-sama lab̄o Isa ro mala'eka-mala'eka mai kab̄ua weana d̄i ru'u b̄a Isa.
Anamori Isa Al Masih ma sarambakaina
1:14-20
14 Sawa'u b̄a bui la Yahya, Isa laona aka Galilea, ro ngoa ro kahabana Haba Mataho ma ramai ra d̄i Allah Ta'ala. 15 Nggahi Isa, <<Wa'ura raka wakatuna; Karaja'an Allah nawa'ura ^deni. Tobara ra d̄i dosa-dosamu ro imbipu d̄i Haba Mataho!>>
16 Wakatu Isa lampana aka kengge Ndano Galilea, Sia edana d̄ua dou ma moti, eded̄u la Simon lab̄o arina la Andreas. Siad̄oho wunga alana uta d̄i ndano ede. 17 Nggahi Isa d̄i siad̄oho, <<^Batupu Nahu. Nahu d̄imakandad̄i nggomid̄oho, dou ma taki ala manusia.>> 18 Siad̄oho tu'u wi'i lalona alana ta ede edempara lao b̄atuna Isa.
19 Isa lampa walina, edempara eda rauna d̄ua dou sa'e lab̄o arina, eded̄u la Yakub lab̄o la Yahya, ana-ana la Zebedeus. Siad̄oho wara ade sampa, ro wunga kamocina alana. 20 Isa ou lalona siad̄oho.Siad̄oho tu'u wi'ina amana ro dou-dou ra'ufa ma wara d̄i ade sampa. Edempara lao b̄atuna Isa.
Isa Al Masih ngoa ro teina d̄i ade uma sambea ro ibakai d̄i Kapernaum
1:21-28
(Luk. 4:31-37)
21 Isa Al Masih lab̄o anamorid̄oho-Na ronggara d̄i kota Kapernaum. D̄i ainaina Sabat ma kento, Isa lu'una d̄i ade uma sambea ro ibadakai ro Sia tampu'ura ngoa ro teina. 22 Dou-dou ma ringa ro kade'e ngoa ro tei b̄a Sia mbora akana, b̄ara Sia ngoa ro teina kai kuasa, wati b̄une ahli-ahli Taurat.
23 D̄i wakatu ede wara sab̄ua dou ra lu'ukai b̄a roh setan, sia lu'una ade uma sambea ro ibadakai ro kanggicana, 24 <<Oe Isa, dou Nazaret, d̄ika^bunemu nami ake? Sab̄ua Nggomi maimu ^dimakaleli nami? Nahu kab̄adecou Nggomi: Nggomiku ma raso ra nggadu b̄a Allah Ta'ala!>>
25 <<Midi!>> Fica b̄a Isa roh setan ede, <<losapu d̄i dou ake!>>
26 Edempara roh setan ede kad̄o-kad̄o ka'ipina dou ede, edempara kanggica kana'ena ro losana d̄i dou ede. 27 Samenana dou nawancuku mbora akana, ndad̄ina siad̄oho nggahina d̄i ade weki ndai^dohona, <<Au ake? Sab̄ua ngoa ro tei ma ^bou! Kai kuasana, Sia parentana roh-roh setan, ro siad̄oho nato'aku d̄i Sia!>>
28 Edempara haba mab̄oha Isa roci mbouna d̄i sara'a dana ro rasa Galilea.
Isa Al Masih katahona supu riana siwe la Simon Petrus ro dou-dou makalai
1:29-34
29 Isa ro anamorid̄oho-Na tu'u wi'ina uma sambea ro ibadakai ede, ro laona aka uma la Simon ro la Andreas. La Yakub ro la Yahya lao rauna lab̄o siad̄oho. 30 Riana siwe la Simon wunga maru ndore b̄ara henggena. Ndad̄i wakatu Isa ro anamorid̄oho-Na lu'u d̄i ade uma ede, Isa ngoa b̄a dou mab̄oha lampa rawi ede. 31 Edempara Isa lao rakana riana siwe la Simon, ro nentina rimana, edempara katu'una sia. Mbora lalo mpa supu sari'ina, ro riana la Simon ede kab̄ua weana ngaha ro nono siad̄oho.
32 Aimambia, sawa'u b̄a nci'i liro,c mai wa'a b̄a dou-dou d̄i Isa Al Masih sara'a dou ma supu ro ralu'ukai b̄a roh setan. 33 Sara'a dou d̄i kota ede nawa'ura kab̄oro mena wekina d̄i tando uma ede. 34 Edempara Isa katahona dou-dou ma susa ro ncoki iu b̄ara mboto pahu supuna, ro katesa kalosa rauna mboto roh setan. Sia wati kauna roh-roh setan ede nuntu ro nggahi, b̄ara siad̄oho nab̄adeku cou Sia.
Isa Al Masih hotobana d̄i Galilea
1:35-39
(Luk. 4:42-44)
35 B̄ala aisanai, aimasubu, Isa tu'u ro lao losana. Sia laona d̄i hid̄i ma lingi ari mai b̄a kota, ro sambeana ta aka. 36 Pala la Simon lab̄o lenga^dohona lao ngupana Sia. 37 Ro sawa'u b̄a siad̄oho edana Sia, nggahi siad̄oho, <<Sara'a dou wunga ngupana Ita.>>
38 Pala cambe b̄a Isa, <<Mai ndai talampa wali ro talaoku aka kota-kota ma kalaina d̄i kompe ro pei ake. Nahu pab̄uaku karongga haba ma taho ta aka rau, b̄ara edeku aona Nahu maiku.>>
39 Edempara Isa laona aka sara'a dana ro rasa Galilea, ro karonggana haba mataho d̄i uma-uma sambea ro ibadakai ro katesa kalosana roh-roh setan.
Isa Al Masih katahona sab̄ua dou ma supu ncola
1:40-45
40 Sab̄ua dou ma supu ncolad maina d̄i Isa. Dou ede sujuna d̄i tando Isa, ro nggahina, <<Nggara mangawasi, Ita maloaku kataho supu mada.>>
41 Isa Al Masih kasi adenae d̄i dou ede. Ndad̄i, Sia ^damana dou ede, ro nggahina, <<Nahu kangawa, tahora!>> 42 Wakatu ede mbora lalo supu dou ede ro tahona. 43 Edempara Isa kauna dou ede lao kai ngoa ro kawarana, 44 <<Aina ngoamu kone d̄i cou-cou rau, pala laopu aka imam, ro rahopu sia ^dimakatantuna b̄a one nggomi poda-poda wa'ura taho. Ro lao d̄onggo ro mbeipu koroba b̄une ra kaukai b̄a la Musa, d̄imandad̄i bukuti d̄i dou-dou b̄a one nggomi poda-poda wa'ura taho.>>
45 Pala dou ede lao ro nuntu ro nggahi ncauna mab̄oha lampa rawi ede ta b̄e-b̄e sampe Isa wati loana lu'u katada weki d̄i kota. Ndad̄i Isa ngge'ena ta ari mai b̄a kota d̄i hid̄i-hid̄i malingi. Pala dou ta b̄e-b̄e namai raka ncauku Sia.