HABA MATAHO
RA KARONGGA ^BA
LA LUKAS
NGGAHI RO ELI D̄IKARONGGA
Injil Lukas nggahina b̄a one Isa Al Masih eded̄u Sangaji Makasalama ra sake b̄a Allah Ta'ala d̄i ru'u b̄a bangsa Israel ro d̄i ru'u b̄a samenana manusia. D̄i ade Injil ake la Lukas tuntina b̄a one Isa wa'ura mbei taki b̄a Roh Allah ^dimangoa ro kahaba rero Haba Mataho ma ramai ra d̄i Allah Ta'ala d̄i ru'u b̄a dou mancoki mori. Haba Mataho ake b̄ini b̄a nggahi ro eli mataho d̄i ru'u b̄a dou-dou ma mboto pahu paraluna. Tada rau nggahi ro eli di ade Injil Lukas ake, ma penti poda d̄i pasal-pasal masarambakaina mab̄oha maikai Isa, sawa'u b̄a ede d̄i cumpukaina mab̄oha Isa kane'e ese saroga. Carita mab̄oha tampu'u warakai ro ndad̄i mbotona agama Kristen sawa'u b̄a Isa ne'e ese saroga. Carita b̄une ede tunti rau b̄a la Lukas d̄i ade Kitab Kisah Rasul-Rasul.
Maka^duakaina ro maka'inikaina (tatiopu isi Kitab ma wara ta awa ake) mboto pahu isi carita wara ade Injil Lukas ake mpoa mpa. Misakai, carita mab̄oha mala'eka ma roi ro wadi, ro dou-dou ma'ompukai jimba wakatu warakai Isa Al Masih, Isa Al Masih d̄i Bait Allah wakatu mbuipu to'ina, ro conto ro ibara mab̄oha Dou Samaria ma taho ade, ro Ana ma moda. Ma penti rau d̄i ade Injil Lukas ake mab̄oha do'a, Roh Allah, dou-dou siwe ma karawi inga Isa lab̄o mab̄oha Allah Ta'ala makangampu wea dosa.
Isi
Masarambakaina 1:1-4
Rawarakai ro wakatu aipu to'i la Yahya Mataki kandeu raso dou ro Isa Al Masih 1:5–2:52
Karawi la Yahya Mataki kandeu raso dou 3:1-20
Kandeu Isa Al Masih ro coba b̄a Iblis 3:21–4:13
Karawi Isa Al Masih d̄i woha ela ro dou Galilea 4:14–9:50
Ra d̄i Galilea lao aka Yerusalem 9:51–19:27
Minggu cumpukaina d̄i Yerusalem ro d̄i kompe ro peina 19:28–23:56
Isa Al Masih mori mbalina, Isa Al Masih katadana weki-Na ro hanta lao ese saroga 24:1-53