Conto ro ibara mab̄oha dou ma pari d̄ei
4:1-9
4
Isa ngoa ro tei walina d̄i kengge Ndano Galilea. Mboto poda dou makab̄oro weki ro hekona Sia. B̄ara ndedena Sia lao dohona d̄i ade sab̄ua sampa, ro dou mamboto ede ki^dina d̄i kengge ndano. 2 Edempara Isa ngoa ro teina siad̄oho mboto lampa rawi kai kanina conto ro ibara. Ndakeku ngoa ro teina siad̄oho, 3 <<Ringa ro kade'epu! Waraku sab̄ua dou makanggihi ma lao pari ^dei. 4 Wakatu dou ede parina ^dei, d̄ei ede wara ma mab̄u d̄i ncai. Edempara mai nasi ro ngaha kampoina d̄ei ede. 5 Wara rau ma mab̄u d̄i hid̄i mbotokai wadu, danana sato'i mpa. Edempara ^dei-d̄ei ede roci wokona b̄ara wara dana sato'i ede, 6 pala wakatu tampu'ura pana liro, woro-woro d̄ei ede tampu'ura malena, sawa'u b̄a ede mango ro made b̄ara wati ipi d̄ei amuna. 7 Sarunde walina, wara rau d̄ei ma mab̄u d̄i ade woha mpori rui. Mpori rui ede apina woro-woro d̄ei ede, ndad̄ina wati loana mbua. 8 Pala wara rau d̄ei ma mab̄u d̄i dana ma howo. ^Dei ede woko, edempara ndad̄i na'e ro mbuana, wara ma 30 kali ncewi mboto, wara ma 60 kali ncewi mboto, ro wara ma 100 kali ncewi mbotona.>>
9 Sawa'u b̄a caritana conto ro ibara ede, nggahi Isa, <<Nggomid̄oho ma ntau fiko pab̄uapu ringa ro kade'emu!>>
^Ba^bauku Isa Al Masih kanikaina conto ro ibara
4:10-12
10 Wakatu Isa wunga kesena, dou-dou ma wa'ura b̄atu Sia ro sampuru d̄ua anamori-Na mai rakana Sia. Siad̄oho rahona loakud̄u ngoa kab̄aena auku ao ro ma'anana conto ro ibara ede. 11 Edempara Isa nggahina d̄i siad̄oho, <<Nggomid̄oho wa'ura mbei b̄a Ruma bareka d̄i ^badekaimu rahasia Karaja'an Allah. Pala dou-dou ma kalai rangoa ro tei kai conto ro ibara, 12 loaku^du:
Konena siad̄oho eda ro eda walina
pala siad̄oho wati loana ka'ao,
konena siad̄oho ringa ro naringa wali,
pala wati loana ka'ao,
loakud̄u siad̄oho aina maina d̄i Allah Ta'ala
ro rakana kangampu.> >>
Isa Al Masih ngoa kab̄aena ao ro ma'anana conto ro ibara mab̄oha dou ma pari d̄ei
4:13-20
13 Edempara Isa nggahina d̄i siad̄oho, <<Nggara nggomid̄oho watisi loamu ka'ao conto ro ibara ede, b̄uneku loamu ka'ao b̄a nggomid̄oho conto ro ibara ma kalaina? 14 Dou ma pari d̄ei ede eded̄u dou ma karongga nggahi ro eli Allah Ta'ala. 15 Dana d̄i kengge ncai hid̄i ra ma^bukai d̄ei ibarakai dou-dou ma ringa nggahi ro eli Ruma, pala mai lalo Iblis ro wehana nggahi ro eli Ruma ma wa'ura wara d̄ei ade siad̄oho. 16 Dana ma mbotokai wadu hid̄i rama^bukai d̄ei ibarakai dou-dou ma ringa nggahi ro eli Ruma, ro tarima lalona kai sana adena. 17 Pala nggahi ro eli ede wati ntauna amu d̄ei ade siad̄oho, ndad̄ina wati ntoina d̄ei ade. Ndede siad̄oho iuna susa ro ncoki atao kancoki b̄ara tarimana nggahi ro eli Ruma, siad̄oho murtad lalona. 18 Dana ma wara mpori rui hid̄i ra ma^bukai b̄a d̄ei ede ibarakai dou-dou ma ringa nggahi ro eli Ruma, 19 pala nadaruraku mab̄oha mori ro woko siad̄oho ro nane'e mori ntau ro wara. Mboto pahu ne'ena makalai lu'u d̄ei ade siad̄oho.Sara'ana ede na'apiku nggahi ro eli Allah Ta'ala d̄ei ade siad̄oho, ndad̄ina wati ntauna wua. 20 Ro dana ma howo hid̄i ra ma^bukai d̄ei ede ibarakai dou-dou ma ringa nggahi ro eli Ruma ede ro tarimana, siad̄oho nambua mboto, wara 30 kali ncewi mboto, 60 kali ncewi mboto, ro wara ma 100 kali ncewi mboto hasina.>>
Conto ro ibara mab̄oha Ilo
4:21-25
(Luk. 8:16-18)
21 Sawa'u b̄a ede Isa nggahi rauna, <<Sab̄ua wara dou ma ka'a ilo, edempara ^bontona kai roa atao mawi'i awa wombo marukai? Sab̄ua sia wati wi'ina ilo ede d̄i hid̄i terokai ilo? 22 B̄a one wati wara ma ili weki ma wati ^dikatada; ro wati wara rawi ra ili ro pita ma wati ^dikatada. 23 B̄ara ndedena, nggara ma ntausi fiko pab̄uapu ringa ro kade'e!>>
24 Edempara Isa nggahi walina, <<Kade'e kab̄aepu au ra ringa b̄a nggomid̄oho ake! Taka ra kani b̄a nggomid̄oho d̄i ru'u b̄a dou makalai ^dikani rau b̄a Allah Ta'ala d̄i ru'u b̄a nggomid̄oho -- ro nanaha ncewi mboto wali. 25 B̄a one dou ma wa'ura wara ntauna, d̄imbei sala'i wali; pala dou ma wati wara ntauna, samenana ma wara d̄i sia ^diweha mbali rau.>>
Conto ro ibara mab̄oha d̄ei ma woko
4:26-29
26 Isa nggahi walina, <<Karaja'an saroga b̄une santika sab̄ua dou ma pari d̄ei d̄i omana. 27 D̄i aimangad̄i sia namaru; d̄i aimarai sia na^bola. Ro wakatu ede ^dei-d̄ei ede woko ro nanaha na'e. Pala ra^bunena ^dei-d̄ei ede wokona ro nanaha na'e, dou ede wati ^badena. 28 Dana edeku ma kalosana hasi: saramba-rambakaina takona, sawa'u b̄a ede wurina, edempara wuana. 29 Ro nggara nawa'usi ratua gandum ede, dou ede rau natampu'ura rombena b̄ara rakara wakatuna ^diwehakaina hasi.>>
Conto ro ibara mab̄oha d̄ei sesawi
4:30-34
30 <<Kai auku Karaja'an Allah, loa ^dintewikai b̄a ndai?>> So^di wali b̄a Isa, <<Atao kai conto auku ^dikani b̄a ndai d̄ingoa ka^baekai? 31 Karaja'an Allah, b̄une santika: Sanggini isi sesawih raweha b̄a sab̄ua dou, edempara nggu^dana d̄i dana. Isi sesawi eded̄u d̄ei ma ipi to'i d̄i dunia. 32 Pala nggara nawa'usi rawoko sesawi ede, nandad̄i fu'u ma na'e d̄i ade sara'a pahu ranggud̄a ro congge. Sanga-sangana nawancuku na'e ro nggarina, ndad̄ina nasi-nasi naloa mai, ro nandawiku so^bu d̄i sanga-sangana.>>
33 Ndedeku Isa ngoa ro teina dou kai kanina mboto conto ro ibara b̄une ede, ncihi ncao b̄une ra loa ka'ao b̄a siad̄oho. 34 Isa nakani ncauku conto ro ibara nggara Sia nangoa ro teisi dou-dou. Pala nggara ndai Sia lab̄o anamori^doho-Na, Sia nangoa ka^baeku sara'ana d̄i siad̄oho.
Isa Al Masih kadenggana angi na'e
4:35-41
35 D̄i aimambia ede wa'u, Isa nggahina d̄i anamori^doho-Na, <<Maira ndai talaoku ipa b̄ae b̄a ndano.>>
36 Ndad̄i Isa ne'ena ese sampa ro anamorid̄oho-Na tu'u wi'ina dou mamboto d̄i kengge ndano, edempara ne'ena ese sampa ra ne'ekai b̄a Isa. Sampa-sampa makalaina wara rau ta ede. Edempara Isa ro anamorid̄oho-Na tampu'ura lojana. 37 Wati ntoina sawa'u b̄a ede mai angi makente. Balumba tampu'ura ^boena ro oi lu'una ade sampa, ndad̄ina sampa ede nane'era b̄ini b̄a oi. 38 Wakatu ede, Isa wunga maruna ta ari keto sampa. Anamori^doho-Na ro^duna Sia. Nggahi siad̄oho, <<Guru, sab̄ua Ita wati ne'eta kandad̄i au, ihara ndai?>>
39 Isa tu'una, edempara ficana angi ede, ro nggahina d̄i ndano, <<Midi, denggara!>> Angi rau denggana, ro oi ndano ndad̄i midi. 40 Edempara Isa nggahina d̄i anamori^doho-Na, <<^Ba^bauku nggomid̄oho dahukaimu? ^Ba^bauku nggomid̄oho wati imbikaimu d̄i Nahu?>>
41 Edempara siad̄oho ndad̄i dahu ro nggahina d̄i sab̄ua lab̄o ma kalaina, <<Cousi sapodakaina dou ake, sampe angi ro balumba rau nato'a d̄i Sia?>>