Isa Al Masih nuntu ro nggahina mab̄oha ndumba Bait Allah
13:1-2
13
Wakatu Isa tu'u wi'ina Bait Allah, sab̄ua dou d̄i ade weki anamorid̄oho-Na manggahi, <<Guru, tatiopu uma-uma ra tu'u ede, tio kab̄aepu wadu-waduna. Nawancuku ntikana!>>2 Cambe b̄a Isa, <<Nggomi ma'edaku uma-uma ra tu'u ma na'e ede? Wati wara kone sab̄ua wadu rau d̄i uma-uma ra tu'u ede ^dimangge'e sadundu weki d̄i hi^dina. Sara'ana ^di^dumba.>>
Mab̄oha susa ro ncoki
13:3-13
3 Sawa'u b̄a ede Isa laona aka Doro to'i Zaitun, ro dohou satandona Bait Allah. Edempara la Petrus, Yakub, Yahya, ro la Andreas maina d̄i Sia. 4 <<Guru, tangoa to'ipu d̄i mada^doho,>> nggahi siad̄oho d̄i Sia, <<b̄une aiku samenana ede nda^dina? Ro auku tanda-tandana ma katadana b̄a one wa'ura raka wakatuna?>>
5 <<Aina kabaremu,>> cambe b̄a Isa, <<loakud̄u nggomid̄oho aina kasantuda b̄a dou. 6 B̄a one mboto dou d̄imamai kai ngara Nahu ro nanggahiku, <Nahuku Al Masih!> Edempara kasantudana mboto dou. 7 Nggara nggomid̄oho maringasi eli lewa ro laka ro haba mab̄oha lewa ro laka, aina dahumu. Lampa rawi ede pab̄uaku nda^dina, pala ede watipu cumpukaina. 8 Bangsa ma sab̄ua ^dimalewa lab̄o bangsa ma kalai. Negara ma sab̄ua ^dimadei negara ma kalai. Ta b̄e-b̄e wara epu ro bala sarahi^do. Sara'ana ede ampode tampu'ukaina susa ro ncoki.
9 Nggomid̄oho aina kabare, b̄a one nggomid̄oho ^diwa'u ro leto b̄a dou ro nalao wa'aku aka mahkama-mahkama. Nggomid̄oho ^di^boe d̄i uma-uma sambea ro ibadakai. Nggomid̄oho ^diwa'a lao satando aka dou-dou mana'ekaina ro d̄i sangaji-sangaji b̄ara nggomid̄oho anamori Nahu. Ro edeku wakatuna d̄i ru'u b̄a nggomid̄oho ^dimangoa ro kahaba mab̄oha Nahu d̄i siad̄oho. 10 Injil pab̄uaku ^dikarongga wa'u d̄i samenana bangsa. 11 Ro nggara nggomid̄oho nawa'u ro letosi b̄a dou ro ^diwa'a aka kanto pangadilan, aina darura ademu mab̄oha auku d̄i pab̄ua nggahi b̄a nggomid̄oho.Nggara nawa'usi raka wakatuna d̄i nuntu ro nggahikaimu, nggahipu au ra ngoa b̄a Roh Allah d̄i nggomid̄oho ade wakatuna. B̄ara nggahi ra renta b̄a nggomid̄oho ede laina ra nggahi b̄a ndaimu, malaisi ma ramai ra d̄i Roh Allah. 12 Dou na^donggoku sa'e ro ari ndaina ^dihade. Ede rau d̄imandad̄i d̄i weki ama lab̄o anana. Ana-anana ^dima'ao ina ro amana, ro na^donggoku dou matuana ede ^dihade. 13 Nggomid̄oho wati ^dica'u b̄a samenana dou b̄ara nggomid̄oho anamori Nahu. Pala dou ma wa'u sia sampe cumpukaina, ^dikasalamana.>>
Rawi ma'iha ro dab̄ae ^dimakalelina
13:14-23
14 Ndad̄i nggara nggomid̄oho ma'edasi patung berhala d̄i hid̄i ma raso b̄une ra nggahi b̄a Nabi Daniel -- D̄i ru'u b̄a dou ma baca: Tio kab̄aepu auku aona. D̄i wakatu edeku dou ma wara aka Yudea pab̄uaku lao raina aka doro-doro. 15 Dou ma wunga doho-doho ese wawo b̄utu uma aina londo ro lu'u d̄i ade uma d̄i wehakaina au-au. 16 Dou ma wara aka oma aina mbali d̄i wehakaina kani ro lombona. 17 Nawancuku samangina ainaina ede d̄i ru'u b̄a dou-dou siwe ma wunga na'e loko ro ina ma mbuipu susu anana! 18 Do'apu loakud̄u lampa rawi ede aina ndad̄ina wunga oru ura. 19 D̄i ainaina ma samangikai ade ede ^dimawara susa ro ncoki ma watipu parana ndad̄i, ratampu'u aipu kandad̄i b̄a Allah Ta'ala dunia saraka ake, ro wati d̄imandad̄i wali. 20 Pai watisi kaporo b̄a Allah Ta'ala wakatuna, ndad̄i wati wara kone sab̄ua dou rau ma salama. Pala b̄ara ela-Na, ndad̄i Allah Ta'ala kaporona wakatu.
21 D̄i wakatu ede nggara nawarasi sab̄ua dou manggahi d̄i nggomid̄oho, <Tiopu, Sangaji Makasalama ede wara ta ake!> Atao <Tiopu, Sia wara ta aka!> -- Aina imbimu d̄i dou ede. 22 B̄a one d̄imamai almasih-almasih palasu ro nabi-nabi palasu. Siad̄oho nakarawiku tanda-tanda ^dimborakai aka ro ma b̄isa ro guna ^ditipukaina dou, nggara naloasi ^dikasantudakaina ela Allah Ta'ala rau. 23 Ndad̄i, aina kabare! Sara'ana ede wa'ura ngoa b̄a Nahu d̄i nggomid̄oho sawatipu lampa rawi ede nda^dina.>>
Wakatu maikai Ana Manusia
13:24-27
24 Isa nggahi walina, <<Sawa'u b̄a nggori wakatu jaman susa ro ncoki ede, liro ^dimarindi, ro wura watid̄u taroa walina. 25 Ntara-ntara ^dimama^bu mai ese mai ra d̄i langi, ro makuasa ese langi d̄imambari mbura. 26 D̄i wakatu ede dou d̄ima'eda Ana Manusia maina ade apu kai kuasa mana'e ro mad̄ese ro ntasa. 27 Sia d̄imanggadu mala'eka-mala'eka ^dimakab̄oro ela ra ka^dale-Na d̄i upa mbua wela dunia, ra tampu'u d̄i sumpu-sumpu dunia saraka aka sumpu-sumpu langi.>>
Tana'o ra d̄i fu'u ara
13:28-31
28 Sawa'u b̄a ede Isa nggahi walina, <<Wehapu tana'o d̄i fu'u ara. Nggara sanga-sanga mpidana najao ro mapusi, ro natampu'usira ncurina, nggomid̄oho mab̄adeku b̄a one ^denira oru mpana ai. 29 Ndede rau nggara ma'edasi b̄a nggomid̄oho lampa rawi ede nda^dina, nggomid̄oho mab̄adeku b̄a one wakatuna nawa'ura ^deni poda.v 30 D̄i ^bademu! Sara'a mandad̄i ede d̄imandad̄i sawatipu b̄a dou-dou ma mori wakatu ake made sara'ana. 31 Langi ro dana ^dimambora, pala nggahi ro eli Nahu ngge'e mpa santoi-ntoina.>>
Wati wara kone sab̄ua dou rau mab̄adeainaina ro wakatuna
13:32-37
(Mat. 24:36-44)
32 <<Pala mab̄oha ainaina ro wakatuna, wati kone sab̄ua dou rau ma ^badena. Mala'eka-mala'eka aka saroga wati ro Ana rau wati ^badena, selasi Ama mpoa mpa ma ^badena. 33 Ndad̄i, nggomid̄oho pab̄uapu jaga-jagamu ro aina kabare, b̄ara nggomid̄oho wati b̄ademu b̄une aiku wakatuna. 34 Lampa rawi ede ibarakai sab̄ua dou ma tu'u wi'i umana edempara laona d̄i hid̄i ma ^do'o. Sia kauna ada^dohona ^dimakab̄ua umana, ro mbeina taki d̄i siad̄oho cua-cua ndaina. D̄i dou majaga ncai, ngoa wi'i b̄a sia loakud̄u jaga katahona. 35 B̄ara ndedena nggomid̄oho pab̄uapu jaga-jaga, b̄ara nggomid̄oho wati b̄ademu b̄une aiku dou ma ntau uma ede mai mbalina -- kombisi aimambia, aima^boha, aimasubu, atao kombisi wakatu wontu liro. 36 Nggara sia namai sadekasi, ai to'ina sia edana nggomid̄oho wunga marumu. 37 Au ra nggahi b̄a Nahu ake d̄i ru'u b̄a nggomid̄oho, Nahu ma nggahi rau d̄i ru'u b̄a samenana dou: jaga ro sandakapu wekimu!>>