Mafaka ne'e hade Isa Al Masih
14:1-2
14
D̄i d̄ua nai walipu Ainaina Paskah ro Aruraja Roti Mawati kani ^buha. Dou-dou mana'ekai imam ro ahli-ahli Taurat wunga ngupana ncai ^diwa'u ro letokaina Isa Al Masih ro nane'eku hade Sia. 2 <<Pala aina karawi b̄a ndai lampa rawi ede d̄i wakatu aruraja,>> nggahi siad̄oho, <<^bara nakamaiku ngango ro ngora.>>Isa Al Masih lua b̄a dou siwe kai mina mengi
14:3-9
3 Wakatu Isa Al Masih wara aka kota Betania, d̄i uma la Simon, ntoina ma rasupu ncola, sab̄ua dou siwe mai rakana Sia. Sia wa'ana sab̄ua boto marmar isina mina mengi ma nggali co'i. Wakatu Isa wunga doho ngahana, dou siwe ede ^bi'ana wo'o boto ede ro luana mina mengi ede ese wawo tuta Isa. 4 Pila-pila dou ma wara ta ede ndad̄i mbani ro nggahina d̄i sab̄ua lab̄o ma kalaina, <<Au onena mina mengi ede ^dipaki-paki? 5 Mina ede loa ^dilanda kai co'i ncewi 300 piti salaka,w ro pitina loa d̄imbei d̄i ru'u b̄a dou mancoki mori!>> Ndad̄i siad̄oho nggahikaina dou siwe ede.
6 Pala nggahi Isa Al Masih, <<Co'opu sia! ^Ba^bauku nggomid̄oho kasusakaimu sia? Sia wa'ura karawina ma taho d̄i ru'u b̄a Nahu. 7 Dou mancoki mori ngge'e mpa warana d̄i woha nggomid̄oho.Sanikina wakatu nggara nggomid̄oho mane'esi, nggomid̄oho maloaku bantu siad̄oho.Pala Nahu wati ^dimangge'e impi sama-sama lab̄o nggomid̄oho. 8 Dou siwe ake nawa'ura karawi au d̄i loana karawi. Sia wa'ura kaminana sarumbu Nahu kai mina mengi d̄i umbukai Nahu sawatipu b̄a raka wakatuna. 9 Imbipu! D̄i sara'a dunia, ta b̄e-b̄e Injil d̄ingoa ro kahaba, au ra karawi b̄a dou siwe ake ^dinuntu ncau b̄a dou d̄i kawarakaina sia.>>
La Yudas nangawa d̄onggo Isa Al Masih d̄i dou-dou ma musu-Na
14:10-11
10 Edempara la Yudas Iskariot, sab̄ua dou ade sampuru d̄ua weki anamori Isa Al Masih, lao rakana dou-dou mana'ekai imam. Sia nane'eku d̄onggo Isa d̄i siad̄oho. 11 Siad̄oho nawancuku neo adena ringa au ra nggahi b̄a la Yudas ede, ro siad̄oho sakena d̄imambei piti d̄i ru'u b̄a la Yudas. Edempara la Yudas tampu'ura ngupana ncai d̄i ^donggokaina Isa d̄i dou-dou ma musu-Na.
Isa Al Masih ngaha Paskahna lab̄o anamorid̄oho-Na
14:12-21
12 D̄i ainaina sarambakaina ade Aruraja Roti Mawati kani b̄uha – d̄i wakatu dou sambelena jimba Paskah – anamori-anamori Isa Al Masih sod̄ina d̄i Sia, <<Ta b̄eku ^dine'ekai b̄a Ita ^disadiakai b̄a madad̄oho ngaha ro nono Paskah d̄i ru'u b̄a Ita?>>
13 Edempara kau b̄a Isa Al Masih d̄ua dou d̄i weki siad̄oho, <<Laopu aka kota, ta aka nggomid̄oho d̄ima'eda angi lab̄o sab̄ua dou mone ma wa'a oi kai sab̄ua gandi. Nggomid̄oho lao ^batupu dou ede 14 aka uma ralu'ukai b̄a sia ro nggahipu d̄i dou mantau uma ede, <So^di b̄a Guru, ta b̄eku hid̄i d̄i ru'u b̄a Guru lab̄o anamorid̄oho-Na ^dingahakaina, ngaha ro nono Paskah.> 15 Dou ede ^dimaturu tei d̄i nggomid̄oho sab̄ua ^bili ma na'e ta ese. ^Bili ede wa'ura ato lab̄o sara'a tau ro tu'ina. Ka'ambipu sara'ana ta aka d̄i ru'u b̄a ndaita.>>
16 Edempara d̄ua dou anamori Isa Al Masih ede laona aka kota. Ta aka siad̄oho edana, ncihi ncao b̄une ra nggahi b̄a Isa. Edempara ka'ambi b̄a siad̄oho ngaha ro nono Paskah.
17 D̄i aimangad̄i ede, Isa Al Masih lab̄o sampuru d̄ua dou anamori-Na maina d̄i hid̄i ede. 18 Ro siad̄oho wunga doho ngahana, nggahi Isa, <<Ringa ro kade'epu: sab̄ua dou ade weki nggomid̄oho ma ngaha sama lab̄o Nahu ake d̄imad̄onggo Nahu d̄i dou-dou ma musu Nahu.>>
19 Ringana nggahi ndede Isa Al Masih, sara'a anamorid̄oho-Na nawancuku ncoki mena adena. Edempara siad̄oho, sab̄ua-sab̄ua dou sod̄ina d̄i Isa, <<Tantu laina mada ra nggahi b̄a Ita ede Ruma?>>
20 Cambe b̄a Isa Al Masih, <<Sia eded̄u sab̄ua dou ade weki nggomid̄oho ma sampuru d̄ua ake, ma ngaha sab̄ua pingga lab̄o Nahu. 21 Ncihi romo b̄a one Nahu, Ana Manusia d̄imamade b̄une ra tunti ade Kitab Suci. Pala ihara dou ma ra^donggona Ana Manusia ede d̄i dou-dou ma musu-Na! Nancewi tahopu nggara dou ede wati ranggana b̄a inana!>>
Do'a Jamu Ruma
14:22-26
22 Wakatu siad̄oho wunga ngahana, Isa Al Masih wehana roti ro do'a syukuna d̄i Allah Ta'ala. Sawa'u b̄a ede Sia to^be-to^bena roti ede kai rima-Na, edempara mbeina d̄i anamorid̄oho-Na ro nggahi-Na, <<Weha ro ngahara, akeku sarumbu Nahu.>>
23 Sawa'u b̄a ede, Sia wehana sab̄ua gla anggo edempara do'a syukuna d̄i Allah Ta'ala, sawa'u b̄a ede d̄onggona gla ede d̄i anamori^doho-Na. Edempara siad̄oho sara'ana nonona anggo ede. 24 Ro nggahi Isa, <<Akeku ra'a Nahu ma kasahana au ra sake b̄a Allah Ta'ala, ra'a ra ^boho d̄i ru'u b̄a dou mamboto. 25 Nahu manggahi d̄i nggomid̄oho, <Nahu wati ^dimanono anggo ake wali sampe rakakai wakatuna Nahu nonoku anggo ma b̄ou sama-sama lab̄o nggomid̄oho d̄i Karaja'an Ama-Ku.>>>
26 Edempara siad̄oho rawana sab̄ua rawa roi ro wadi. Ro sawa'u b̄a ede siad̄oho laona aka Doro to'i Zaitun.
Isa Al Masih ngoa ro kawarana b̄a one la Petrus ^dimakawati pata Isa Al Masih
14:27-31
27 Sawa'u b̄a ede Isa Al Masih nggahina d̄i siad̄oho, <<Nggomid̄oho sara'a ^dimarai tu'u wi'i Nahu. B̄a one ade Kitab Suci wara ratunti, <Allah Ta'ala ^dimahade dou ma ompukai jimbana, ro jimba-jimbana d̄imambari mbura. 28 Pala sawa'u b̄a Nahu ^dikamori mbali, Nahu d̄imalao ulu aka Galilea.>>
29 <<Wati,>> cambe b̄a la Petrus, <<Konena siad̄oho sara'a tu'u wi'ina Ita, pala mada wati.>>
30 <<Kawarapu,>> nggahi Isa Al Masih, <<D̄i aimangad̄i ake wa'u, sawatipu b̄a koko janga d̄ua kali, nggomi tolu kali wati mangakumu Nahu.>>
31 Pala Cambe kapoda b̄a la Petrus, <<Kone kamade sama lab̄o Ita, mada wati ^dimanggahi b̄a one mada wati pataku Ita!>>
Sara'a anamori Isa ma kalai nggahi ndede rauna.
Isa Al Masih do'ana d̄i Getsemani
14:32-42
32 Edempara siad̄oho ronggara aka sab̄ua hi^di, ngarana Getsemani, ro Isa nggahina d̄i anamori^doho-Na, <<Dohopu ta ake, Nahu malao do'a wa'u.>>
33 Edempara Isa Al Masih recena la Petrus, Yakub ro la Yahya lao sama-sama lab̄o Sia. Sia tampu'ura iuna lalai ade ro darura adena. 34 <<Lalai poda ade-Ku,>> nggahi Isa d̄i siad̄oho, <<B̄une dou mane'e made ^di'iu-Ku. Midipu ta ake jaga ro do'apu!>>
35 Isa Al Masih lao d̄o'o narina, edempara sujuna awa dana ro do'ana. Ade do'ana ede, Sia rahona nggara loasi aina iu b̄a Sia wakatu susa ro ncoki ede. 36 <<Ama, io Ama,>> nggahi-Na, <<Wati wara ma wati loa ndad̄i d̄i ru'u b̄a Ita Ama. Wehapu susa ro ncoki ake ra d̄i Mada. Pala aina ^batu-Mu au ra kane'ekai b̄a Mada malaisi au ra kane'ekai b̄a Ita, Ama.>>
37 Sawa'u b̄a ede, Isa Al Masih lao mbalina ro edana anamorid̄oho-Na wunga maruna. Nggahi Sia d̄i la Petrus, <<Simon, mamaruku nggomi? Kone sajam mpoa mpa, nggomi wati wa'umu ^bola?>> 38 Edempara Isa nggahi-Na d̄i siad̄oho, <<Aina maru, do'apu loakud̄u nggomid̄oho wati b̄oha b̄a coba'an. Poda romo rohmu nane'e karawi ma taho, pala nggomid̄oho wati wa'umu b̄ara tabe'a manusiakaimu ede namapu ro rome.>>
39 Sakali wali Isa Al Masih lao do'ana kai rentana ma sama. 40 Sawa'u b̄a ede, Isa mbali walina aka anamorid̄oho-Na ro edana siad̄oho mbui ngge'epu maruna, b̄ara siad̄oho na'ipiku ei madana. Ndad̄i siad̄oho wati b̄adena auku d̄ipab̄ua nggahina d̄i Isa.
41 Wakatu Isa Al Masih mbalina d̄i siad̄oho katolu kalikaina, nggahi Sia, <<Mbui ngge'epu maru ro sanawamu nggomid̄oho? Ncihira! Wa'ura raka wakatuna Nahu, Ana Manusia ^di^donggo d̄i rima dou-dou madosa. 42 Tu'ura, mai ndai talaoku. Tiopu! Dou ma d̄onggo Nahu d̄i dou-dou ma musu Nahu wa'ura mai!>>
Isa Al Masih wa'u ro leto b̄a dou
14:43-52
43 Wakatu Isa mbuipu nuntuna, mai la Yudas, sab̄ua dou d̄i ade weki sampuru d̄ua anamori-Na. La Yudas mai sama-samana lab̄o dou mboto ma wa'a peda ro kapodo. Siad̄oho rakakai b̄a dou-dou mana'ekai imam, ahli-ahli Taurat, ro dou matuakai Yahudi. 44 La Yudas ma^donggo Isa d̄i dou-dou ma musu Isa ede nawa'ura katantu sab̄ua tanda d̄i ru'u b̄a doud̄oho ede. Nggahi sia, <<Dou ra ngilu b̄a mada,>> Sia edeku dou-Na. Wa'u ro letopu Sia ro wa'apu Sia ro jaga katahopu.>>
45 Wakatu la Yudas ronggana, sia lao raka lalona Isa ro nggahina, <<Guru!>> Edempara sia ngiluna Isa. 46 Ndad̄i dou-dou ma mai sama lab̄o la Yudas ede wa'u ro letona Isa. 47 Pala sab̄ua dou d̄i ade weki dou ma wara ta ede olona peda ro fatina ada Imam Agung, ndad̄ina kori fikona. 48 Edempara Isa nggahina d̄i doud̄oho ede, <<Sab̄ua Nahu ake dou madab̄ae, ndad̄ina nggomid̄oho mai wa'amu peda ro kapodo b̄a ne'emu wa'u ro leto Nahu? 49 Sanai-nai Nahu mangoa ro tei d̄i Bait Allah d̄i tando nggomid̄oho, ro nggomid̄oho wati wa'u ro letomu Nahu. Pala poda romo pab̄uaku ndad̄ina b̄une ede, loakud̄u ndad̄ina b̄une ra tunti ade Kitab Suci.>>
50 Sara'a anamori-Na rai tu'u wi'ina Isa.
51 Sab̄ua dou mone sampela ma kani tembe mpoa d̄i ^bontokaina sarumbuna, b̄atuna Isa. Dou-dou nane'eku wa'u ro leto sia 52 pala sia horina tembena ede, edempara rai rondana.
Isa Al Masih d̄i tando Mahkamah Agama
14:53-65
53 Siad̄oho lao wa'ana Isa aka uma Imam Agung. Ta aka sara'a dou mana'ekai imam, dou-dou matuakai Yahudi, ro ahli-ahli Taurat wunga kab̄orona weki. 54 La Petrus b̄atu salandona Isa sampe lu'una d̄ei sarei uma dou mana'ekai imam. Ta aka sia niruna afi sama-sama lab̄o dou-dou majaga. 55 Dou-dou mana'ekai imam ro samenana Mahkama Agama na'usahaku raka bukuti-bukuti ma kancara Isa loakud̄u ^ba^bukaina hukuman made d̄i Isa. Pala siad̄oho wati rakana kone sab̄ua bukuti rau. 56 Mboto dou mandad̄i sakasi cowa d̄i ru'u b̄a Isa, pala au ra nggahi b̄a siad̄oho wati wara ma sama sab̄ua lab̄o ma kalaina.
57 Edempara pila-pila dou ra ou ede tu'u ki^di ro mbeina sakasi cowa mab̄oha Isa, 58 <<Madad̄oho ringamu dou ake manggahi, <Nahu ^dima^dumba Bait Allah ake ra ndawi b̄a manusia, ro ade tolu nai, Nahu d̄imatu'u mbalina.> >> 59 Pala au ra nggahi b̄a dou-dou ede ngge'e mpa wati samana sab̄ua lab̄o makalaina.
60 Ndad̄i Imam Agung tu'u ki^dina d̄i tando siad̄oho sara'a ro sod̄ina d̄i Isa, <<Sab̄ua Nggomi wati ne'emu cambe au ra nggahi b̄a sakasi d̄i ru'u b̄a Nggomi?>>
61 Pala Isa namidi mpa. Sia wati cambena kone sampu'u rau. Edempara dou mana'ekai imam-imam ede sod̄ina sakali wali d̄i Isa, <<Sab̄ua Nggomi Sangaji Makasalama, Ana Allah4 Mawancu Raso?>>
62 Cambe b̄a Isa, <<Mada akeku Sia ro itad̄oho sara'a d̄ima'eda Mada, Ana Manusia madoho ta sa^bae wanax Allah Ta'ala Mawancu Kuasa ro namai d̄i ade apu ese langi!>>
63 Ndad̄i dou mana'ekai imam-imam sipa-sipana kani ro lombo ndainay ro nggahina, <<Wati paralu walina sakasi! 64 Nggomid̄oho mawa'ura ringa b̄a ndaimu nggahi ro eli-Na ma ^ba'a Allah Ta'ala. Ake b̄uneku kananu ro ^dinggahi b̄a nggomi^doho?>>
Siad̄oho sara'a kasab̄uana nggahi b̄a one Isa ma ncara, ro pab̄ua d̄ihukum made.
65 Edempara pila-pila dou tampu'ura katufena Isa, ro ^bonto weana pahu-Na ro ^boena Sia, edempara nggahina, <<Pehepu, cou ma ra^boe-Mu?>> Dou-dou majaga rau topana Isa.
La Petrus nggahina b̄a one sia wati patana Isa Al Masih
14:66-72
66 Wakatu ede la Petrus mbuipu warana d̄i sarei, sab̄ua dou siwe ada Imam Agung maina d̄i sarei ede. 67 Wakatu edana la Petrus ma wunga niru afi, tio kab̄ae b̄a sia pahu la Petrus ro nggahina, <<Nggomi ake rauku ma sama-sama lab̄o Isa, dou Nazaret ede.>>
68 Pala wati mangaku b̄a la Petrus, <<Nahu wati ^badeku ro wati loaku ka'ao au ra nggahi b̄a nggomi,>> nggahina d̄i ada dou ede. Edempara la Petrus laona aka ta^da lawa uma Imam Agung ede. Wakatu ede wa'u, koko lalo janga.
69 Wakatu ada siwe ede, eda walina la Petrus, nggahina d̄i dou-dou ta ede, <<Poda romo, sia ede sab̄ua dou ade weki sia^doho!>> 70 Pala la Petrus wati mangaku walina.
Wati ntoina sawa'u b̄a ede, dou-dou ma ki^di ta ede nggahi rauna d̄i la Petrus, <<Nggomi tantu sab̄ua dou ade weki siad̄oho, b̄ara nggomi dou Galilea!>>
71 Edempara la Petrus tampu'ura ^ba'a ro sumpana ro nggahira sia, <<Nahu wati pataku dou ra nggahi b̄a nggomid̄oho ede!>>
72 Wakatu ede wa'u koko lalo janga kad̄ua kalikaina. Ro la Petrus kawarana b̄a one Isa wa'ura nggahina d̄i sia, <<Sawatipu koko janga d̄ua kali, nggomi tolu kali nggahimu b̄a one nggomi wati patamu Nahu.>> Edempara la Petrus nangi sance^dina.