Isa Al Masih weha ao b̄a dou kai ndiha poda d̄i Yerusalem
11:1-11
11
Wakatu ^denira lab̄o Yerusalem, siad̄oho ronggana aka kota Betfage ro Betania, d̄i kengge Doro to'i Zaitun. Isa kauna lao ulu d̄ua dou anamori-Na. 2 <<Laopu aka kampo d̄i tando ede,>> nggahi Isa d̄i siad̄oho.<<Ndede lu'umu d̄i kampo ede, nggomid̄oho ma'edaku sab̄ua ana keledai ra ^diki, keledai ede watipu ra'iu nente b̄a dou. Lo'apu ai keledai ede ro mai wa'a ca'arapu. 3 Ro nggara warasi dou ma so^dimu b̄ab̄auku nggomid̄oho horikaimu keledai ede, nggahipu, <Rumar maparaluna, ro Sia ^dima^bali rocina.> >>4 Edempara d̄ua dou anamori Isa ede laona, ro edana sab̄ua keledai ndara ra d̄iki d̄i tando ta^da ncai uma d̄i kengge ncai. Edempara lo'a b̄a siad̄oho ai keledai ede. 5 Dou-dou ma ki^di ta ede sod̄ina d̄i siad̄oho, <<Oe, au rawi nggomid̄oho? ^Ba^bau horikaimu keledai ede?>>
6 Cambe b̄a siad̄oho b̄une ra wa'u nggahi b̄a Isa d̄i siad̄oho.Edempara dou-dou ede co'ona siad̄oho wa'ana keledai ede. 7 Wakatu ronggana d̄i Isa, kontu keledai ede lama b̄a siad̄oho kai jumba siad̄oho, edempara nente b̄a Isa. 8 Mboto dou ma wira jumbana d̄i ncai, wara rau ma rea d̄i woha ncai sanga-sanga mpida haju ra weha b̄a siad̄oho aka omana. 9 Dou-dou ma lampa ulu ro dou-dou ma ^dende ta kontuna, sara'ana manggahi, <<Roi ro wadira Allah Ta'ala! Allah Ta'ala ma barekana Sia ma mai kai ngara Ruma! 10 ^Dese ro ntasara pamarenta-Na d̄imamai kento -- pamarenta la Daud wa'i ro waro ndaita! Roi ro wadira Allah Ta'ala Ma Wancu ^Dese Ro Ntasa!>>
11 Wakatu Isa ronggana aka Yerusalem, edempara lu'una d̄ei Bait Allah. Ta ede Sia tio heko sara'ana. B̄a one wa'ura tampu'u rindi ai, Sia laona aka Betania sama-sama lab̄o sampuru d̄ua dou anamori-Na.
Isa Al Masih sumpana fu'u ara
11:12-14
(Mat. 21:18-19)
12 B̄ala ai sanai, wakatu siad̄oho wunga lampa losana d̄i Betania, Isa iuna hi^do. 13 Sia eda sando'ona sampu'u fu'u haju ara ma nggari ro'ona. Ndad̄i Sia lao rakana fu'u ara ede b̄ara ne'ena tio sab̄ua nawara wuana. Pala wakatu Sia ronggana d̄i fu'u haju ara ede, Sia wati edana au-au, selasi ro'o mpoana, b̄a one wakatu ede watipu oru mbuakai fu'u ara. 14 Edempara Isa nggahina d̄i fu'u ara ede, <<Tampu'u ake wati wara kone sab̄ua dou rau d̄imangaha wali wuamu!>>
Anamori-anamori Isa ringana nggahi ede.
Isa Al Masih lu'una d̄i ade Bait Allah
11:15-19
15 Sawa'u b̄a ede siad̄oho ronggana aka Yerusalem, ro Isa lao walina aka Bait Allah. Ta ede Sia tampu'u katesa sara'ana dou malanda ro lajo d̄i hid̄i ede. Sia pongana meja-meja hid̄i cepekai piti ro bangko-bangko ntau dou ma landa nasi dara. 16 Ro Isa kantana dou ma wa'a barang-barang lampa sai Bait Allah. 17 Edempara Isa ngoa ro teina dou-dou ta ede. Nggahi Sia, <<D̄i ade Kitab Suci wara ratunti: Nggahi Allah Ta'ala, <Uma-Ku ^dipehekai uma hid̄i do'akai d̄i ru'u b̄a samenana bangsa.> Pala nggomid̄oho makanda^dikaiku so^bu parampo!>>
18 Dou-dou mana'ekai imam ro ahli-ahli Taurat ringana nggahi ede. Edempara siad̄oho tampu'ura ngupana ncai d̄ine'ekaina hade Isa. Siad̄oho nadahu d̄i Sia, b̄ara samenana dou na^dihi adena ringa ngoa ro tei b̄a Isa.
19 ^Denira nga^di ai, Isa ro anamorid̄oho-Na tu'u wi'ina kota ede.
Isa Al Masih ngoa ro teina mab̄oha do'a
11:20-26
(Mat. 21:20-22)
20 B̄ala ai sanai si^di-si^di poda, wakatu lampa sai b̄a siad̄oho fu'u haju ara ede, siad̄oho edana fu'u haju ede nawa'ura made sampe awa amuna. 21 Edempara kawara b̄a la Petrus au ma ndad̄i sanai sawatipu b̄a ede. Ndad̄i la Petrus nggahina d̄i Isa, <<Guru, tatiopu! Fu'u haju ara ra sumpa b̄a Ita ede nawa'ura made!>>
22 Cambe b̄a Isa, <<Imbipu d̄i Allah Ta'ala. 23 Poda, nggomid̄oho maloaku nggahi d̄i doro to'i ake, <Hantapu wekimu ro lao pakipu wekimu d̄i ade moti!> Ndad̄i lampa rawi ede loa d̄ikarawi b̄a nggomi^doho; sura nggomid̄oho wati mbali mbua ademu ro nggomid̄oho imbimu b̄a one au ra nggahi b̄a nggomid̄oho ede poda-poda ^dimanda^di. 24 B̄ara ndedena kawarapu ake: Nggara nggomid̄oho mado'a ro marahosi au-au, imbipu b̄a one Allah Ta'ala nawa'ura mbei d̄i nggomid̄oho au ra rahomu ede, ndad̄i nggomid̄oho ^dimatarimana. 25 Ro nggara nggomid̄oho mado'asi, pala wara dou ^di'ihakai ademu, lao raho wa'upu kangampu d̄i dou ede, loakud̄u Amamu ma wara d̄i Saroga rau ^dimakangampu wea dosa-dosamu. 26 Pala nggara nggomid̄oho watisi kangampu weamu dou makalai, Amamu ma wara aka Saroga rau wati ^dimakangampu wea dosa-dosamu.>>
Mab̄oha kuasa Isa Al Masih
11:27-33
27 Siad̄oho lao mbali walina aka Yerusalem. Ro wakatu Isa wunga lampa hekona sarei Bait Allah, dou-dou mana'ekai imam, ahli-ahli Taurat ro dou-dou mana'ekai Yahudi mai rakana Isa. 28 So^di b̄a siad̄oho, <<Kai dasa auku Nggomi karawimu sara'ana ake? Cou ma rambei hak ede d̄i Nggomi?>>
29 Cambe b̄a Isa, <<Nahu rau kane'e sod̄i d̄i nggomid̄oho.Cambepu ro Nahu ^dimangoa d̄i nggomid̄oho kai kuasa cou Nahu karawiku lampa rawi ake. 30 La Yahya kandeu rasona dou kai kuasa cou, kai kuasa Allah Ta'ala atao kai kuasa manusia?>>
31 Edempara dou-dou mana'ekai imam ro dou-dou mana'ekai Yahudi tampu'ura mafakana d̄i ade weki siad̄oho.Nggahi siad̄oho, <<Nggara nggahisi b̄a ndaita, <Kai kuasa Allah Ta'ala,> Sia nanggahiku, <^Ba^bauku nggomid̄oho wati imbikaimu d̄i la Yahya?> 32 Pala ncoki rau, nggara nggahisi b̄a ndai, <Kai kuasa manusia> >> B̄ara siad̄oho nadahuku d̄i dou mamboto ma wi'ikai la Yahya sab̄ua dou nabi. 33 Ndad̄i, cambe b̄a siad̄oho, <<Nami wati ^bademu.>>
Edempara nggahi Isa d̄i siad̄oho, <<Nggara ndedesi, Nahu rau wati ne'eku ngoa d̄i nggomid̄oho kai kuasa cou, Nahu karawi-Ku sara'a lampa rawi ake.>>