Isa Al Masih ngoa ro teina mab̄oha ncengga
10:1-12
10
Isa tu'u wi'ina hid̄i ede, ro laona aka dana ro rasa Yudea ro dana ro rasa ipa b̄ae b̄a Sori Yordan. Dou mamboto mai kab̄orona weki ro hekona Isa. Ro b̄une ranginakaina, Isa ngoa ro teina siad̄oho.2 Pila-pila dou Farisi mai rauna b̄a ne'ena b̄ab̄u Isa. So^di b̄a siad̄oho, <<Nggahi hukum agama ndaita, sab̄ua loaku dou wi'i weina?>>
3 Cambe b̄a Isa, <<Nabi Musa mbeina parenta au d̄i ru'u b̄a nggomi^doho?>>
4 <<Nabi Musa nakauku dou wi'i weina, nggara warasi sura ncenggana,>> cambe b̄a siad̄oho.
5 <<La Musa tuntina parenta ede b̄ara nggomid̄oho nawancuku ncoki d̄ingoa ro tei,>> nggahi Isa d̄i siad̄oho. 6 <<Pala aipu sarambana, wakatu <Allah Ta'ala kandad̄ina manusia, Allah Ta'ala kandad̄ina siad̄oho mone lab̄o siwe. 7 B̄ara ndedena dou mone natu'u wi'iku ina ro amana ro campona lab̄o weina,p 8 siad̄oho d̄uana ede ndad̄i sa^bua.> Ndad̄i, siad̄oho lai walina ^dua, malaisi sa^bua. 9 B̄ara ndedena, au ra wa'u kasab̄ua b̄a Allah Ta'ala, wati loa d̄icengga b̄a manusia!>>
10 Sawa'u b̄a siad̄oho lu'una d̄ei uma, anamorid̄oho-Na sod̄ina Isa mab̄oha lampa rawi ede. 11 Nggahi Isa d̄i siad̄oho, <<Cou ma wi'i weina edempara nikana lab̄o siwe makalai, dou ede nadosa d̄i wei uluna.q 12 Ndede rau dou siwe mawi'i rahina edempara nikana lab̄o mone makalai, sia ede nadosa d̄i rahi uluna.>>
Isa Al Masih barekana d̄ambe-d̄ambe to'i
10:13-16
13 Wara dou-dou mawa'a d̄ambe-d̄ambe to'i d̄i Isa loakud̄u Sia ^dama ro barekana siad̄oho.Pala anamori-anamori Isa nggahikaina doud̄oho ede. 14 Edana lampa rawi ede, Isa mbanina, edempara nggahikaina anamori^doho-Na, <<Co'opu d̄ambe-d̄ambe to'i ede maina d̄i Nahu! Aina kantamu siad̄oho, b̄a one dou-dou b̄une akeku d̄imandad̄i ela Karaja'an saroga. 15 Kawarapu ake! Cou ma wati mai satando Allah Ta'ala b̄une sab̄ua ana dou to'i, sia wati d̄imandad̄i anggota Karaja'an Allah.>> 16 Sawa'u b̄a nggahi ndedena, Isa pohuna dambe-^dambe to'i ede, edempara toho b̄a Sia rima-Na ese wawo siad̄oho cua-cua ndaina ro barekana siad̄oho.
Dou mantau ro wara
10:17-31
17 Wakatu Isa lampa ro lao wali-Na, wara sab̄ua dou ma mai rai raka Isa. Dou ede sujuna d̄i tando Isa ro sod̄ina, <<Guru ma taho, auku d̄i pab̄ua karawi b̄a mada loakud̄u rakaku mori masapodakaina ro ma ede ro hi^di?>>
18 <<^Ba^bauku nggomi nggahikaimu b̄a one Nahu taho?>> So^di b̄a Isa. <<Wati wara ma taho, selasi ndai Allah Ta'ala. 19 Nggomi wa'ura b̄ademu parenta-parenta Allah Ta'ala, <Aina hade dou, aina jina, aina mpanga, aina mbei sakasi cowa, aina tipu dou, lia ro horomapu ama ro inamu.> >>
20 <<Guru,>> nggahi dou ede, <<Samenana parenta ede wa'ura b̄atu b̄a mada ra'aipu to'i wa'uku.>>
21 Isa ntandana dou ede kai meci ro ca'una edempara nggahina, <<D̄i sab̄ua walipu lampa rawi d̄i pab̄ua karawi b̄a nggomi. Laora ro landa sara'apu ntau ro waramu; piti co'i ntau ro waramu ede mbeipu d̄i ru'u b̄a dou mancoki mori, ro nggomi d̄imaraka ntau ro wara aka saroga. Sawa'u b̄a ede mai ^batupu Nahu.>> 22 Ringana nggahi ndede Isa, dou ede to'i adena, edempara tu'u wi'ina hid̄i ede kai adena masusa b̄ara sia nawancuku ntau ro warana.
23 Edempara ntanda b̄a Isa anamorid̄oho-Na ro nggahi-Na d̄i siad̄oho, <<Nawancuku ncokina d̄i ru'u b̄a dou mantau ro wara ndad̄i anggota Karaja'an Allah!>>
24 Anamori^doho-Na mbora akana ringa nggahi Isa ede. Pala Isa nggahi walina, <<Ana-ana-Ku, nancoki podaku ndad̄i anggota Karaja'an Allah! 25 Nancewi mo^dapu sab̄ua onta lu'u d̄i karonga nda'u ntewikaisi lab̄o sab̄ua dou mantau ro wara lu'u d̄i ade Karaja'an Allah.>>
26 Nggahi ro eli Isa ede nakamboraku aka anamori^doho-Na, ndad̄ina siad̄oho cua sod̄i mena angina, <<Nggara ndedesi, couku maloa salama?>>
27 Isa ntanda-Na siad̄oho ro cambena, <<D̄i ru'u b̄a manusia, ede wati lu'u b̄a aka, pala wati ndedena d̄i ru'u b̄a Allah Ta'ala; sara'ana ede naloaku b̄a Allah Ta'ala.>>
28 Edempara nggahi la Petrus, <<Tiopu, madad̄oho wa'ura tu'u wi'imu sara'ana d̄i ^batukaimu Ita.>>
29 Nggahi Isa, <<Imbipu: dou ma wa'ura tu'u wi'i uma ro salajana, atao sa'e ro ari monena atao amancawana, atao inana, atao amana, atao ana-anana, atao tolo ro oma rauna b̄ara b̄atuna Nahu ro b̄ara Haba Mataho ma ramai ra d̄i Allah Ta'ala, 30 dou ede d̄imatarima ncewi mboto d̄i wakatu ake. Sia d̄imaraka 100 kali ncewi mboto uma, sa'e ro ari monena, amancawana, ina, ana-anana, tolo ro oma, -- ro kancoki b̄a dou rau. Ro pea d̄i jaman ma kento, dou ede d̄imatarima mori ma sapodakaina ro ma ede ro hi^di. 31 Pala mboto dou masarambakaina d̄imandad̄i ma cumpukai ro mboto ma wakatu ake ma cumpukaina d̄imandad̄i ma sarambakaina.>>
Isa Al Masih ngoana ma katolukalikaina mab̄oha madekai-Na
10:32-34
32 Isa lab̄o anamorid̄oho-Na wunga lampana lao aka Yerusalem. Isa malampa ulu, ro anamorid̄oho-Na nadarura mena adena. Ro dou-dou ma b̄atu siad̄oho d̄i kontuna na'iuku dahu rau. Edempara Isa ou kalai walina anamorid̄oho-Na ro ngoana siad̄oho au d̄imandad̄i pea d̄i weki ndai-Na. 33 Nggahi-Na, <<Ringa ro kade'epu, ndai ake wunga laota aka Yerusalem. Ta aka Nahu, Ana Manusia ^di^donggo d̄i dou-dou mana'ekai imam ro d̄i ahli-ahli Taurat. Sia d̄ihukum made, sawa'u b̄a ede Sia ^di^donggo d̄i dou-dou ma laina Yahudi. 34 Siad̄oho ^dimakasungge-sungge Sia, nakatufeku Sia, kancokina Sia, ro nasalibku Sia. Pala d̄i ainaina katolukaina Sia ^dimamori mbali.>>
Raho b̄a la Yakub ro la Yahya
10:35-45
(Mat. 20:20-28)
35 Edempara la Yakub ro la Yahya eded̄u ana-ana la Zebedeus, mai rakana Isa ro nggahina, <<Guru, wara sab̄ua lampa rawi d̄i ne'e b̄a madad̄oho d̄ikarawi b̄a Ita, d̄i ru'u b̄a mada^doho.>>
36 So^di b̄a Isa d̄i siad̄oho, <<Auku d̄ine'e b̄a nggomid̄oho d̄ikarawi wea b̄a Nahu?>>
37 Cambe b̄a siad̄oho, <<Madad̄oho mane'e doho d̄i kompe wana ro ku'i Ita, nggara pea Ita madohosi d̄i kadera Sangajikai mad̄ese ro ntasa.>>
38 <<Nggomid̄oho wati b̄ademu au ra raho b̄a nggomi^doho,>> nggahi Isa Al Masih d̄i siad̄oho, <<Sab̄ua mawa'u nggomid̄oho nono ra d̄i gla susa ro ncoki ^dinono b̄a Nahu ro lu'u d̄i ade hid̄i susa ro ncoki ^di'iu b̄a Nahu?>>
39 <<Io wa'u,>> cambe b̄a siad̄oho.
Edempara Isa Al Masih nggahi walina d̄i siad̄oho, <<Poda nggomid̄oho ^dimanono kai gla susa ro ncoki ^dinono b̄a Nahu, ro lu'u d̄i hid̄i susa ro ncoki ^di'iu b̄a Nahu. 40 Pala mab̄oha cou ^dimadoho d̄i kompe wana ro ku'i Nahu, ede laina Nahu ma katantuna, Allah Ta'ala ma katantuna cou-cou ^dimadoho d̄i hid̄i-hid̄i ede.>>
41 Wakatu sampuru dou anamori-Na ma kalai, ringana lampa rawi ede, siad̄oho mbanina d̄i la Yakub ro d̄i la Yahya. 42 Ndad̄i Isa ouna siad̄oho sara'ana, edempara nggahi-Na, <<Nggomid̄oho mab̄adeku b̄a one dou-dou mana'ekai bangsa ma wati pata Allah Ta'ala nakasusaku ela ro douna. Ro dou-dou mana'ekai siad̄oho nakasusaku siad̄oho. 43 Pala nggomid̄oho wati loamu kandede! Dou ma ne'e ndad̄i na'e d̄i ade weki nggomid̄oho, sia napab̄uaku ndad̄ina dou makarawi wea au d̄iparalu b̄a nggomid̄oho. 44 Ro dou ma ne'e ndad̄i dou ma sarambakaina d̄i ade weki nggomid̄oho, pab̄uaku ndad̄ina ada d̄i ru'u sara'ana. 45 B̄a one Ana Manusia rau maina wati ^dikab̄ua b̄a dou, Sia maina ^dimakab̄ua dou ro d̄imad̄onggo nawa-Na d̄ikasalamakaina dou mamboto.>>
Isa Al Masih katahona la Bartimeus ma mbuda
10:46-52
46 Siad̄oho ronggara d̄i Yerikho. Ro wakatu Isa lab̄o anamorid̄oho-Na ro dou mamboto tu'u wi'ina kota ede, wara sab̄ua dou mambuda ma wunga doho raho sadeka d̄i kengge ncai. Ngarana la Bartimeus, ana la Timeus. 47 Wakatu ringa b̄a sia b̄a one ma wunga lampa sai ede eded̄u Isa dou Nazaret, sia kanggicana, <<Isa Ana Daud! Kasi to'ipu adeta d̄i mada!>>
48 Sia nggahikai b̄a dou mamboto ro kauna midi. Pala sia nanaha kanggica kana'e, <<Ana Daud, takasi to'ipu adeta d̄i mada!>>
49 Edempara Isa midi lalona ro nggahina, <<Oupu sia.>>
Ndad̄i ou b̄a siad̄oho dou mambuda ede. Nggahi siad̄oho d̄i sia, <<Midira! Tu'ura nggomi ou b̄a Isa !>>
50 Dou mambuda ede pakina jumbana, edempara roci ki^dina ro lao rakana Isa Al Masih.
51 <<Auku d̄i ne'e b̄a nggomi d̄ikarawi wea b̄a Nahu?>> So^di b̄a Isa d̄i sia.
Cambe b̄a dou mambuda ede, <<Guru, mada kane'e loa eda.>>
52 Nggahi Isa, <<Laora, b̄ara nggomi imbimu d̄i Nahu, nggomi wa'ura taho.>>
Wakatu ede wa'u dou ede loana eda. Edempara sia b̄atuna Isa ma wunga ade lampa ro laokaina.