Isa Al Masih d̄i tando la Pilatus
15:1-5
15
Si^di-si^di poda, dou-dou mana'ekai imam, dou-dou matuakai Yahudi, ahli-ahli Taurat ro mahkama Agama mafaka rocina. Siad̄oho ndantena Isa Al Masih, sawa'u b̄a ede wa'ana Sia ro d̄onggona d̄i la Pilatus. 2 So^di b̄a la Pilatus d̄i Isa, <<Sab̄ua poda Nggomi sangaji dou Yahudi?>><<Ndedeku nggahi b̄a ita,>> cambe b̄a Isa Al Masih.
3 Dou-dou mana'ekai imam mboto sod̄ina d̄ib̄ab̄ukaina Isa. 4 Edempara la Pilatus sod̄i walina d̄i Isa Al Masih, <<Sab̄ua wati ne'emu cambe b̄a Nggomi kone sampu'u rau? Tiopu mboto poda dou ma nggahi d̄ib̄ab̄ukaina Nggomi!>>
5 Pala Isa wati cambena kone sampu'u rau, ndad̄ina la Pilatus mbora akana.
Isa Al Masih b̄ab̄u kai hukuman made
15:6-15
6 D̄i sanikina ainaina Aruraja Paskah, ranginakai b̄a la Pilatus nahoriku sab̄ua dou ra bui b̄une ra raho b̄a dou mamboto. 7 Wakatu ede wara sab̄ua dou ma ngara la Barabas ra bui sama-sama lab̄o pila-pila dou ma baronta. Siad̄oho wa'ura hadena dou ade ngango ro ngora ede. 8 Mboto dou makab̄oro weki narahoku d̄i la Pilatus loakud̄u sia hori weana sab̄ua dou rabui b̄une ra nginakai. 9 So^di b̄a la Pilatus d̄i siad̄oho, <<Sab̄ua nggomid̄oho mane'e, loakud̄u nahu ^dimahori sangaji dou Yahudi ake?>> 10 B̄ara la Pilatus nab̄adeku b̄a one dou-dou mana'ekai imam ^donggokaina Isa d̄i sia b̄ara hiana adena.
11 Pala dou-dou mana'ekai imam sa^du'una dou mamboto loakud̄u rahona d̄i la Pilatus hori la Barabas d̄i ru'u b̄a siad̄oho. 12 Ndad̄i nggahi wali la Pilatus d̄i dou mamboto ede, <<Nggara ndedesi, auku d̄ipab̄ua karawi b̄a nahu d̄i dou rapehe b̄a nggomid̄oho kai sangaji dou Yahudi ake?>>
13 Siad̄oho kanggicana, <<Salibpu Sia!>>
14 <<Pala auku rawi-Na ma'iha ro mada^bae?>> So^di b̄a Pilatus.
Edempara siad̄oho nanaha kanggica kana'e, <<Salibpu Sia!>>
15 B̄ara la Pilatus nane'e kasana wea ade dou mamboto ede, edempara hori b̄a sia la Barabas d̄i ru'u b̄a siad̄oho.Ndad̄i sia kauna dou cambo Isa Al Masih, edempara d̄onggona Isa d̄i tentara-tentara ro kauna salib.
Tentara-tentara kasungge-sunggena Isa Al Masih
15:16-20
16 Edempara Isa Al Masih wa'a b̄a tentara-tentara aka kanto pangadilan d̄i asi gubernur, ro ou sara'ana tentara ro kauna kab̄oro weki. 17 Edempara kakanikai b̄a siad̄oho d̄i Isa jumba keta, ro ndawina songko sangaji kai humpa rui, sawa'u b̄a ede kinana d̄i tuta Isa. 18 Sawa'u b̄a ede siad̄oho mbeina salam d̄i Sia, <<Io Sangaji dou Yahudi!>> Nggahi siad̄oho. 19 Siad̄oho ^boena tuta Isa kai tiki, ro katufena Sia, nemba ro sujuna d̄i tando Isa. 20 Sawa'u b̄a kasungge-sunggena Isa, siad̄oho runcuna jumba keta ede, ro kakani mbalina kai kani ro lombo ndai-Na. Sawa'u b̄a ede siad̄oho wa'a kalosana Sia, loakud̄u d̄isalib.
Isa Al Masih d̄isalib
15:21-32
21 D̄i woha ncai siad̄oho eda angina lab̄o sab̄ua dou mangara la Simon dou Kirene – ama la Aleksander lab̄o la Rufus. La Simon ede b̄oupu dulana ari mai b̄a kota, ro siad̄oho kau pakasana la Simon tundu salib Isa Al Masih. 22 Isa lao wa'a b̄a siad̄oho aka sab̄ua hid̄i ngarana Golgota, aona <<Hi^di Rangka.>> 23 Ta ede siad̄oho nane'e mbei d̄i Isa oi anggo ra campo lab̄o ^dupa, pala Isa wati ne'ena nono anggo ede. 24 Sawa'u b̄a ede siad̄oho salibna Sia, ro cengga-cenggana kani ro lombo Isa kai undina d̄i katantukai cou ^dimarakana ru'u cua-cua ndaina. 25 Wakatu salibkai Isa ede ndad̄ina d̄i aimasi^di ^boe ciwi. 26 Ta ese salib-Na wara ratunti mab̄oha b̄ab̄u ro lo'o d̄i Isa, eded̄u: <<Sangaji Dou Yahudi>>. 27 Ma sama-sama lab̄o Isa, siad̄oho salib rauna d̄ua dou parampo; sab̄ua dou ta wela wana-Na ro sab̄ua dou wali ta wela ku'i-Na. 28 Kai ndedena nda^dira b̄une ra tunti ade Kitab Suci eded̄u: <<Sia rawi'ikai b̄a dou eded̄u sab̄ua dou d̄i ade weki dou-dou mada^bae.>>
29 Dou-dou ma lampa sai hid̄i ede nawiri-wiriku tutanaz ro kasungge-sunggena Isa. Nggahi siad̄oho, <<Oe, Nggomi ma ne'e ^dumba Bait Allah ro mane'e tu'u mbalina ade tolu nai. 30 Londora ra d̄i salib ede ro kasalamapu weki ndai-Mu!>>
31 Ndede rau dou-dou mana'ekai imam ro ahli-ahli Taurat kasungge-sunggena Isa Al Masih. Siad̄oho nggahina d̄i sab̄ua lab̄o ma kalaina, <<Sia nakasalamaku dou makalai, pala weki ndai-Na wati loana kasalama! 32 Nggara podasi Sia sangaji Israel, Sangaji ma mbei salama, tahopu ake Sia londona ra d̄i salib ede, loakud̄u eda ro imbi b̄a nami!>>
Dou-dou ra salib sama lab̄o Isa Al Masih ede rau kasungge-sunggena Isa.
Madena Isa Al Masih
15:33-41
33 Wakatu mbolo ninu, tolu jam ntoina sara'a dana ro rasa ede ndad̄i rindi. 34 Ro wakatu ^boe tolu aimambia, Isa Al Masih kanggicana kai eli ma na'e, <<Eloi, Eloi, lama sabakhtani?>> Ede aona, <<Io Allah Ta'ala-Ku, Io Allah Ta'ala-Ku, b̄ab̄auku Ita tu'u wi'ikai-Mu Mada?>>
35 Pila-pila dou ma wara d̄i hid̄i ede ringana eli kanggica ede, ro nggahina, <<Kade'epu, Sia ouna la Elia!>> 36 Sab̄ua dou d̄i ade weki siad̄oho lao weha rocina wunta ^bunga ma pahuna b̄une wolo ra kandole, ro ^detana d̄i ade anggo ngonco. Sawa'u b̄a ede cakina kai sumpu haju, edempara ^dahina d̄i wiwi Isa, ro nggahina, <<Mai ndai tangenaku ro tatioku, sab̄ua nabi Elia namai kalondoku Sia ra d̄i salib ede.>>
37 Edempara Isa Al Masih kanggicana, ro madena.
38 Satampa ra tero d̄i ade Bait Allah ncipa d̄ua ratampu'u ta ese salalo awana. 39 Perwira ma ki^di d̄i tando salib ede, edana b̄uneku madenaa Isa. Nggahi Perwira ede, <<Poda romo Dou ake Ana Allah!>>5
40 Ta ede wara rau pila-pila dou siwe ma wunga ntanda sando'o sara'ana mandad̄i ede. D̄i ade wekina ede wara la Salome, la Maria Magdalena, ro la Maria ina la Yakub to'i ro la Yoses. 41 Siad̄oho eded̄u dou-dou siwe ma b̄atu ro mabantu Isa Al Masih aipu Sia warana d̄i Galilea. Ro mboto rau dou-dou siwe makalai ta ede ma ramai ra d̄i Yerusalem sama-sama lab̄o Isa.
Umbukai Isa Al Masih
15:42-47
42-43 Sara'ana ede ndad̄ina sawatipu b̄a ainaina Sabat, wakatu ne'era nga^di ai mai la Yusuf dou Arimatea. Sia anggota Mahkama Agama nalia ro horomaku b̄a dou. Sia rau wunga ngenana Karaja'an Allah. La Yusuf kadisana weki mai satando la Pilatus ro rahona timba Isa Al Masih. 44 La Pilatus mbora akana ringa b̄a one Isa nawa'ura made. Ndad̄i, sia kauna dou lao ou dou mana'ekai tentara ro sod̄ina d̄i sia sab̄ua Isa poda wa'ura made. 45 Sawa'u b̄a ringana au ra ngoa b̄a perwira ede, la Pilatus kauna la Yusuf weha timba Isa. 46 Edempara la Yusuf welina salolo kaen linen ma alu ro sawa'u b̄a kalondona timba Isa, sia salolona timba Isa kai kaen ede. Sawa'u b̄a ede karu b̄a sia timba ede d̄i ade sab̄ua rade ra ngari ade doro wadu. Sawa'u b̄a ede kiri b̄a sia sab̄ua wadu na'e ^di^bontokaina rade ede. 47 Wakatu ede la Maria Magdalena ro la Maria ina la Yoses tio kab̄aena hid̄i rakarukai timba Isa.