Isa Al Masih mori mbalina
28:1-10
28
Wakatu wa'ura kalalo ainaina Sabat, d̄i ainaina Ahad subu, la Maria Magdalena ro la Maria ma kalai lao tiona rade ede. 2 We^di lalo mpa mai epu ma na'e poda b̄ara wontu mala'eka Ruma ma ralondo ra d̄i saroga ro kirina wadu ra ^bontokai rade ede, ro dohona ese wawo wadu ede. 3 Pahu mala'eka ede b̄une kakila ai, ro kani ro lombona nawancuku lantana. 4 Tentara-tentara ma tonggu rade ede na'ipiku dahuna, ndad̄ina siad̄oho ^bi^bi ro ma^buna d̄i dana b̄une dou ma made.5 Nggahi mala'eka ede d̄i dou-dou siwe ede, <<Aina dahu! Nahu ka^badeku nggomid̄oho mangupa Isa ra salib ede. 6 Sia watid̄u warana ta ake. Sia nawa'ura mori mbali b̄une ra wa'u nggahi-Na ntoina. Mai tiopu hid̄i ra karukai Sia. 7 Ake, lao ngoa rocipu d̄i anamori^doho-Na, <Sia nawa'ura mori mbali, ro ake nawa'ura lao ulu aka Galilea. Ta aka nggomid̄oho d̄ima'eda angi lab̄o Sia!> Kawarapu au ra nggahi b̄a nahu d̄i nggomid̄oho.>>
8 Dou-dou siwe ede rociku tu'u wi'ina rade ede. Kai neo adena campo lab̄o dahu, siad̄oho rai ro lao ngoana lampa rawi ede d̄i anamori Isa.
9 We^di lalo mpa Isa mai rakana dou-dou siwe ede, ro nggahi-Na, <<Salam!>> Edempara siad̄oho mai rakana Sia, sawa'u b̄a ede pohuna ed̄i Isa ro nembana Sia. 10 <<Aina dahu!>> Nggahi Isa d̄i siad̄oho, <<Lao ngoapu cina ro angi Nahu loakud̄u siad̄oho laona aka Galilea; ta aka siad̄oho d̄ima'eda angi lab̄o Nahu.>>
Mahkama Agama nuntu cowana
28:11-15
11 Dou-dou siwe ede wunga ade lampa ro laokaina, tentara-tentara ma tonggu rade ede lao mbalina aka kota, ro ngoana d̄i dou-dou mana'ekai imam samenana ma wa'ura nda^di. 12 Dou-dou mana'ekai imam ede mafakana lab̄o dou-dou ma tuakai Yahudi, edempara mbeina piti ma mboto d̄i ru'u b̄a tentara ma tonggu rade ede, 13 ro nggahina, <<Nggomid̄oho pab̄uapu nggahi b̄a one anamori Isa ma mai mpangana timba Isa wakatu aimangad̄i wunga maru nggomid̄oho. 14 Nggara ringasi b̄a gubernur lampa rawi ede, nami ^dimasiwina loakud̄u nggomid̄oho wati rakamu susa au-au.>>
15 Edempara tentara ma ratonggu rade ede wehana piti ede ro kalampana b̄une ra kaukai d̄i siad̄oho.B̄ara ndedena carita ede mbuipu warana d̄i ade woha dou Yahudi saraka ainaina ake.
Isa Al Masih katadana weki d̄i anamorid̄oho-Na
28:16-20
16 Sampuru sab̄ua anamori Isa ede, laona aka doro to'i d̄i Galilea b̄une ra parentakai b̄a Isa d̄i siad̄oho. 17 Wakatu eda b̄a siad̄oho Isa ta aka, siad̄oho suju ro nembana Sia. Pala wara d̄i ade weki siad̄oho ma mbali mbua ade. 18 Isa mai ^denina d̄i siad̄oho, ro nggahina, <<Samenana kuasa aka saroga ro ara dunia wa'ura d̄onggo d̄i Nahu. 19 Bara ndedena laopu aka sara'a suku bangsa d̄i sara'a dunia, kanda^dipu siad̄oho ndad̄i anamori-anamori Nahu. Kandeu saranipu siad̄oho kai ngara Ama, Ana, ro kai Roh Allah. 20 Teipu siad̄oho loakud̄u b̄atu ro to'ana d̄i samenana au ra wa'u parentakai b̄a Nahu d̄i nggomid̄oho.Ro kawarapu Nahu ^dimad̄anda ro wa'a nggomid̄oho ncau sampe cumpukai dunia.>>