Isa Al Masih nuntu ro nggahina mab̄oha ndumba Bait Allah
24:1-2
24
Wakatu Isa tu'u wi'ina Bait Allah, anamorid̄oho-Na mai rakana Sia ro turuna Bait Allah ede. 2 Nggahi Isa d̄i siad̄oho, <<Sab̄ua ma'edaku b̄a nggomid̄oho samenana ede? D̄i ^badekai b̄a nggomid̄oho, wati wara kone sab̄ua wadu rau d̄i Bait Allah ede ^dimangge'e sadundu weki d̄i hi^dina. Sara'ana ^di^dumba.>>Mab̄oha susa ro ncoki
24:3-14
3 Edempara Isa laona aka doro to'i Zaitun ro Sia wunga dohona, anamorid̄oho-Na mai rakana Sia ro nane'e nuntu lab̄o Sia. Nggahi siad̄oho d̄i Isa, <<Ta ngoa to'ipu d̄i madad̄oho b̄une aiku ndumbana Bait Allah ede ro auku tandana ^di^badekai wakatu maikai Ita ro cumpukai jaman?>>
4 Cambe b̄a Isa, <<Aina kabare, ai to'ina nggomid̄oho b̄ohakai b̄a tipu. 5 B̄ara mboto dou d̄imamai kai wa'ana ngara Nahu ro nanggahiku, <Nahuku Sangaji Makasalama!> Siad̄oho ^dimakasantuda mboto dou. 6 Nggomid̄oho d̄imaringa eli lewa ro laka atao ringamu haba lewa ro laka, pala aina dahu. B̄ara lampa rawi ede pab̄uaku ^dimanda^di. Pala ede laina wakatuna kiama. 7 Bangsa ma sab̄ua ^dimalewa lab̄o bangsa ma kalaina, ro negara ma sab̄ua d̄imamai dei negara ma kalaina. Ta b̄e-b̄e ^dimawara bala hid̄o ro epu. 8 Sara'ana ede ampodena tampu'u, b̄unesi pili ra'iu b̄a dou siwe ma wunga ne'e nggana.
9 Edempara nggomid̄oho ^diwa'u ro leto ro ^diwa'a b̄a dou, ^dikancoki ro ^dihade. Sara'a dunia wati ^dimaca'u nggomid̄oho b̄ara nggomid̄oho anamori Nahu. 10 D̄i wakatu ede mboto dou ^dimamurtad ro nacua-cua kama^bu angi ro nacua-cua daca'u angi. 11 Mboto nabi-nabi palasu ^dimawontu, ro natipuku dou mamboto. 12 Karawi madab̄ae nawancuku roci nggetena sampe mboto dou mawati^du loa meci ro ca'u angi wali. 13 Pala dou ma to'a sampe cumpukaina, ^dimasalama. 14 Injil d̄ingoa ro kahaba d̄i sara'a dunia, loakud̄u samenana dou ^dimaringana. Sawa'u b̄a ede ampona wontu kiama.>>
Rawi ma'iha ro dab̄ae ^dimakalelina
24:15-28
15 Sawa'u b̄a ede, Isa nggahi walina, <<Ndad̄i nggara nggomid̄oho ma'edasi patung berhala d̄i hid̄i ma raso, b̄une ra nggahi b̄a Nabi Daniel ntoina. Di ru'u b̄a dou-du ma baca, pab̄uaku tio kab̄ae auku aona. 16 Ndad̄i dou-dou ma wara aka Yudea pab̄uaku lao raina aka doro-doro. 17 Dou ma wara ese wawo b̄utu uma aina londo b̄a ne'ena weha au-au d̄i ade umana. 18 Dou ma wara aka omana aina mbali b̄a ne'ena weha jumbana. 19 Nawancuku samangikai ade ainaina ede, d̄i ru'u b̄a dou siwe ma na'e loko, ro ina ma mbuipu susu anana! 20 Do'apu loakud̄u wakatu nggomid̄oho wunga lao raimu ede ai to'ina wakatu oru b̄usi ai ro aina d̄i ainaina Sabat. 21 B̄a one d̄i wakatu ede d̄imandad̄i susa ro ncoki mana'e poda. Lampa rawi b̄une ede watipu parana ndad̄ina ra aipu saramba rakandad̄i dunia sampe wakatu ake, ro wati ^dimawara wali. 22 Nggara watisi kaporo b̄a Allah Ta'ala wakatuna ede, ndad̄i wati wara kone sab̄ua dou rau ^dimasalama. Pala b̄ara ela-Na, Allah Ta'ala nakaporoku wakatuna ede.
23 D̄i wakatu ede nggara warasi sab̄ua dou manggahi d̄i nggomid̄oho, <Tio, Sangaji Makasalama ede wara ta ake! Atao Sia wara ta aka, aina imbimu d̄i dou ede!> 24 B̄a one ^dimawontu sangaji-sangaji makasalama palasu ro nabi-nabi palasu. Siad̄oho nakarawiku lampa rawi ma heba poda ro lampa rawi ma b̄isa ro guna ^ditipukaina, loa ndad̄i rau ela Allah Ta'ala nahinaku b̄a tipu ede. 25 Ndad̄i, kawarapu! Nahu wa'ura ngoa uluku d̄i nggomid̄oho sawatipu b̄a ndad̄ina lampa rawi ede.
26 Nggara nggahisi b̄a dou d̄i nggomid̄oho, <Tiopu, Sangaji Makasalama wara ta aka d̄i so sarae!> – Nggomid̄oho aina laomu ta aka. Atao nanggahisi b̄a siad̄oho, <Tiopu, Sangaji Makasalama wunga cilina weki d̄i ^bili ta ake, aina imbimu!> 27 B̄a one sama b̄une santika taroa makakila masambura ma ramai ta wela elena saraka wela ^di-na, ndedeku Ana Manusia maina.
28 Ta b̄e rawarakai timba, ta ede rauku warakai nasi mataki ngaha timba.>>
Wakatu maikai Ana Manusia
24:29-31
29 Edempara Isa nggahi walina, <<Wati ntoina sawa'u b̄a susa ro ncoki wakatu ede, liro d̄imandad̄i rindi, ro wura watid̄u taroa walina. Ntara-ntara ^dimama^bu ro samenana makuasa ese woha ai d̄imambari mbura. 30 Sawa'u b̄a ede tanda Ana Manusia d̄imatada ese langi. D̄i wakatu ede sara'a bangsa d̄i dunia ^dimanangi. Siad̄oho d̄ima'eda Ana Manusia maina ese wawo apu kai kuasa ro d̄ese ro ntasa-Na ma na'e. 31 Sia ^dimakau losa mala'eka-mala'eka-Na ro kai ufina tarompe ma lingga poda ro mala'eka-mala'eka ede kab̄orona dou-dou ra ka^dale-Na d̄i sara'a sumpu langi.>>
Tana'o ra d̄i fu'u ara
24:32-35
32 <<Wehapu tana'o d̄i fu'u ara. Nggara sanga-sanga mpidana najao ro namapusi, ro natampu'usira ncurina, nggomid̄oho mab̄adeku b̄a one ^denira oru mpana ai. 33 Ndede rau nggara nggomid̄oho ma'edasi lampa rawi ede nda^dina, nggomid̄oho mab̄adeku b̄a one wakatuna na^deni podara.u 34 D̄i ^bademu! Lampa rawi-lampa rawi ede d̄imandad̄i sawatipu b̄a made sara'a dou-dou ma mori wakatu ake. 35 Langi ro dunia ^dimambora, pala nggahi ro eli Nahu ngge'e mpa santoi-ntoina.>>
Wati wara ma b̄ade ainaina ro wakatuna
24:36-44
36 Edempara Isa nggahi walina, <<Wati wara ma b̄adena b̄une aiku ainaina ro wakatuna ede nda^dikaina, mala'eka-mala'eka d̄i saroga wati, Ana Allah rau wati ^badena,v Ama mpoa mpa ma ^badena. 37 Nggara maisi Nahu, Ana Manusia peade, ka'ada'ana b̄une aipu jaman Nabi Nuh. 38 D̄i ainaina sawatipu b̄a mbere lino ede, dou-dou nangaha ro nono ro nanika. Ndede ncau-ncau sampe ainaina lu'ukai Nabi Nuh d̄i ade lopi. 39 Sawatipu wontu mbere lino ede ro hade sara'ana siad̄oho, siad̄oho wati b̄adena au-au. Ndedeku d̄imandad̄i wakatu maikai Ana Manusia. 40 D̄i wakatu ede, d̄ua dou ma wunga karawi aka omana: Sab̄ua dou ^diwa'a, ro sab̄ua dou ^diwi'i. 41 Dou siwe d̄uana ma wunga gili gandum: sab̄ua dou ^diwa'a, ro sab̄ua dou ^diwi'i. 42 Ndad̄i, aina kabare, b̄a one nggomid̄oho wati b̄ademu wakatu maikai Rumamu. 43 Kawarapu ake! Paina ^badesi b̄a dou ma ntau uma ^boe pila maina dou ma mpanga d̄i ai manga^di ede, sia wati pehena ^dimamaru, ro wati co'ona dou mampanga ede ma leka umana. 44 B̄ara ndedena, nggomid̄oho rau pab̄uapu ka'ambi weki. B̄a one Ana Manusia namai wunga dasanau nggomid̄oho.>>
Ada ma to'a ro ada ma wati to'a
24:45-51
(Mrk. 12:41-48)
45 Isa nggahi walina, <<Nggara ndedesi, ada dou ma b̄eku ma to'a ro maloa timba ro lemba? Sia edeku ^dihanta b̄a rumana ro d̄imandad̄i dou mana'ekai d̄i samenana ada dou ma kalai, loakud̄u sia mambei ngaha ro nono rakasira wakatuna. 46 Nawancuku neo adena ada dou ede nggara namai mbalisi rumana, ro edana sia ma wunga kalampa takina. 47 Imbipu, rumana ede na'imbikaiku sara'a ntau ro warana d̄i adana ede. 48 Pala nggara da^baesi adana ede, sia nanggahiku d̄ei adena. 49 Ruma nahu ahopu maina, edempara sia tampu'ura ^boena ada-ada ma kalai, ro nangaha ro nonoku lab̄o dou-dou ma mawu. 50 Palasi rumana ede mai mbalina d̄i ainaina ro wakatu ma wati rakana b̄ade b̄a sia. 51 Edempara ada ede kancoki kapodaw b̄a rumana sampe madena, ro pakina aka hid̄i dou-dou ma ca'u coro-coro. Ta aka siad̄oho ^dimanangi ro ^dimancoki iu.>>