Mab̄oha ainaina Sabat
12:1-8
12
D̄i sab̄ua ainaina, wakatu ede ainaina Sabat, Isa lampa saina oma gandum, anamorid̄oho-Na pokena gandum, edempara ngahana b̄ara hi^dona. 2 Wakatu eda b̄a dou-dou Farisi lampa rawi ede, siad̄oho nggahina d̄i Isa, <<Tiopu! Anamori^doho-Mu karawina ma wati loa d̄ikarawi d̄i ainaina Sabat.>>3 Cambe b̄a Isa, <<Sab̄ua watipu rabaca b̄a nggomid̄oho au ra karawi b̄a la Daud wakatu sia ro dou-dou mab̄atuna iuna hi^do? 4 Sia lu'una d̄i ade Uma Allah Ta'ala, edempara ngahana roti ra wa'u d̄onggo ro mbei d̄i Allah Ta'ala. Sapodakaina ^batusi hukum agama ndaita, sia ro dou-douna ede wati loana ngaha roti ede, selasi imam-imam mpa ma loana ngaha. 5 Atao watipu rabaca b̄a nggomid̄oho d̄i ade Kitab Taurat b̄a one sanikina ainaina Sabat imam-imam ma kalampa taki ro puta d̄i Bait Allah, siad̄oho sapana hukum Sabat, pala wati rakancara? 6 Kade'e kab̄aepu au ra nggahi b̄a Nahu ake: ta ake wara Dou ma ncewi na'e ntewikaisi Bait Allah. 7 D̄i ade Kitab Suci wara ratunti: D̄i ne'e b̄a Nahu, laina koroba binata, pala meci ro ca'u. Tantu nggomid̄oho wati hukummu dou ma wati wara ncara. 8 B̄a one Ana Manusia nantau kuasa d̄i ainaina Sabat.>>
Isa Al Masih katahona dou ma made ^binci rima d̄i ainaina Sabat
12:9-14
9 Sawa'u b̄a Isa tu'u wi'ina hid̄i ede, edempara laona aka sab̄ua uma sambea ro ibadakai. 10 Ta ede wara sab̄ua dou ma made ^binci sa^bae rimana. D̄i hid̄i ede wara pila-pila dou ma ne'e ngupa rawi ncara Isa, edempara siad̄oho sod̄ina d̄i Isa, <<Sab̄ua loa kataho dou d̄i ainaina Sabat?>>
11 Cambe b̄a Isa, <<Nggara warasi sab̄ua dou d̄i ade weki nggomid̄oho ma ntau sab̄ua jimba ro d̄i ainaina Sabat jimba ede ma^buna d̄i ade kancoa ma ^dei; sab̄ua dou ma ntau jimba ede wati usahana kalosa jimba ma mab̄u d̄i ade kancoa ede? 12 Manusia nancewi ntau co'i ntewikaisi jimba! Ndad̄i, nggara ndedesi, loa bantu dou d̄i ainaina Sabat.>> 13 Edempara nggahi Isa d̄i dou ma made ^binci sa^bae rimana ede, <<^Dalapu rimamu.>>
Dou ede ^dalana rimana, edempara rima dou ede ndad̄i taho b̄une rimana ma sa^bae. 14 Pala dou-dou Farisi tu'u wi'ina uma sambea ro ibadakai ede, edempara siad̄oho mafakana ne'e hade Isa.
Isa Al Masih eded̄u Ada Allah Ta'ala
12:15-21
15 Isa nab̄adeku b̄a one dou-dou Farisi ede wara niana madab̄aed̄i ru'u b̄a Sia. Ndad̄i Sia tu'u wi'ina hid̄i ede ro mboto dou ma b̄atu Sia. Edempara Sia katahona dou-dou ma supu. 16 Pala Sia kanta kapodana dou-dou ede ngoa dou makalai mab̄oha Sia. 17 Ade ndedekaina nda^dira au ra nggahi b̄a Allah Ta'ala kai ncai Nabi Yesaya,
18 <<Akeku dou ra nggadu ro ra kad̄ale b̄a Nahu,
Dou ra meci b̄a Nahu ro ra kane'ekai b̄a Nahu.
Nahu mambei Roh Nahu d̄i ru'u b̄a Sia,
Hukum-hukum Nahu ma adil d̄ingoa ro kahaba b̄a Sia d̄i bangsa-bangsa.
19 Sia wati ^dimacence atao
kanggica,
atao ma padato d̄i ncai-ncai
bari.
20 Mila ma mboko wati
^difoka-Na,
ilo ma kalea to'i wati
^dihade-Na.
Sia ^dimakapoda ade sampe
rakana lampa rawi ma adil;
21 Samenana bangsa
^dimawi'i weki d̄i Sia.>>
Isa Al Masih ro Beelzebul
12:22-32
22 Sawa'u b̄a ede wa'a b̄a dou d̄i Isa sab̄ua dou ma mbuda ro ma mpongi b̄ara kuasakai b̄a roh setan. Isa katahona dou ede, ndad̄ina dou ede naloa nuntu ro naloa eda. 23 Samenana dou mbora mena akana ro nggahina, <<Kombisi Sia ake ana la Daud ra wa'u sake ede.>>
24 Pala wakatu ringa b̄a dou-dou Farisi nggahi ede, cambe b̄a siad̄oho, <<Dou ake naloa katesa roh setan mpa, b̄ara Beelzebul mana'ekaina roh-roh setan wa'ura mbeina kuasa d̄i Sia.>>
25 Isa nab̄adeku fiki ro kananu dou-dou Farisi ede. Ndad̄i nggahira Sia d̄i dou-dou Farisi ede, <<Nggara sab̄ua negara atao kota atao uma ro salaja nancengga ro mbi'asi ro nacua mususi angi, sara'ana ede ^dimaleli. 26 Ndede rau d̄i ade karaja'an Iblis, nggara sab̄ua kalompo katesana kalompo ma kalai, edempara karaja'an Iblis ede nancengga-ncengga. Ndad̄i karaja'an Iblis ede ^dimaleli. 27 Nggomid̄oho nggahimu b̄a one Nahu makatesa roh setan kai kuasa Beelzebul. Nggara ndedesi kai kuasa couku anamori nggomid̄oho katesana roh setan? Anamori-anamori ndaimu ma ndad̄i bukuti b̄a one nggomid̄oho ma ncara! 28 Pala Nahu katesaku roh setan kai kuasa Roh Allah. Ede aona Karaja'an Saroga nawa'ura mai d̄i nggomid̄oho.
29 Atao b̄uneku loana dou lu'u d̄i ade uma sab̄ua dou ma tenggo b̄a ne'ena weha rampa ntau ro wara, nggara watisi leto wa'u b̄a sia dou ma tenggo ede? Sawa'u b̄a ede, ampona loa weha rampa ntau ro warana.
30 Dou ma wati b̄atu Nahu sapodakaina sia wati ca'u podana Nahu. Ro dou ma wati bantu Nahu, sapodakaina naka'ihaku karawi Nahu! 31 B̄ara ndedena, Nahu manggahi d̄i nggomid̄oho, nggara dou nakarawisi dosa ro kab̄awa ro katunana,j dou ede loapu ^dikangampu wea, pala nggara nakasungge-sunggesi Roh Allah, sia wati loa ^dikangampu! 32 Nggara dou ede nanggahisi au-au ^didaca'u b̄a Ana Manusia, sia ede loapu ^dikangampu wea, pala nggara sia nakab̄awa ro katunasi Roh Allah, sia wati loa ^dikangampu, nataho wakatu ake ro d̄i ainaina ma kento!>>
Fu'u haju lab̄o wua-wuana
12:33-37
(Luk. 6:43-45)
33 Sawa'u b̄a ede Isa nggahi walina, <<^Diloakaimu raka wua haju ma taho, tantu b̄ara fu'u haju ede taho rau. Nggara watisi taho fu'una, tantu wua rauna wati tahona. Taho ro watina sab̄ua fu'u haju mab̄adeku d̄i wuana. 34 Nggomid̄oho dou dab̄ae, b̄uneku loamu renta nggahi ro eli ma taho, nggara ndai nggomid̄oho dou ma da^bae? B̄a one au ra renta b̄a asa ra losana d̄ei ade! 35 Dou ma taho narentaku nggahi ro eli ma taho b̄ara sia b̄ini kai b̄a ma taho. Ndede rauku lab̄o dou ma dab̄ae narentaku nggahi ro eli ma dab̄ae b̄ara sia b̄ini kai b̄a rawi ma da^bae.
36 Ndad̄i, ^dikawara b̄a nggomi^doho: Sanikina dou ma renta nggahi ro eli ma wati wara onena pab̄uaku su'u ro tunduna d̄i wakatu ainaina kiama. 37 B̄ara nggahi ro eli ndai nggomid̄oho ede, ^dimakatantuna sab̄ua nggomid̄oho mancara atao wati.>>
Dou-dou Farisi rahona Isa Al Masih karawi ma b̄isa ro guna
12:38-42
38 Sawa'u b̄a ede ahli-ahli Taurat ro dou-dou Farisi nggahina, <<Guru, madad̄oho mane'e eda Ita karawi ma b̄isa ro guna.>>
39 <<Nawancuku dab̄ae ro duruhakana dou-dou jaman ake!>> Cambe b̄a Isa. <<Nggomid̄oho ma kau Nahu karawi ma b̄isa ro guna? Nggomid̄oho wati d̄imbei tanda ma b̄isa ro guna, selasi tanda b̄isa ro guna Nabi Yunus. 40 Nabi Yunus ngge'ena d̄i ade loko uta na'e tolu nai aimarai aimanga^di. Ndede rau Ana Manusia ^dimangge'e tolu nai aimangad̄i aimarai d̄i ade dana. 41 D̄i Ainaina Kiama, ela ro dou Niniwe ^dimamori mbali sama-sama lab̄o nggomid̄oho dou-dou jaman ake ro ma mbei sakasi ma katanina hukuman d̄i ru'u b̄a siad̄oho.B̄ara dou-dou Niniwe ede nawa'ura toba ra d̄i dosa-dosa siad̄oho wakatu ringa ro kade'ena hotoba Nabi Yunus. Pala ta ake wakatu ake wara ma ncewi na'e ntewikaisi la Yunus. 42 D̄i Ainaina Kiama, sangaji siwe ma ra mai ra d̄i dana ro rasa d̄i wela ^do-na ^dimamori mbali sama-sama lab̄o dou-dou jaman ake ro ma mbei sakasi ma katanina hukuman d̄i ru'u b̄a siad̄oho.B̄ara sangaji siwe ede wa'ura lampa ro laona ma ^dondo poda ra tampu'una aka sumpu dunia ^diringa ro kade'ekaina ngoa ro tei b̄a la Sulaiman ma loa timba ro lemba ede. Pala ta ake wakatu ake wara ma ncewi na'e ntewikaisi la Sulaiman!>>
Mai mbalina roh setan
12:43-45
(Luk. 11:24-26)
43 <<Nggara roh setan natu'u wi'isi sab̄ua dou, roh setan ede nalampa rero d̄i hid̄i-hid̄i ma mango d̄i ngupakaina hid̄i ^disanawakaina, pala sia wati rakana. 44 B̄ara ndedena nggahi sia, <Nahu d̄imalao mbali aka uma ra tu'u wi'i b̄a nahu.> Wakatu roh setan ede ronggana ta aka, sia edana uma ede caru raso ro mocina. 45 Edempara sia laona ro recena pidu roh setan ma kalai ma ncewi dab̄ae ntewikaisi sia. Sawa'u b̄a ede sara'a roh setan ede lu'u ngge'ena d̄ei dou ede. Ro cumpukaina ka'ada'an dou ede nancewi iha ro dab̄ae ntewikaisi sawatipu b̄a ede. Ede rauku d̄imandad̄i lab̄o dou-dou ma dab̄ae d̄i jaman ake.>>
Isa Al Masih, Ina lab̄o ari^doho-Na
12:46-50
46 Wakatu Isa mbuipu nuntuna lab̄o dou mamboto ede, maira ina lab̄o ari^doho-Na. Siad̄oho ki^dina ta ari lua ro ngupana ncai ^diloakaina nuntu lab̄o Isa. 47 Sab̄ua dou d̄i ade weki dou mamboto ede nggahina d̄i Isa, <<Guru, ina lab̄o ari^dohota wara ta ari lua. Siad̄oho nane'e eda angi lab̄o Ita.>>k