Mab̄oha mbei sadeka
6:1-4
6
Sawa'u b̄a ede, Isa nggahi walina, <<D̄ikawara b̄a nggomid̄oho, aina kalampamu au ra kaukai b̄a agama d̄i tando dou mamboto loakud̄u ^di'eda b̄a dou. Nggara makarawi ndedesi, nggomid̄oho wati d̄imaraka ufa d̄i Amamu ma wara d̄i saroga.2 Ndad̄i, nggara nggomid̄oho mambeisi sadeka d̄i ru'u b̄a dou mancoki mori, aina kambou reromu b̄une ra karawi b̄a dou-dou munafik. Siad̄oho naca'u karawi b̄une ede d̄i uma sambea ro ibadakai ro d̄i ncai-ncai bari, loakud̄u roi b̄a dou. ^Dikawara b̄a nggomid̄oho ede mpoa mpa ufa d̄iraka b̄a siad̄oho. 3 Pala nggara nggomid̄oho mambeisi sadeka, au ra ^karawi b̄a rima wanamu aina b̄ade b̄a rima ku'imu. 4 Co'opu au ra karawimu ede aina b̄ade b̄a cou-cou rau, selasi Amamu ma wara d̄i saroga. Sia d̄ima'eda au ra rawimu ma ili weki ede ro d̄imacola cepena rawimu ede.>>
Ngoa ro tei mab̄oha do'a
6:5-15
(Luk. 11:2-4)
5 Edempara nggahi Isa, <<Nggara nggomid̄oho mado'asi, aina do'amu b̄une dou ma ca'u coro-coro. Siad̄oho naca'u do'a saki^di d̄i uma-uma sambea ro ibadakai ro d̄i ncanggakai ncai loakud̄u ^di'eda b̄a dou. Nahu manggahi d̄i nggomi^doho: Sapodakaina ede mpoa mpa ufa d̄iraka b̄a siad̄oho.
6 Pala nggara nggomid̄oho mado'asi, lu'upu d̄i ade ^bili ro kempapu ncai ro do'apu d̄i Amamu ma wara d̄i hid̄i ma cili weki. Ndad̄i Amamu ma edana rawimu ma ili weki ede, Sia ^dimambeimu ufa.
7 Nggara nggomid̄oho mado'asi, aina ipi mboto nggahi b̄une dou-dou ma wati pata Allah Ta'ala. Kacai b̄a siad̄oho b̄ara ^dondo nggahi ro ra rentana d̄i ade do'a naringaku b̄a Ruma. 8 Ndad̄i nggomid̄oho aina b̄une siad̄oho, Amamu nawa'ura b̄ade au d̄iparalu b̄a nggomid̄oho, sawatipu raho b̄a nggomid̄oho. 9 Ndad̄i do'apu b̄une ake,
<Ama madad̄oho ma wara d̄i saroga:
Ita Ruma d̄inemba ro ngara Ita d̄ikad̄ese ro kantasa.
10 Ita Sangaji d̄i ru'u b̄a mada^doho.
Nda^dira au ra kane'ekai b̄a Ita d̄i dunia
b̄une d̄i saroga.
11 Tambei to'ipu d̄i madad̄oho
ngaha ro nono ma ncihi d̄i ru'u b̄a sanai ake.d
12 Takangampu to'ipu samenana ncara ro kancaru mada^doho,
b̄une madad̄oho rau mawa'ura kangampu wea
ncara ro kancaru dou d̄i mada^doho.
13 Aina co'ota madad̄oho b̄oha b̄a coba'an,
pala hori to'ipu madad̄oho ade kuasakai b̄a Iblis.
B̄a one ndai Ita Sangaji ma ntau kuasa ro ma d̄ese ro ntasa ru'u santoi-ntoina. Amin.
14 Nggara nggomid̄oho makangampu weasi ncara ro kancaru dou, Amamu ma wara d̄i saroga ^dimakangampu rau ncara ro kancaru nggomid̄oho. 15 Pala nggara nggomid̄oho watisi ngawamu kangampu wea ncara ro kancaru dou makalai, Amamu ma wara d̄i saroga wati ^dimakangampu wea ncara ro kancaru nggomid̄oho.>>
Ngoa ro tei mab̄oha puasa
6:16-18
16 <<Nggara nggomid̄oho mapuasasi, aina kamale pahumu b̄une dou ma ca'u coro-coro. Siad̄oho nandawiku pahuna loakud̄u b̄ade b̄a sara'a dou b̄a one siad̄oho wunga puasana. Nahu ma nggahi d̄i nggomi^doho: Sapodakaina ede mpoa mpa ufa d̄iraka b̄a siad̄oho. 17 Pala nggara nggomid̄oho mapuasasi, wacapu pahumu ro kaminapu honggomu, 18 loakud̄u wati wara dou ma b̄adena b̄a one nggomid̄oho wunga puasamu, selasi Amamu ma wati loa ^di'eda ede mpa ma ^badena. Sia na'edaku ruku ro rawi nggomid̄oho ma ili weki ede ro nambeiku ufa d̄i ru'umu.>>
Mab̄oha ntau ro wara d̄i saroga
6:19-21
(Luk. 12:33-34)
19 Sawa'u b̄a ede, Isa nggahi walina, <<Aina ka^boromu ntau ro wara d̄i dunia, d̄i dunia mosu ro roka d̄imaka'ihana ro dou ma mpanga d̄imamai mpangana. 20 Pala ka^boropu ntau ro wara d̄i saroga, mosu ro roka wati d̄imaka'ihana ro dou mampanga wati loana mai mpanga. 21 B̄a one ta b̄e rawarakai ntau ro waramu ta ede rauku warakaina fiki ro kananumu!>>
Taroa d̄i ru'u b̄a sarumbu
6:22-23
(Luk. 11:34-36)
22 <<Isi mada eded̄u ilo d̄i ru'u b̄a sarumbu. Nggara nataroasi madamu, ndad̄i sara'a sarumbumu nataroa poda. 23 Pala nggara nagawusi madamu, sara'a sarumbumu ndad̄i rindi ncaki. Ndad̄i narindisi ilo d̄i ade sarumbumu ede, nawancuku rindi ncakina rindi ede!>>
Allah Ta'ala ro mab̄oha ntau ro wara
6:24-34
24 Sawa'u b̄a ede Isa nuntu walina, <Wati wara kone sab̄ua dou rau maloa karawi d̄i ru'u b̄a d̄ua dou rumana. B̄a one nggara nakarawi ndedesi, sia na'ipipu mecina d̄i sab̄ua ntewikaisi lab̄o ma kalaina. Atao sia na'ipipu to'ana d̄i rumana ma sab̄ua ntewikaisi lab̄o ma kalaina. Ndede rauku nggomid̄oho, wati loamu karawi nggenta d̄i ru'u b̄a Allah Ta'ala lab̄o d̄i ru'u b̄a ntau ro waramu.
25 B̄ara ndedena, Nahu manggahi d̄i nggomi^doho: aina darura mab̄oha morimu eded̄u auku ^dingaha ro nonomu ro aina darura mab̄oha auku ^dikani ro lombomu. Sab̄ua wati b̄ade b̄a nggomid̄oho b̄a one mori nancewi penti ntewikaisi ngaha ro nono ro sarumbu nancewi penti ntewikaisi kani ro lombo? 26 Tiopu nasi-nasi ese woha ai. Nasi-nasi ede wati nggud̄a ro conggena, wati pakona ro wati kab̄oro rauna hasi nggud̄a ro conggena d̄i ade jompa. Pala nasi-nasi ede nantadiku b̄a Amamu ma wara d̄i saroga! Sab̄ua wati b̄ade b̄a nggomid̄oho b̄a one nggomid̄oho na'ipipu ntauna co'i ntewikaisi nasi-nasi ede? 27 Cousi d̄i ade weki nggomid̄oho b̄ara darurana ede naloa ka^dondo umuna kone samporo?e
28 ^Ba^bauku nggomid̄oho darurakaimu mab̄oha au ^dikani ro lombomu? Tio kab̄aepu ^bunga-^bunga bakung ma woko d̄i so ro serana. ^Bunga-^bunga ede wati karawina ro wati muna ro medina; 29 pala Nahu manggahi d̄i nggomid̄oho, kone Sangaji Sulaiman ma wancu ntau ro wara wati kanina kani ma ntika b̄une ^bunga-^bunga ede! 30 Mpori d̄i so ro sera ma woko d̄i ainaina ake ro naisi ^dika'a. Pala Allah Ta'ala ka^daha kantikana mpori ede. Au walipu nggomid̄oho, tantu Allah Ta'ala ^dimakakanina nggomid̄oho kai kani ma ncewi ntika! Pala nggomid̄oho kura imbimu! 31 Aina darura ro nggahimu, <Auku ^dingaha b̄a ndai,> atao <auku ^dinono b̄a ndai> ro <auku ^dikani b̄a ndai?> 32 Lampa rawi-lampa rawi b̄une ede ^dimpou b̄a dou-dou ma wati pata Allah Ta'ala. Sapodakaina Amamu ma wara d̄i saroga nab̄adeku b̄a one nggomid̄oho maparalu sara'ana ede. 33 Pala ngupa wa'upu Karaja'an Saroga ro au ra kane'ekai-Na. Ndad̄i sara'a ma kalaina d̄imbei b̄a Allah Ta'ala d̄i ru'umu. 34 B̄ara ndedena, aina daruramu d̄i ru'u b̄a naisi. B̄a one naisi waraku darura ndaina. Susa d̄i ru'u b̄a ainaina ake ncihi mpa d̄i ru'u b̄a ainaina ake ro aina sala'i walimu.>>