Dou-dou Farisi rahona Isa Al Masih karawi sab̄ua tanda ma^bisa ro guna
16:1-4
16
Wara pila-pila dou Farisi ro dou-dou Saduki mamai raka Isa ro nane'eku coba Sia. Siad̄oho rahona Isa karawi sab̄ua tanda ma^bisa ro guna ^dibukutikaina b̄a one Sia ramaina ra d̄i Allah Ta'ala. 2 Cambe b̄a Isa, <<Nggara nantampu'isira nci'i liro ro kala langi, nggomid̄oho manggahiku, <Taho ai ro liro.> 3 D̄i aimasi^di b̄ara kala langi ro ha^di ai, nggomid̄oho manggahiku, <Ainaina ake namaira ura.> Io, nggomid̄oho maloaku takasi ai ro liro kai edamu ka'ada'an langi, sapodakaina tanda-tanda jaman wati loamu takasi b̄a nggomi^doho!>> 4 <<Nawancuku dab̄ae ro duruhakana dou-dou jaman ake. Nggomid̄oho kaumu Nahu karawi b̄isa ro guna. Nggomid̄oho wati d̄imbei kone sab̄ua b̄isa ro guna rau: selasi b̄isa ro guna Nabi Yunus.>>Sawa'u b̄a nggahi ndedena, Isa Al Masih tu'u wi'ina siad̄oho.
Mab̄oha b̄uha dou-dou Farisi ro dou-dou Saduki
16:5-12
(Mrk. 8:14-21)
5 Wakatu anamori Isa ronggana ipa b̄ae b̄a ndano, siad̄oho ampona kawara weki b̄a one siad̄oho nefana wa'a roti. 6 Nggahi Isa d̄i siad̄oho, <<Aina kabare d̄i b̄uha dou-dou Farisi ro dou-dou kalompo Saduki.>>
7 Ringana nggahi ndede Isa, anamorid̄oho-Na nggahina d̄i sab̄ua lab̄o ma kalaina, <<Sia nggahi ndedekaina b̄ara ndai wati wa'ata roti.>>
8 Isa nab̄adeku au ra nuntu b̄a siad̄oho.Ndad̄i Sia nggahina, <<^Ba^bauku nggomid̄oho darurakaimu b̄a dawara roti? Nggomid̄oho kura imbimu! 9 Sab̄ua wati ngge'epu loamu ka'ao b̄a nggomid̄oho? Sab̄ua wati rakawara b̄a nggomid̄oho lima mbua roti ra to^be-to^be b̄a Nahu d̄i ru'u b̄a 5.000 dou? Pila wonca roti ma ncewi ra kab̄oro b̄a nggomid̄oho? 10 Atao pidu mbua roti d̄i ru'u b̄a 4.000 dou ede? Pila wonca roti mancewi ra kab̄oro b̄a nggomid̄oho? 11 ^Ba^bauku nggomid̄oho ngge'e mpa wati loamu ka'ao b̄a one Nahu manuntu lab̄o nggomid̄oho laina mab̄oha roti? Aina kabare d̄i b̄uha dou-dou Farisi ro dou-dou Saduki!>> 12 Wakatu ede ampo naloa ka'ao b̄a anamori Isa b̄a one Isa ngoana siad̄oho aina kabare d̄i b̄uha laina b̄uha d̄i ndawikai roti, pala mab̄oha ngoa ro tei b̄a dou-dou Farisi ro dou-dou Saduki.
Mangaku la Petrus mab̄oha Isa Al Masih
16:13-20
13 Isa laona aka dana ro rasa ^deni lab̄o kota Kaisarea Filipi. Ta ede Sia sod̄ina d̄i anamori^doho-Na, <<Ra nggahi b̄a dou, Ana Manusia ede cousi?>>
14 Cambe b̄a anamori^doho-Na, <<Wara ma nggahi la Yahya Mataki kandeu raso dou. Wara rau manggahi la Elia. Ma kalai walina manggahi la Yeremia, atao sab̄ua dou d̄i ade weki nabi-nabi.>>
15 <<Pala nggahi b̄a ndai nggomid̄oho, couku Nahu?>> So^di b̄a Isa d̄i siad̄oho. 16 Cambe b̄a la Simon Petrus, <<Ita Al Masih eded̄u Sangaji Makasalama, Ana Allah ma mori.>>
17 Nggahi Isa d̄i la Simon Petrus, <<Taho ro sanara nggomi, Simon ana la Yona, b̄ara laina manusia ma rangoa nggahi ede d̄i nggomi, malaisi Ama-Ku ma wara d̄i saroga!>> 18 Nahu manggahi d̄i nggomi, <<Nggomi Petrus eded̄u wadu taka ro ese wawo wadu taka ake Nahu d̄imatu'u ela Nahu, ma wati wa'u ^dikakoa kone b̄a kuasa made rau! 19 Nahu d̄imambei d̄i nggomi kunci Karaja'an Saroga. Au ra kantakai b̄a nggomi d̄i dunia, ^dikanta rau d̄i saroga. Ro au ra kancihi b̄a nggomi d̄i dunia, d̄ikancihi rau d̄i saroga.>>
20 Sawa'u b̄a ede Isa ngoa ro kawarana anamorid̄oho-Na loakud̄u siad̄oho wati ngoana cou-cou rau b̄a one Siaku Sangaji Makasalama.
Isa Al Masih ngoana mab̄oha susa ro ncoki-Na ro mab̄oha madekai-Na
16:21-28
21 Ratampu'u aipu wakatu ede, Isa ngoa kapodana d̄i anamori^doho-Na, b̄a one Sia pab̄uaku laona aka Yerusalem ro d̄ima'iu mboto susa ro ncoki d̄ikarawi b̄a dou-dou ma tuakaina, dou-dou mana'ekai imam ro ahli-ahli Taurat. Sia ^dihade, pala d̄i ainaina katolukaina Sia ^dikamori mbali.
22 Edempara la Petrus ra^bi wa'ana Isa d̄i kompena ro rojona Sia, <<Ruma, lampa rawi b̄une ede, aito'ina ndad̄i d̄i Ita!>>
23 Isa tambarina edempara nggahina d̄i la Petrus, <<Pesopu wekimu Iblis, aina wara ta ake! Nggomi tapa ncaumu Nahu. Fiki ro kananumu ede fiki ro kananu manusia, laina fiki ro kananu Allah Ta'ala!>>
24 Sawa'u b̄a ede Isa nggahina d̄i anamori^doho-Na, <<Dou ma ne'e b̄atu Nahu, pab̄uaku tu'u wi'ina au d̄iparalu b̄a weki ndaina, tundu salibna ro b̄atuna Nahu. 25 B̄ara dou ma ne'e kasalama morina, ^dimambora morina. Pala dou ma koroba morina d̄i ru'u b̄a Nahu, d̄imaraka salama. 26 Auku onena d̄i ru'u b̄a sab̄ua dou, nggara sara'a dunia ake ndad̄i ntauna pala sia mbora morina? Sab̄ua loasi mori ede ^dicepe kai au-au?
27 Wati ntoi walina Ana Manusia d̄imamai sama lab̄o mala'eka-mala'eka-Na kai kuasa Ama-Na. D̄i wakatu ede Sia d̄imacola cepe d̄i sanikina dou mancihi ncao lab̄o au-au ra karawina. 28 D̄i b̄ade b̄a nggomi^doho! D̄i ade weki nggomid̄oho ake wara ma wati ^dimamade, sawatipu b̄a edana Ana Manusia mamai katada weki-Na kai Sangajikaina d̄i ade d̄ese ro ntasa Allah Ta'ala.>>