Parenta Allah Ta'ala ro rawi rasa dou Yahudi
15:1-20
(Mrk. 7:1-23)
15
Pila-pila dou Farisi ro ahli-ahli Taurat ma ramai ra d̄i Yerusalem mai rakana Isa. Siad̄oho sod̄ina d̄i Sia, 2 <<^Ba^bauku anamori^doho-Mu sapakaina rawi rasa wa'i ro waro ndaita? Siad̄oho wati waca wa'una rima sawatipu b̄a ngahana!>>3 Cambe b̄a Isa, <<^Ba^bauku nggomid̄oho rau sapakaimu parenta Allah Ta'ala, b̄a ne'emu b̄atu rawi rasa ranginakai b̄a wa'i ro waromu? 4 B̄a one Allah Ta'ala nggahina, <Lia ro horomapu ama ro inamu,> ro <Cou-cou ma i'a ro ^ba'a ama ro inana, pab̄uaku d̄ihukum made.> 5 Pala nggomid̄oho mangoa ro teiku: Cou-cou manggahi d̄i dou matuana, <Au ma sapodakaina d̄imbei b̄a mada d̄i ru'u b̄a ama ro ina, wa'ura d̄onggo ro mbei b̄a mada d̄i Allah Ta'ala,> 6 ndad̄i dou ede watid̄u pab̄ua lia ro horoma dou matuana.n Ndad̄i b̄ara rawi rasa ra nginakai b̄a wa'i ro waromu ede, nggomid̄oho wati kandad̄i aumu nggahi ro eli Allah Ta'ala. 7 Oe, nggomid̄oho dou munafik! Ncihi poda au ra ngoa b̄a Ruma d̄i Nabi Yesaya mab̄oha nggomid̄oho eded̄u,
8 Dou-dou ede nembana
Nahu kai asa mpoana,
pala ade siad̄oho nad̄o'o d̄i Nahu.
9 Wati wara onena siad̄oho sambea ro ibadana d̄i Nahu,
b̄a one siad̄oho ngoa ro teina atoran ra ndawi b̄a manusia.> >>
10 Sawa'u b̄a ede Isa ouna dou-dou ro nggahina d̄i siad̄oho, <<Ringa ro kade'epu loakud̄u loamu ka'ao! 11 Au-au ma lu'u d̄i asa wati ^dimakanajisna dou ede; pala ma ralosa ra d̄i asana, edeku ma kandad̄ina dou ede najis.>>
12 Edempara anamori Isa mai ro nggahina d̄i Isa, <<Ita mab̄adeku b̄a one nggahi ro eli Ita ede nakamaiku iha ade dou-dou Farisi ede.>>
13 Cambe b̄a Isa, <<Sanikina nggud̄a ro congge ma wati ranggud̄a b̄a Ama-Ku d̄i saroga ^diwongge lab̄o amu-amuna. 14 Aina kandad̄i aumu dou-dou Farisi ede. Siad̄oho ede nambuda. Nggara dou ma mbuda mad̄anda ro wa'a dou ma mbuda, tantu d̄uana ede ^dimama^bu ade lapa.>>
15 Nggahi la Petrus, <<Guru, tangoa kab̄ae to'ipu ao ro ma'anana conto ro ibara ede d̄i mada^doho!>>
16 Cambe b̄a Isa d̄i siad̄oho, <<Sab̄ua nggomid̄oho rau wati ngge'epu loamu ka'ao? 17 Sab̄ua wati b̄ade b̄a nggomid̄oho, b̄a one au ma ralu'u ade asamu ^dimalu'u ade loko sawa'u b̄a ede ^dimalosa wali? 18 Pala ma losa d̄i asa, ramaina ta d̄ei ade; ro edeku ma kandad̄ina dou ede najis. 19 B̄a one ra ta d̄ei ade ra maikai fiki ro kananu madab̄ae, ma kandad̄ina dou hade angi, jina, karawi ma dab̄ae, mpanga, mambei sakasi cowa ro mafitina. 20 Lampa rawi-lampa rawi edeku ma rakamaina dou ede ndad̄i najis, ro laina b̄ara ngahana kai rima ma wati rawaca.>>
Imbi sab̄ua dou siwe Kana'an
15:21-28
(Mrk. 7:24-30)
21 Sawa'u b̄a ede, Isa tu'u wi'ina hid̄i ede ro laona aka dana ro rasa ma^deni lab̄o kota Tirus ro Sidon. 22 Sab̄ua dou siwe Kana'an maina d̄i Isa ro nggahina, <<Ana Daud, kasi to'ipu adeta d̄i mada! Ana siwe mada lu'ukai b̄a roh setan. Sia na'ipi podaku ncoki iuna.>>
23 Isa wati kone cambena nggahi dou siwe ede. Edempara anamori Isa mai rakana Sia ro rahona, <<Guru, takau to'ipu lao dou siwe ede. Sia nakangangoku ndai ro nab̄atu ntuwuku ndaita!>>
24 Cambe b̄a Isa, <<Nahu ranggadu d̄i ru'u b̄a bangsa Israel ma santuda mpa.>>
25 Dou siwe ede mai sujuna d̄i tando Isa ro nggahina, <<Tabantu to'ipu mada, Ruma.>>
26 Cambe b̄a Isa, <<Wati tahona wehamu ngaha ro nono ma sapodakaina d̄i ru'u b̄a d̄ambe-d̄ambe to'i ro mbeimu d̄i lako.>>
27 <<Ncihi romo, Ruma,>> cambe b̄a dou siwe ede, <<Pala lako rau nangaha sewi-sewi ma rama^bu d̄i meja rumana.>>
28 Edempara Isa nggahina d̄i sia, <<Ina, nawancuku ^deina imbimu! Nda^dira ^bunera kane'ekai b̄a ita!>> Wakatu ede wa'u taho lalo ana siwe dou ede.
Isa Al Masih katahona mboto dou masupu
15:29-31
29 Isa tu'u wi'ina hid̄i ede, edempara lampa b̄atuna kengge ndano Galilea. Sawa'u b̄a ede Sia tekana sab̄ua doro to'i, edempara dohona ta ede. 30 Mboto dou ma mai d̄i Isa ma wa'a dou-dou ma mpako ro mpedu, ma mbuda, ma made ^binci, ma mpongi ro mboto wali dou ma supu ma kalai. Siad̄oho wi'ina dou-dou ede d̄i tando Isa ro Sia katahona supu dou-dou ede. 31 Ndad̄i dou mamboto ma wara d̄i hid̄i ede nawancuku mbora akana wakatu eda b̄a siad̄oho dou ma mpongi naloa nuntu, dou ma mpako ro mpedu nataho, dou ma made ^binci naloa lampa ro dou ma mbuda naloa eda. Edempara siad̄oho roi ro wadina Allah Ta'ala.
Isa Al Masih mbeina ngaha 4.000 dou
15:32-39
(Mrk. 8:1-10)
32 Sawa'u b̄a ede Isa ouna ana mori^doho-Na, edempara nggahina, <<Nahu kasi adeku d̄i dou mamboto ake, wa'ura tolu nai siad̄oho sama-samana lab̄o Nahu ro ake siad̄oho wati ntauna ngaha ro nono. Nahu wati ne'eku co'o siad̄oho dula kai loko ntaru, pea siad̄oho nambisa d̄i woha ncai.>>
33 Edempara anamori Isa sod̄ina d̄i Sia, <<^Buneku ^diloakai raka b̄a ndaita ngaha ro nono d̄i rasa ma d̄o'o b̄une ake, d̄i ru'u b̄a dou mamboto b̄une ake?>>
34 <<Wara pila mbua roti d̄i nggomi^doho?>> So^di b̄a Isa^di siad̄oho.
<<Io pidu mbua,>> cambe b̄a siad̄oho, <<Wara rau pila-pila tembe uta to'i-to'i.>>
35 Edempara Isa kauna dou mamboto ede doho d̄i wawo dana. 36 Sawa'u b̄a ede Sia wehana pidu mbua roti ro uta ede, edempara rentana syuku d̄i Allah Ta'ala. Sawa'u b̄a ede Sia to^be-to^bena roti ro uta, edempara mbeina d̄i anamori^doho-Na. Ro siad̄oho cengga-cenggana d̄i dou mamboto ede. 37 Samenana dou ede ngahana sampe mbocuna. Sawa'u b̄a ede anamori Isa kab̄orona ngaha ro nono ma ncewi ede. Sara'ana wara pidu wonca ^bini. 38 Dou mone ma ngaha wakatu ede wara 4.000 dou, watipu reke dou siwe ro d̄ambe-d̄ambe to'i.
39 Sawa'u b̄a ede Isa kauna dou mamboto ede dula. Ndai Sia ne'ena sampa lao aka dana ro rasa Magadan.