Madena la Yahya Mataki kandeu raso dou
14:1-12
14
Wakatu ede Herodes, makuasakai dana ro rasa Galilea, ringana haba mab̄oha Isa. 2 Nggahi Herodes d̄i dou-douna ma na'e ^bora, <<Tantu la Yahya Mataki kandeu raso dou ma wa'ura mori mbali! B̄ara ndedena Sia ntaukaina kuasa dikarawikaina lampa rawi ma^bisa ro guna.>>3 B̄a one sawatipu b̄a ede Herodes kauna wa'u ro leto la Yahya, edempara kalu'una d̄i ade uma bui. Herodes karawi kandedekaina b̄ara masa'ala la Herodias, wei arina, la Filipus. 4 La Yahya parana rojona Herodes, <<Ita, wati loamu nika lab̄o la Herodias!>> 5 Sapodakaina Herodes nane'eku hade la Yahya, pala sia nadahuku d̄i dou mamboto, b̄ara siad̄oho nawi'ikaiku la Yahya ede eded̄u nabi.
6 Wakatu Herodes katu'una rawi ndiha d̄i ainaina rawarakaina, ana siwe la Herodias tarina d̄i tando dou-dou ma mai d̄i acara ede. Tarina ede nawancuku kasana weana ade Herodes, 7 ndad̄ina Herodes sakena d̄i sia kai sumpa b̄a one au-au rau d̄ine'ena raho b̄a ana dou siwe ede, sia ^dimbeina.
8 Ndad̄i sawa'u b̄a sa^du'u b̄a inana, dou siwe sampela ede nggahina, <<Mada kane'e tuta la Yahya Mataki kandeu raso dou d̄i wakatu ake wa'u ra tau d̄i wawo tare!>>
9 Ringana au ra raho ede, Herodes ndad̄i ncoki poda adena. Pala sia wa'ura sumpana d̄i tando tamu-tamuna, sia parentana loakud̄u au ra raho b̄a dou siwe sampela ede ^dimbei. 10 Sia kauna dou lao d̄i uma bui ro fati kakori tuta la Yahya. 11 Sawa'u b̄a ede tuta la Yahya wa'a kalu'u b̄a dou kai tare ro d̄onggona d̄i dou siwe sampela ede. Edempara dou siwe sampela ede lao wa'ana aka inana. 12 Sawa'u b̄a ede anamori-anamori la Yahya mai wehana timba la Yahya ro umbuna. Edempara siad̄oho lao ngoana au mandad̄i ede d̄i Isa.
Isa Al Masih mbeina ngaha 5.000 dou
14:13-21
13 Wakatu ringa b̄a Isa haba ede, Sia ne'ena sampa ro tu'u wi'ina hid̄i ede, sia nane'e lao aka sab̄ua hid̄i ma lingi. Pala wakatu ringa b̄a dou-dou mab̄oha lampa rawi ede, siad̄oho tu'u wi'ina kota-kotana ro lao b̄atuna Isa kai lampa e^dina. 14 Wakatu Isa londona d̄i sampa ro edana dou mamboto ede, Sia kasi adena d̄i siad̄oho.Edempara Sia katahona dou-dou ma supu d̄i ade weki siad̄oho.
15 D̄i aimambia, anamori-anamori Isa Al Masih mai rakana Sia ro nggahina, <<Ake, nambiara ai ro hid̄i ake d̄o'o lab̄o rasa. Takau to'ipu lao doud̄oho ede, loakud̄u rakana weli ngaha ro nono d̄i rasa-rasa.>>
16 Pala nggahi b̄a Isa, <<Doud̄oho ede, aina kau lao, nggomi^dohoku ma mbeina ngaha siad̄oho.>>
17 Cambe b̄a anamori Isa, <<Ma wara d̄i madad̄oho lima mbua roti lab̄o d̄ua tembe uta mpa!>>
18 Nggahi Isa,<<Mai wa'a ca'arapu ede!>> 19 Sawa'u b̄a ede kauna dou mamboto ede doho ese wawo mpori. Edempara Sia wehana lima mbua roti lab̄o d̄ua tembe uta ede, sawa'u b̄a ede ^dongana langi, edempara rentana syuku d̄i Allah Ta'ala. Sawa'u b̄a ede Sia to^be-to^bena roti ede ro mbei-Na d̄i anamorid̄oho-Na loakud̄u ^dicengga-cengga d̄i ru'u b̄a dou mamboto ede. 20 Sara'a doud̄oho ede ngaha sampe mbocuna. Sawa'u b̄a ede anamori-anamori Isa kab̄orona ngaha ro nono ma ncewi wara sampuru d̄ua wonca ^bini. 21 Ma ngaha wakatu ede wara takasi 5.000 dou mone, watipu reke dou siwe ro d̄ambe-d̄ambe to'i.
Isa Al Masih lampana ese wawo oi
14:22-33
22 Sawa'u b̄a ede Isa kauna anamorid̄oho-Na ne'e sampa ro lao ulu ipa b̄ae b̄a ndano, b̄a one Sia makau dula wa'u dou mamboto ede. 23 Sawa'u b̄a dula dou mamboto ede, Isa tekana doro to'i ro nane'e sambea kese-Na. Wakatu wa'ura nga^di ai, Isa mbuipu warana d̄i hid̄i ede. 24 Wakatu ede sampa ra ne'e b̄a anamori Isa, nawa'ura d̄o'o d̄ei woha ndano. Sampa ede nawa'ura tere-tere b̄ara ^boe b̄a balumba ro angi na'e. 25 Wakatu ede takasi ^denira subu, Isa mai rakana siad̄oho, Sia lampana ese wawo oi. 26 Wakatu eda b̄a anamorid̄oho-Na Sia malampa ese wawo oi, siad̄oho nawancuku we^dina. Edempara siad̄oho kanggica menana b̄ara dahuna ro nggahina, <<Henca!>>
27 Pala Isa cambe lalona d̄i siad̄oho, <<Midira! Nahu Isa. Aina dahu!>>
28 Edempara la Petrus nggahi kana'ena, <<Ruma, nggara podasi Ita, kaupu mada lao raka Ita, lampa ese wawo oi.>>
29 <<Maira,>> cambe b̄a Isa. Ndad̄i la Petrus londona d̄i sampa ede, edempara lampana ese wawo oi ro lao rakana Isa. 30 Pala wakatu iu b̄a la Petrus b̄a one nawancuku na'e angi d̄i ndano ede, sia dahu adena edempara sia tampu'ura mimina. <<Ruma, bantu to'ipu mada!>> Kanggicana.
31 Isa roci ^dalana rima-Na, nentina sia ro nggahi-Na, <<Petrus, Petrus, nggomi ake kura imbimu. ^Ba^bauku nggomi mbali mbuakai ademu d̄i Nahu?>>
32 Edempara Isa ro la Petrus ne'ena ese sampa ede ro angi rau dengga lalona. 33 Ndad̄i sara'a anamori Isa suju ro nembana Sia. Nggahi siad̄oho, <<Poda, Ita Ruma eded̄u Ana Allah!>>m
Isa Al Masih katahona dou-dou masupu d̄i Genesaret
14:34-36
(Mrk. 6:53-56)
34 Wakatu siad̄oho ronggara ipa b̄ae b̄a ndano, siad̄oho la^buna aka Genesaret. 35 Wakatu eda b̄a dou-dou ta ede b̄a one ma mai ede Isa, siad̄oho ngoa rerona haba ede d̄i sara'a dana ro rasa d̄i kompe ro pei kota ede. Edempara samenana dou masupu wa'a b̄a dou d̄i Isa. 36 Ro siad̄oho raho poda-podana d̄i Isa loa to'ina tudu sumpu jumba-Na, kone b̄a sumpu mpoana. Edempara sara'a ma tuduna ndad̄i taho.