Conto ro ibara mab̄oha dou ma pari d̄ei
13:1-9
13
D̄i ainaina ede wa'u, Isa tu'u wi'ina hid̄i ede, edempara laona aka kengge ndano ro dohona ta aka. 2 Ndad̄i mboto poda dou ma mai kab̄oro weki d̄i kompe Isa, b̄ara ndedena Sia ne'ena sampa ro dohona d̄i sampa ede, pala dou mamboto ede ki^di menana d̄i kengge ndano. 3 Edempara Isa ngoa ro teina mboto lampa rawi d̄i siad̄oho kai kanina conto ro ibara. Nggahi Sia,<<Wara sab̄ua dou makanggihi ma lao pari ^dei. 4 Wakatu dou ede parina ^dei, d̄ei ede wara ma mab̄u d̄i ncai. Edempara mai nasi ro ngaha kampoina d̄ei ede. 5 Wara rau ma mab̄u d̄i hid̄i mbotokai wadu, danana sato'i mpa. Edempara ^dei-d̄ei ede roci wokona b̄ara wara dana sato'i ede. 6 Pala wakatu tampu'ura pana liro, woro-woro d̄ei ede tampu'ura malena, sawa'u b̄a ede mango ro made b̄ara wati ipi d̄ei amuna. 7 Sarunde walina, wara rau d̄ei ma mab̄u d̄i ade woha mpori rui. Mpori rui ede apina woro-woro d̄ei ede sampe madena. 8 Pala wara rau d̄ei ma mab̄u d̄i dana ma howo, edempara d̄ei ede woko ro mbuana; wara ma 100 kali orena, wara ma ini mpuru kali orena, ro wara rau ma tolu mpuru kali orena.>>
9 Sawa'u b̄a nggori nuntu ro nggahina kai conto ro ibara ede, Isa nggahina, <<Nggara mantausi fiko ringa ro kade'epu!>>
^Ba^bauku Isa Al Masih kanikaina conto ro ibara
13:10-17
10 Sawa'u b̄a ede anamori Isa mai ro sod̄ina d̄i Sia, <<^Ba^bauku Ita kanikaita conto ro ibara nggara tanuntusi lab̄o dou mamboto ede?>>
11 Cambe b̄a Isa, <<D̄i ru'u b̄a nggomid̄oho wa'ura mbei loa ro b̄ade d̄ib̄adekaimu rahasia Karaja'an Saroga, pala siad̄oho wati rambei. 12 B̄a one dou ma wa'ura wara ntauna, d̄imbei sala'i kamboto wali, ndad̄ina dou ede ^dimaremba. Pala dou ma wati wara ntauna, ndad̄i au-au ma wara d̄i ndai sia, ^diweha kampoi. 13 B̄ara ndedena Nahu kanikaiku conto ro ibara nggara kanuntusi lab̄o dou mamboto, b̄ara siad̄oho konena ntau mada wati loana eda, konena ntau fiko, wati loana ringa ro wati loana ka'ao. 14 Kai ndedena nda^dira au ra nggahi b̄a Ruma ra karongga b̄a Nabi Yesaya,
<Nggomid̄oho d̄imaringa ro maringa wali, pala wati loamu ka'ao.
Nggomid̄oho d̄ima'eda ro ma'eda wali,
fiko siad̄oho nawa'ura
mpinga ro mada siad̄oho nawa'ura mbuda.
Lampa rawi ake ndad̄ina loakud̄u siad̄oho aina ntandana kai madana,
aina ringana kai fikona,
ro aina loana ka'ao kai adena,
ro siad̄oho aina mai mbalina d̄i Nahu
edempara Nahu ma kataho sia^doho.> >>
16 <<Taho ro sanara nggomid̄oho, nggomid̄oho maloaku eda ro maloaku ringa ro kade'e.>> 17 <<D̄i kawara b̄a nggomid̄oho, mboto nabi ro dou ma to'a d̄i Allah Ta'ala ma ne'e eda ra eda b̄a nggomid̄oho wakatu ake, pala siad̄oho wati rakana eda. Siad̄oho nane'eku ringa au ra ringa b̄a nggomid̄oho wakatu ake, pala siad̄oho wati ringana.>>
Isa Al Masih ngoa ro tei kab̄aena conto ro ibara mab̄oha dou ma pari d̄ei
13:18-23
18 Edempara Isa nggahi walina, <<Nggomid̄oho ringa ro kade'epu auku aona conto ro ibara mab̄oha dou ma pari d̄ei ede. 19 ^Dei ma mab̄u d̄i ncai b̄une santika nggahi ro eli Allah Ta'ala mab̄oha Karaja'an Saroga ra ringa b̄a dou pala wati loana ka'ao. Iblis mai rampana au ra nggud̄a d̄ei ade siad̄oho. 20 ^Dei ma mab̄u d̄i dana mbotokai wadu, b̄une santika nggahi ro eli Allah Ta'ala ra ringa b̄a dou-dou, edempara tarima lalona kai sana ade. 21 Pala haba ede wati ciana d̄ei ade siad̄oho, ndad̄ina wati ntoina. Ndede iuna ncoki ro susa atao rakancoki b̄a dou b̄ara haba ede, siad̄oho murtad lalona. 22 ^Dei ma mab̄u d̄i woha mpori rui b̄une santika nggahi ro eli Allah Ta'ala ra ringa b̄a dou-dou, pala mbali mbua adena mab̄oha mori ro wokona ro nane'e mori ntau ro wara poda. B̄ara ndedena haba ma ramai ra d̄i Allah Ta'ala na'apiku weki, ndad̄i wati ntauna wua. 23 Ro d̄ei ma mab̄u d̄i dana ma howo b̄une santika nggahi ro eli Allah Ta'ala ra ringa b̄a dou-dou ro naloa ka'ao. Siad̄oho namboto wuana, wara ma 100 kali orena, wara ma ini mpuru kali orena, ro wara ma tolu mpuru kali orena.>>
Conto ro ibara mab̄oha ati d̄i woha gandum
13:24-30
24 Isa ngoa walina ao ro ma'anana conto ro ibara d̄i dou mamboto ede, nggahi-Na, <<Karaja'an Saroga, ka'ada'ana b̄une conto ro ibara ake: Sab̄ua dou makanggihi manggud̄a d̄ei ma taho d̄i omana. 25 D̄i wakatu aimanga^di, wakatu sara'a dou wunga maruna, dou ma musu dou makanggihi ede mai parina isi ati d̄i woha gandum ede, edempara laona. 26 Wakatu d̄ei ranggud̄a ede tampu'ura wokona ro woro-worona tampu'ura mboncina, tada rau woro ati ede. 27 Edempara dou-dou ra gaji b̄a dou makanggihi ede mai ngoana, <<ruma, ita ranggu^data d̄ei ma taho d̄i oma ita. ^Buneku loana wara woko ati ta aka?> 28 Cambe b̄a dou ma ntau kanggihi ede, <Ede rarawi dou ma musu nahu.> Edempara dou-dou ra gaji ede sod̄i walina, <ruma, sab̄ua mane'e madad̄oho d̄imalao wontona ati ede?> 29 <Aina,> cambena, <B̄a one nggara wontosi ati ede, pea gandum rau natambonto ^batu. 30 Co'opu ati ede woko sama-samana sampe wakatu wehakai hasi. Pea nahu ^dimanggahi d̄i dou-dou ma pako: Ka^boro wa'upu ati, petepu, sawa'u b̄a ede ka'apu. Nggori ede ka^boropu gandum ro wi'ipu d̄i ade jompa.> >>
Conto ro ibara mab̄oha isi sesawi
13:31-32
31 Isa ngoana ao ro ma'ana sab̄ua conto ro ibara wali d̄i dou mamboto, nggahi-Na, <<Karaja'an Saroga, ka'ada'an b̄une conto ro ibara ake: Sanggini isi sesawil ra weha b̄a sab̄ua dou, edempara nggu^dana d̄i omana. 32 Isi sesawi eded̄u d̄ei ma cumpukai to'i. Pala nggara nawa'usira woko, sesawi ede nandad̄i fu'u ma na'e d̄i ade sara'a pahu ranggud̄a ro congge. Sesawi ede ndad̄i fu'u haju, ndad̄ina nasi ro kari'i naloa mai ndawi so^buna d̄i sanga-sangana.>>
Conto ro ibara mab̄oha b̄uha
13:33
(Luk. 13:20-21)
33 Isa carita rauna conto ro ibara ma kalai d̄i dou mamboto. <<Karaja'an Saroga, ka'ada'ana b̄une b̄uha ra weha b̄a sab̄ua dou siwe, edempara ncambuna lab̄o upa mpuru lite mub̄u sampe teka sara'ana!>>
^Ba^bauku Isa Al Masih kanikaina conto ro ibara
13:34-35
(Mrk. 4:33-34)
34 Sara'ana ede ngoa ro tei b̄a Isa d̄i dou mamboto kai kanina conto ro ibara. 35 Sia karawi ndedekaina loakud̄u nda^dira au ra karongga b̄a nabi,
<<Nahu kaniku conto ro ibara nggara kanuntusi lab̄o sia^doho;
Nahu ^dimangoa ro kahaba lampa rawi-lampa rawi ma cili weki ratampu'u ndad̄ina dunia ake.>>
Isa Al Masih ngoa ro tei kab̄aena ao ro ma'anana conto ro ibara mab̄oha ati d̄i woha gandum
13:36-43
36 Sawa'u b̄a ede Isa tu'u wi'ina dou mamboto ede, edempara lu'una d̄i ade uma. Mai anamorid̄oho-Na ro sod̄ina, <<Guru, ngoa ro tei kab̄ae to'ipu d̄i madad̄oho auku aona conto ro ibara mab̄oha ati d̄i ade woha gandum ede!>>
37 Cambe b̄a Isa, <<Dou ma pari d̄ei ma taho ede eded̄u Ana Manusia. 38 Oma ede eded̄u dunia ake. ^Dei ma taho ede eded̄u dou-dou ma wa'ura ndad̄i anggota Karaja'an Saroga. Ati-ati ede eded̄u dou-dou ma ndad̄i anggota Iblis. 39 Musu ma nggud̄a ati ede eded̄u Iblis. Wakatu weha hasina eded̄u Ainaina Kiama, ro dou-dou ma weha hasi ede eded̄u mala'eka-mala'eka. 40 ^Bune santika ati-ati ra kab̄oro ro ^dika'a d̄i ade afi, b̄une ede rauku wakatu peasi d̄i Ainaina Kiama. 41 Ana Manusia ^dimakau mala'eka-mala'eka-Na ro mala'eka-mala'eka ede kab̄oro sara'ana cou-cou ma kasantuda ro sara'a dou ma karawi dab̄ae d̄i ade Karaja'an-Na. 42 Siad̄oho sara'ana ^dipaki d̄i ade ru^bu afi ma kalea fampa; ta ede siad̄oho ^dimanangi ro ncoki ro susa iu. 43 Ro dou-dou ma rakarawi au ra kane'ekai b̄a Allah Ta'ala, ^dimantau taroa b̄une liro d̄i ade Karaja'an Ama siad̄oho.Ndad̄i, nggara mantausi fiko, ringa ro kade'epu!>>
Conto ro ibara mab̄oha ntau ro wara awa pita dana
13:44
44 <<Karaja'an Saroga, ka'ada'ana b̄une conto ro ibara ake: Wara ntau ro wara awa pita dana, edempara eda b̄a sab̄ua dou ro kalu'u mbalina d̄i ade dana. Sawa'u b̄a ede b̄a neo adena, dou ede lao landa sara'ana ntauna, edempara mai mbali ro welina dana ede.>>
Conto ro ibara mab̄oha mutiara ma ntika
13:45-46
45 <<Karaja'an Saroga, ka'ada'ana b̄une conto ro ibara ake: Sab̄ua dou madaga nangupaku mutiara-mutiara ma nggali co'i. 46 Wakatu sia rumpana sanggini mutiara ma wancu ntika, sia lao landa rocina sara'a ntauna, edempara welina mutiara ma sanggini ede.>>
Conto ro ibara mab̄oha puka
13:47-50
47 <<Karaja'an Saroga, ka'ada'ana b̄une conto ro ibara b̄une puka ra te'e d̄i ndano na'e, edempara rakana saniki pahu uta. 48 Sawa'u b̄a puka ede b̄ini b̄a uta, puka ede hanta wa'a b̄a dou-dou ma ngupa uta aka hid̄i mangokaina. Edempara siad̄oho dohona, sawa'u b̄a ede kalai-laina uta-uta ede: Ma taho d̄iwi'i d̄i ade katoa, ma iha ^dipaki. 49 Ndedeku lampa rawi d̄i Ainaina Kiama, mala'eka-mala'eka d̄imamai cengga kalai dou-dou madab̄ae d̄i ade weki dou-dou ma karawi au ra kane'ekai b̄a Allah Ta'ala. 50 Sawa'u b̄a ede dou-dou madab̄ae ede ^dipaki d̄i ade ru^bu afi. Ta edeku siad̄oho ^dimanangi ro susa ro ncoki iu.>>
Barang ma b̄ou ro barang ma ntoi
13:51-52
51 <<Sab̄ua nggomid̄oho maloa ka'ao samenana ede?>> So^di b̄a Isa.
<<Loa, Guru!>> Cambe b̄a siad̄oho.
52 Edempara Isa nggahina, <<B̄ara ndedena sanikina ahli Taurat ma wa'ura ndad̄i anggota Karaja'an Saroga, eded̄u b̄une dou ma ntau uma ma kalosa ntau ro warana eded̄u barang ma b̄ou ro barang ma mpasa.>>
Isa Al Masih wati tarima b̄a dou d̄i Nazaret
13:53-58
53 Sawa'u b̄a Isa nggori nuntu ro nggahina mab̄oha conto ro ibara-conto ro ibara ede, Sia tu'u wi'ina hid̄i ede, 54 edempara lao mbalina aka kampo ro mporo ndai-Na. Ta aka Sia ngoa ro teina d̄i uma sambea ro ibadakai ro dou-dou ma kade'e nggahi ro eli Sia nawancuku mbora akana. Nggahi siad̄oho, <<Ra ta^bena dou ake rakakaina hikima b̄une ede? Ro ra ta^bena rakakaina kuasa d̄ikalampakaina rawi ma b̄isa ro guna? 55 Sab̄ua laina Sia edesi ana panggita haju? Sab̄ua laina la Maria ina-Na ro ari^doho-Na eded̄u la Yakub, Yusuf, Simon ro la Yudas? 56 Ro laina amancawa Sia rausi mangge'e ta ake? Ra ta b̄e rakakai b̄a Sia samenana ede?>> 57 Ndad̄i siad̄oho tula aona Isa, edempara Isa nggahina d̄i siad̄oho, <<Sab̄ua dou nabi ^dihoroma ta ^be-^be, selasi d̄i kampo ro mporo ro d̄i uma ro salaja ndaina.>> 58 B̄ara siad̄oho wati imbina, ndad̄i Isa wati karawina mboto b̄isa ro guna d̄i hid̄i ede.