Isa Al Masih katahona sab̄ua dou ma made ^binci
9:1-8
9
Sawa'u b̄a ede, Isa ne'ena sampa, edempara laona ipa b̄ae b̄a ndano ro ronggana aka kampo ro mporo ndai-Na.h 2 D̄i hid̄i ede dou mai wa'ana d̄i Isa sab̄ua dou ma made ^binci ma maru d̄i dipi. Wakatu eda b̄a Isa b̄a one dou-dou ede nawancuku na'e imbina, nggahira Isa d̄i dou ma made ^binci ede, <<Imbipu, ana-Ku! Dosamu wa'ura kangampu wea.>>3 Pila-pila dou ahli Taurat ma wara d̄i hid̄i ede, nggahina d̄ei adena, <<Dou ake nakab̄awa ro katunaku Allah Ta'ala!>>
4 Pala Isa nab̄adeku fiki ro kananu siad̄oho, ndad̄i nggahi Sia, <<^Ba^bauku nggomid̄oho kananu da^baekaimu? 5 B̄e ma ipi mod̄a ^dinggahi, <Dosamu wa'ura kangampu wea,> atao nggahi, <Tu'u ro lampara>? 6 Pala ake Nahu d̄imakatada d̄i nggomid̄oho b̄a one d̄i wawo dunia ake Ana Manusia nantau kuasa ^dimakangampu wea dosa.>> Edempara Isa nggahina d̄i dou ma made ^binci ede, <<Tu'ura, hantapu dipimu ro lao dulara!>>
7 Dou ma made ^binci ede tu'una ro lao dulana aka umana. 8 Wakatu eda b̄a dou-dou au ma ndad̄i ede, siad̄oho nawancuku dahuna edempara roi ro wadina Allah Ta'ala, b̄ara Allah Ta'ala nawa'ura mbei kuasa ma wancu na'e d̄i ru'u b̄a manusia.
Isa Al Masih recena la Matius ndad̄i anamori-Na
9:9-13
9 Edempara Isa tu'u wi'ina hid̄i ede. Wakatu wunga lampana, Sia edana sab̄ua dou ma taki tagi bea, ngarana la Matius ma wunga doho d̄i kantona. Ndad̄i nggahira Isa d̄i sia ede, <<^Batupu Nahu!>>
Edempara la Matius tu'u ki^dina ro b̄atuna Isa.
10 Wakatu Isa wunga ngahana d̄i uma la Matius, i mai lalo mpa mboto dou ma taki tagi bea ro dou-dou ra wi'ikai wati taho b̄a ela ro dou. Siad̄oho ede ngaha sama-samana lab̄o Isa ro anamori^doho-Na. 11 Wakatu eda b̄a dou-dou Farisi lampa rawi ede, nggahi siad̄oho d̄i anamori Isa, <<^Ba^bauku guru nggomid̄oho ngaha samakaina lab̄o dou ma taki tagi bea ro dou-dou ma dosa?>>
12 Au ra sod̄i b̄a siad̄oho ede ringa b̄a Isa. Edempara nggahi-Na, <<Dou ma wati supu wati paraluna dokte, pala dou ma supu mpa. 13 Tana'o kab̄aepu auku aona nggahi b̄a ayat Kitab Suci ake: <D̄i ne'e b̄a Nahu eded̄u kasi ade ro laina koroba binata>. B̄a one Nahu maiku laina ^dima'ou dou ma wi'i wekina wa'ura taho ro ncihi, malaisi d̄i ru'u b̄a dou ra wi'ikai b̄awa ro tuna.>>
Mab̄oha puasa
9:14-17
14 Sawa'u b̄a ede anamori la Yahya Mataki kandeu raso dou mai rakana Isa. Edempara sod̄i b̄a siad̄oho, <<^Ba^bauku madad̄oho ro dou-dou Farisi puasa, pala anamori Ita wati?>>
15 Cambe b̄a Isa, <<B̄une kananu b̄a nggomid̄oho? Sab̄ua loaku dou-dou ma mai d̄i ndihakai nika ede kasusana ade, nggara ^bunti mone mbuipu wara sama-samana lab̄o siad̄oho? Tantu wati! Pala d̄imaraka wakatuna ^bunti mone ede ^diweha d̄i woha siad̄oho.Wakatu edeku siad̄oho ampona puasa.
16 Wati wara dou ma nempa ^baju ma wa'ura mpasa kai sadompo kaen ma ^bou. B̄a one kaen ranempakai ede nanaha kanci'iku ^baju ede, ndad̄ina ^baju ede nanaha na'e nci'ina. 17 Ndede rau wati wara dou ma lua oi anggo d̄i ade ka^du^du huri ma wa'ura mpasa. B̄a one ka^du^du ede nanci'i ro iha, edempara oi anggo ede mboho ihana. Oi anggo ma b̄ou pab̄uaku tau d̄i ka^du^du ma b̄ou rau, loakud̄u oi anggo ro ka^du^du ede ngge'e mpa tahona.>>
Ana b̄a dou mana'ekai uma sambea ro ibadakai
Dou siwe ma supu mboho ra'a
9:18-26
18 Wakatu Isa wunga nuntuna lab̄o anamori la Yahya Mataki kandeu raso dou, mai lalo mpa sab̄ua dou mana'ekai uma sambea ro ibadakai. Dou ede sujuna d̄i tando Isa ro nggahina, <<Ana siwe mada ^boupura madena. Pala tangawa to'ipu Ita lao ^dama ana mada, ndad̄i sia ^dimamori mbali.>>
19 Edempara Isa lab̄o anamorid̄oho-Na tu'u wi'ina hid̄i ede ro laona lab̄o dou ede.
20 D̄i wakatu ede, wara sab̄ua dou siwe ma wa'ura sampuru d̄ua mba'a supu mboho ra'a, dou siwe ede lao ^denina ta kontu Isa. 21 B̄a one kananu b̄a sia, <<Sura tudu mpa b̄a nahu jumba-Na, nahu dimataho.>>Edempara sia tuduna sumpu jumba Isa.
22 Wakatu ede, Isa tambarina ro edana dou siwe ede edempara nggahina d̄i sia, <<Katenggopu ademu, ana-Ku! B̄ara imbimu ede, supumu wa'ura taho!>> Wakatu ede wa'u dou siwe ede tahona.
23 Edempara Isa ronggana aka uma dou mana'ekai uma sambea ro ibadakai ede. Wakatu eda-Na dou-dou ma taki ufi jalitu tanda ncokikai ade ro mboto dou ma ngango, 24 nggahi Sia d̄i siad̄oho, <<Losara nggomi^doho! Ana dou ake wati madena, sia wunga maruna.>>
Siad̄oho harikaina Isa. 25 Sawa'u b̄a losa doud̄oho ede, Isa lu'una ade ^bili ana dou siwe ede ro nentina rimana. Edempara ana dou siwe ede tu'una. 26 Haba mab̄oha lampa rawi ede mbou d̄i sara'a dana ro rasa ede.
Isa Al Masih katahona d̄ua dou ma mbuda
9:27-31
27 Wakatu Isa tu'u wi'ina hid̄i ede, wara d̄ua dou mone ma mbuda ma b̄atu Sia. Siad̄oho kanggicana, <<Ana Daud, kasi to'ikaipu adeta d̄i mada^doho!>>
28 Wakatu Isa lu'una d̄i ade sab̄ua uma, d̄ua dou ma mbuda ede mai rakana Sia. So^di b̄a Isa d̄i siad̄oho, <<Sab̄ua nggomid̄oho ma'imbiku b̄a one Nahu maloa kataho nggomi^doho?>>
Cambe b̄a sia^doho<<Io Ruma, madad̄oho ka'imbi!>>
29 Edempara Isa ^damana mada siad̄oho ro nggahina, <<B̄ara nggomid̄oho imbimu, nda^dira au ra d̄ine'e b̄a nggomid̄oho.>> 30 Ndad̄i siad̄oho loa lalona eda. Isa ngoa kapodana d̄i siad̄oho, loakud̄u siad̄oho ede aina ngoana cou-cou rau mab̄oha au ma ndad̄i ede.
31 Pala siad̄oho losana ro kambouna haba mab̄oha Isa d̄i sara'a dana ro rasa.
Isa Al Masih katahona dou ma mpongi
9:32-34
32 Sawa'u b̄a d̄ua dou ede losana, mai wa'a b̄a dou d̄i Isa sab̄ua dou ma mpongi ra lu'ukai b̄a roh setan. 33 Isa ^baka kalosana roh setan d̄i dou ede ro wakatu ede wa'u dou ma mpongi ede loana nuntu mbali. Ndad̄i dou-dou mamboto ede mbora mena akana ro nggahina, <<Lampa rawi b̄une ake watipu parana eda b̄a ndai d̄i Israel!>>
34 Pala nggahi b̄a dou-dou Farisi, <<Mana'ekai roh-roh setan ma rambei Sia kuasa ndad̄i Sia naloa katesa roh-roh setan ede.>>
Isa Al Masih kasi adena eda dou mamboto
9:35-38
35 Ndedeku Isa lu'u losana d̄i sara'a kota ro d̄i kampo-kampo. Sia nangoa ro teiku d̄i uma-uma sambea ro ibadakai ro ngoa ro kahabana Haba Mataho mab̄oha Karaja'an Saroga. Sia katahona dou-dou ma supu ro dou-dou ma mapu ro rome. 36 Wakatu Isa edana dou mamboto ede, Sia kasi adena d̄i siad̄oho, b̄ara doud̄oho ede wunga mapu ro romena ro mbari mbura rero b̄une santika jimba ma wati wara dou ma'ompukaina. 37 Edempara Isa nggahina d̄i anamori^doho-Na, <<Hasi nggud̄a ro congge mboto romo, pala dou ma karawina sato'i mpa. 38 B̄ara ndedena rahopu d̄i dou ma ntau nggaro ede loakud̄u nggaduna dou-dou ^dimakarawina.>>