Sampuru ^Dua Rasul
10:1-4
10
D̄i sab̄ua ainaina Isa ou kab̄orona sampuru d̄ua dou anamori-Na. Edempara Sia mbeina d̄i siad̄oho kuasa ^di^baka kalosakaina roh-roh setan ro ^dikatahokaina samenana supu ro sara'a mapu ro rome. 2 Ngara sampuru d̄ua rasul ede, eded̄u: sarambakaina, la Simon (^di'ou rau kai la Petrus) lab̄o arina la Andreas, edempara la Yakub ro arina la Yahya, eded̄u ana-ana la Zebedeus. 3 Sawa'u b̄a ede la Filipus ro la Bartolomeus lab̄o la Tomas ro la Matius ma taki tagi bea ro la Yakub ana la Alfeus ro la Tadeus; 4 Edempara ma cumpukaina la Simon golongan Zelot lab̄o la Yudas Iskariot ma d̄onggo Isa d̄i dou-dou ma musu-Na.Taki ro puta rasul-rasul
10:5-15
5 Sampuru d̄ua rasul ede kau b̄a Isa lao ro ngoana d̄i siad̄oho ede,<<Aina laomu aka dana ro rasa dou ma laina Yahudi. Ai rauna laomu aka kota-kota dou Samaria. 6 Pala laopu aka dou-dou Israel ma penti poda aka dou-dou ma santuda. 7 Ngoapu d̄i siad̄oho b̄a one Karaja'an Saroga wa'ura ^deni. 8 Katahopu dou-dou ma supu; kamori mbalipu dou-dou ma wa'ura made; katahopu dou-dou ma supu ncola ro katesapu roh-roh setan. Nggomid̄oho wa'ura tarima mpoamu sara'ana ede. B̄ara ndedena mbei mpoa raupu. 9 Aina wa'amu piti masa, piti salaka atao piti romba rau. 10 Aina wa'a raumu osu d̄i ade lampa ro laokaimu ro aina wa'amu d̄ua ndo'o ^baju atao sapatu ro tiki rau. B̄a one dou ma karawi tantu d̄imaraka ufana.
11 Nggara nggomid̄oho malu'usi d̄i kota atao desa, ngupapu ta ede sab̄ua dou ma ngawa tarima ao nggomid̄oho.Ngge'epu lab̄o dou ede sampe nggomid̄oho lampa ro lao walimu. 12 Wakatu nggomid̄oho lu'umu d̄i ade uma dou, mbeipu salam d̄i dou ma ntau uma ede. 13 Nggara dou-dou d̄i uma ede natarimasi nggomid̄oho, co'opu salammu ede nangge'e mpa d̄i siad̄oho.Pala nggara watisi ngawana tarima ao nggomid̄oho, salammu ede ^dimambali d̄i ndai nggomid̄oho. 14 Nggara warasi uma atao kota ma wati ngawa tarima ao nggomid̄oho atao ma wati ne'e ringa au ra ngoa ro tei b̄a nggomid̄oho, tu'u wi'ipu hid̄i ede ro fura pakipu kalu^bu ma wara d̄i kopa e^dimu. 15 Nahu mangoa d̄i nggomi^doho! D̄i Ainaina Kiama, dou-dou kota Sodom ro dou-dou kota Gomora d̄imancewi mod̄a ^dikangampu wea b̄a Allah Ta'ala ntewikaisi lab̄o dou-dou d̄i kota ede.>>
Rasul-rasul d̄ima'iu susa ro ncoki
10:16-25
16 Sawa'u b̄a ede Isa nggahi walina, <<Nggomid̄oho ringa ro kade'e ka^baepu: Nahu manggadu nggomid̄oho b̄une jimba ma wati loa au-au d̄i ade woha lako doro ma nggange. B̄ara ndedena, nggomid̄oho pab̄uapu jaga-jaga b̄une sawa ro nira ademu b̄une nasi dara.
17 Pala aina kabare d̄i sara'a dou b̄a one wara dou ^dimawa'u ro leto nggomid̄oho ro nawa'aku aka mahkama agama ro nggomid̄oho ^dikancoki aka uma-uma sambea ro ibadakai. 18 B̄ara nggomid̄oho ^batumu Nahu, nggomid̄oho ^diwa'a aka tando dou-dou mana'ekaina ro d̄i tando sangaji-sangaji. Edeku wakatuna nggomid̄oho mbeimu sakasi mab̄oha Nahu d̄i siad̄oho ro d̄i dou-dou ma wati pata Allah Ta'ala. 19 Nggara siad̄oho nawa'asi nggomid̄oho ^diparesakaina ncihi ro ncaramu, aina darura auku ^dinggahi ro ^dinuntu b̄a nggomid̄oho atao b̄uneku carana nuntu ro nggahi. B̄a one cara nuntu ro nggahi ede d̄imbei d̄i nggomid̄oho d̄i wakatu ede wa'u. 20 B̄a one wakatu ede, laina nggomid̄oho ma nuntu ro nggahi, malaisi Roh Amamu ma wara d̄i saroga ma nuntu ro nggahi kai ncai nggomid̄oho.
21 Dou na^donggoku ari ro sa'e ndaina ^dihade b̄a dou. Ndede rauku d̄ikarawi b̄a ama d̄i ru'u b̄a anana. Ana^dohona ^dima'ao ina ro amana ro na^donggoku siad̄oho ^dihade b̄a dou. 22 Nggomid̄oho wati ^dica'u b̄a samenana dou b̄ara nggomid̄oho ^batumu Nahu. Pala dou ma wa'u sia sampe cumpukaina d̄imaraka salama. 23 Nggara nggomid̄oho nakancokisi b̄a dou d̄i sab̄ua kota, lao pesopu wekimu aka kota ma kalai. Nahu manggahi d̄i nggomi^doho: Sawatipu b̄a nggori sara'ana kota-kota Israel lao lamba b̄a nggomid̄oho, Ana Manusia nawa'ura mai.
24 Anamori wati ncewi esena ntewikaisi guruna atao ada dou wati ncewi esena ntewikaisi rumana. 25 Ncihi mpa nggara ana sakola ndad̄i sama b̄une guruna, atao ada dou ndad̄i b̄une rumana. Nggara mana'ekai uma ro salaja wa'ura tangarakai Beelzebul eded̄u Iblis, au walipu sa'isi umana. Siad̄oho ^ditangarakai ma ncewi iha wali!>>
Dahupu d̄i Allah Ta'ala
10:26-31
(Luk. 12:2-7)
26 sawa'u b̄a ede Isa nggahi walina, <<Ndad̄i nggomid̄oho aina dahumu d̄i siad̄oho b̄a one wati wara ma ili weki ^didahengga ro wati wara ra rahasia ^dida^bade. 27 Au ra nggahi b̄a Nahu d̄i nggomid̄oho d̄i hid̄i ma rindi pab̄uapu nggomid̄oho karonggamu ede d̄i hid̄i ma taroa. Ro au ra ngoa nari d̄i fikomu, ngoa reropu ede d̄i samenana dou! 28 Aina dahumu d̄i siad̄oho ma loa hade sarumbu, pala wati ntauna kuasa ^dimahinti nawa. Dahupu d̄i Allah Ta'ala ma ntau kuasa makaleli sarumbu ro nawa d̄i ade anaraka. 29 ^Dua mbua nasi kari'i loa ^diweli kai co'i ma ipi ncera. Kone ade ndedekaina wati wara kone sab̄ua rau ma mab̄u awa dana nggara watisi rakane'ekai b̄a Amamu. 30 Honggo ma wara d̄i tutamu, wa'ura reke sara'a-Na. 31 B̄ara ndedena, aina dahu! B̄a one nggomid̄oho nancewi ntaupu co'i ntewikaisi kari'i-kari'i ede.>>
Mangaku imbi d̄i Isa Al Masih d̄i tando dou mamboto
10:32-33
(Luk. 12:8-9)
32 <<Cou-cou ma mangaku d̄i tando dou mamboto b̄a one sia b̄atuna Nahu, Nahu rau ^dimamangaku sia d̄i tando Ama-Ku d̄i saroga. 33 Pala cou-cou ma wati mangaku Nahu d̄i tando dou mamboto b̄a one sia b̄atuna Nahu, Nahu rau wati mangaku-Ku sia ^ditando Ama-Ku d̄i saroga.>>
^Buneku sapodakaina b̄atu Isa Al Masih
10:34–11:1
34 Sawa'u b̄a ede, Isa nggahi walina, <<Aina kacai b̄a nggomid̄oho b̄a one Nahu ma mai wa'a dame d̄i dunia ake. Nahu maiku wati wa'aku dame, pala kawa'aku peda ro kapodo. 35 B̄a one Nahu maiku d̄imakandad̄i ana mone ^dima'ao amana, ana siwe ^dima'ao inana, rido siwe ^dima'ao riana siwena. 36 Ro ma musuna eded̄u sara'a dou ma wara d̄i umana.
37 Dou ma ipipu meci ro ca'u ama atao inana ntewikaisi meci ro ca'una Nahu wati patuna ndad̄i anamori Nahu. Ndede rau lab̄o dou ma ipipu meci ro ca'u ana mone atao ana siwena ntewikaisi meci ro ca'una Nahu. 38 Ro dou ma wati ngawa tundu salibna ro b̄atuna Nahu, wati patu d̄imandad̄i anamori Nahu. 39 Dou ma dahu mbora nawa, ^dimambora nawana, pala dou ma mbora nawana b̄ara to'ana d̄i Nahu d̄imaraka mori.>> 40 <<Dou ma tarima nggomid̄oho, natarimaku Nahu. Ro dou ma tarima Nahu, natarimaku Ama ma ranggadu Nahu. 41 Dou ma tarima nabi b̄ara sia ede nabi, d̄imatarima ufa b̄une ratarima b̄a nabi. Ro cou matarima sab̄ua dou ma taho b̄ara tahona, sia d̄imatarima ufa b̄une ratarima b̄a dou ma taho. 42 Cou-cou mambei oi nono, konena oi b̄usi mpoa d̄i sab̄ua dou d̄i ade weki dou rakatuna ro ka^bawa, b̄ara dou ede b̄atuna Nahu. Nahu manggahi d̄i nggomid̄oho b̄a one dou ede d̄imatarima ufana!>>