Hotoba d̄i doro to'i
5:1-12
(Luk. 6:20-23)
5
Wakatu Isa edana dou mamboto ede, Sia tekana doro to'i. Sawa'u b̄a Isa dohona, anamorid̄oho-Na mai rakana Sia. 2 Edempara Isa tampu'ura ngoa ro teina sia^doho:3 <<Taho ro sanara dou mancoki mori ma wi'i weki d̄i Allah Ta'ala,
b̄a one siad̄oho edeku ma ndad̄i anggota Karaja'an Saroga!
4 Taho ro sanara dou ma ncoki ade;
b̄a one Allah Ta'ala ^dimarerena sia^doho!
5 Taho ro sanara dou ma ka'awa weki;
b̄a one Allah Ta'ala d̄imambei au ra sake-Na d̄i sia^doho!
6 Taho ro sanara dou ma ne'e poda kalampa au ra kane'ekai b̄a Allah Ta'ala;
b̄a one Allah Ta'ala d̄imambei kancihina au d̄ine'e b̄a sia^doho!
7 Taho ro sanara dou ma ncera ro mbura ade d̄i dou makalai;
b̄a one Allah Ta'ala ^dimancera ro mbura ade rau d̄i sia^doho!
8 Taho ro sanara dou ma raso adena;
b̄a one siad̄oho d̄ima'eda Allah Ta'ala.
9 Taho ro sanara dou ma wa'a dame d̄i woha manusia;
b̄a one Allah Ta'ala ^dimakandad̄ina siad̄oho ana-ana Allah!2
10 Taho ro sanara dou ra kancoki b̄a dou b̄ara karawina au ra kane'ekai b̄a Allah Ta'ala;
b̄a one siad̄oho edeku d̄imandad̄i anggota Karaja'an Saroga!
11 Taho ro sanara nggomid̄oho, nggara b̄ara Nahu, nggomid̄oho ^dikatuna ro ka^bawa, ^dikancoki ro fitina b̄a dou. 12 Nabi-nabi ma mori sawatipu b̄a nggomid̄oho, wa'ura kancoki b̄a dou b̄une ede rau. Ka^dihira ademu, b̄ara nana'eku ufamu d̄i Saroga ra sadia wea b̄a Ruma d̄i ru'u b̄a nggomid̄oho.>>
Conto ro ibara mab̄oha sia dunia lab̄o taroa dunia
5:13-16
13 Sawa'u b̄a ede Isa nggahi walina, <<Nggomid̄oho b̄une sia d̄i ru'u b̄a dunia. Sia nggara nawa'usira ca^ba, sab̄ua loaku ^dikandanga mbali? Wati^du wara one walina, selasi ^dipaki ro ^ditonda-tonda b̄a dou.
14 Nggomid̄oho b̄une taroa d̄i ru'u b̄a dunia. Kota ma wara ese wawo doro wati loa ^dicili. 15 Wati wara dou maka'a ilo, sawa'u b̄a ede ^bontona ilo ede kai roa. Pala nawi'iku d̄i hid̄i wi'ikai ilo, loakud̄u cahayana nakataroaku d̄i sanikina dou ma wara d̄i uma ede. 16 Ndede rauku taroamu pab̄uaku kataroana d̄i tando dou, loakud̄u siad̄oho edana samenana rawimu ma taho, edempara roi ro wadina Amamu ma wara d̄i Saroga.>>
Ngoa ro tei mab̄oha hukum Taurat
5:17-20
17 Sawa'u b̄a ede, Isa nggahi walina,<<Nggomid̄oho aina kacaimu b̄a one Nahu maiku d̄imakambora hukum Taurat ro kitab nabi-nabi. Nahu maiku laina d̄imakamborana, pala ^dimatei ao ro ma'anana ma poda. 18 Nahu manggahi poda-poda d̄i nggomi^doho! Santoi langi ro dana mbuipu warana, kone sab̄ua huruf atao sab̄ua titik ma to'i poda ma wara d̄i ade Hukum Taurat ede wati ^dikambora, nggara sara'ana watipusi ndad̄ina!b 19 B̄ara ndedena, cou-cou ma sapa sab̄ua parenta ade Hukum Taurat kone ma ipi to'i rau ro ngoa ro teina dou makalai b̄une ede, sia ede d̄imandad̄i to'i poda d̄i ade Karaja'an Saroga. Pala cou-cou ma kalampa parenta-parenta ede ro ngoa ro teina dou makalai b̄une ede, sia ede d̄imandad̄i na'e d̄i ade Karaja'an Saroga. 20 Ndad̄i, ^dikawaramu: Nggomid̄oho wati d̄imandad̄i anggota Karaja'an Saroga, nggara watisi karawimu au ra kane'ekai b̄a Allah Ta'ala ma ncewi taho ntewikaisi ese mai b̄a ahli-ahli Taurat ro dou-dou Farisi.>>
Ngoa ro tei mab̄oha mbani
5:22-26
(Luk. 12:57-59)
21 Isa nggahi walina, <<Nggomid̄oho mab̄adeku b̄a one d̄i wa'i ro waro ndaita wara ngoa ro tei b̄une ake: Aina hade dou; cou-cou mahade dou, pab̄uaku ^dihukum. 22 Pala ake Nahu manggahi d̄i nggomid̄oho, cou-cou mambanic d̄i cina ro angina ma sama imbi, d̄ihukum b̄a Allah Ta'ala; ro cou-cou ma i'a ro ^ba'a cina ro angina ma sama imbi, pab̄uaku d̄iparesa d̄i tando Mahkama Agama. Ro cou-cou manggahi d̄i dou makalai, <Sampula sampake>, sia ede patu ^dipaki ade afi anaraka. 23 B̄ara ndedena, nggara warasi sab̄ua dou d̄i ade weki nggomid̄oho ma wunga d̄onggo ro mbei ntauna d̄i Allah Ta'ala, edempara kawarana ede b̄a one wara dou ma iha ade d̄i ndai sia, 24 sia ede pab̄uaku tu'u wi'i wa'una au ra d̄onggo ro mbeina ede d̄i tando mezba, sawa'u b̄a ede lao taho wa'una lab̄o dou ra ka'iha weana adena ede. Sawa'u b̄a ede sia naloara mai mbali ro d̄onggo ro mbei au ra mbeina d̄i ru'u b̄a Allah Ta'ala.
25 Nggara nawarasi dou mada'awa nggomid̄oho aka pengadilan, taho wa'upu angimu lab̄o dou ede salama mbuipu wara wakatu sawatipu ronggamu aka pengadilan, loakud̄u dou ede wati d̄onggona nggomid̄oho d̄i hakim, ro hakim d̄imad̄onggo nggomid̄oho aka palisi. Edempara palisi ^dimakalu'u nggomid̄oho d̄i ade uma bui. 26 Ro ^dikawaramu: Tantu nggomid̄oho wati ^dimaloa losa d̄i ade uma bui ede, sawatipu cola kanggorimu sara'a nconggomu.>>
Mab̄oha Jina
5: 27-30
27 Sawa'u b̄a ede Isa nggahi walina, <<Nggomid̄oho wa'ura ringamu ngoa ro tei b̄une ake: Aina jina.
28 Pala ake Nahu manggahi d̄i nggomi^doho: cou-cou ma ntanda dou siwe sampe mai adena, dou ede nawa'ura jina lab̄o dou siwe ede d̄ei adena. 29 Nggara isi mada wanamu makamaina dosamu, cingga pakipu isi madamu ede! B̄a one nancewi tahopu mbora sab̄ua anggota sarumbumu ntewikaisi sara'a sarumbumu d̄ilo'o tau ade anaraka. 30 Nggara rima wanamu makamaina dosamu, dompo pakipu rimamu ede. Ede nancewi taho ntewikaisi sara'a sarumbumu lu'una ade anaraka.>>
Mab̄oha ncengga
5:31-32
31 <<Wara rau ngoa ro tei b̄une ake: Cou-cou ma wi'i weina, pab̄uaku mbeina sura ncengga d̄i weina ede. 32 Pala ake Nahu manggahi d̄i nggomi^doho: cou-cou mawi'i weina sapodakaina weina ede wati bengkena lab̄o mone makalai, sia nakamaiku jina weina ede, nggara weina nanika walisi lab̄o mone makalai. Ro cou-cou manika lab̄o dou siwe rawi'i b̄a rahina ede, dou mone ede najina rau.>>
Mab̄oha sumpa
5:33-37
33 edempara Isa nggahi walina, <<Nggomid̄oho wa'ura ringa raumu Nggahi Ro Eli Ruma ra karongga d̄i wa'i ro waro ndaita b̄une ake: Aina sake cowa. Au ra wa'umu sake kai sumpa d̄i tando Allah Ta'ala, pab̄uapu kalampamu au ra sakemu ede. 34 Pala ake, Nahu manggahi d̄i nggomi^doho: Aina sumpamu kone sakali rau, nataho sumpamu kai te'emu langi, b̄ara langi eded̄u hid̄i dohokai Allah Ta'ala, 35 ro nataho kai dana, b̄a one dana ede eded̄u hid̄i tohokai ed̄i Allah Ta'ala, atao kai Yerusalem b̄ara Yerusalem eded̄u kota Sangaji Na'e. 36 Ai rauna sumpa te'emu tutamu, b̄a one ndai nggomi wati loamu kandad̄i ^bura atao kame'e honggomu kone salela rau. 37 Nggara napodasi, nggahipu <Poda> atao nawatisi podana, nggahipu <Wati> ari mai b̄a ede ramaina ra d̄i Iblis.>>
Ngoa ro tei mab̄oha cola cepe
5:38-42
(Luk. 6:29-30)
38 <<Nggomid̄oho mab̄aderauku b̄a one wara ngoa ro tei b̄une ake: Mbora isi mada cepe kai isi mada, mbora woi cepe kai woi. 39 Pala ake Nahu manggahi d̄i nggomi^doho: Aina cola cepemu d̄i dou ma karawi dab̄ae d̄i nggomi. Nggara natopasi b̄a dou rawe wanamu, co'o raupu topana rawe ku'imu. 40 Ro nggara nawarasi dou mada'awa nggomi d̄i hakim b̄ara ne'ena ^bajumu, mbei raupu jumbamu d̄i dou ede. 41 Nggara nawarasi dou ma kau pakasamu lemba wa'a ntauna sakilo ^do'ona, lemba weapu d̄ua kilo ^do'ona. 42 Mbeipu d̄i dou ma raho au-au d̄i nggomi ro aina tula weamu dou ma raho sepe ntaumu.>>
Meci ro ca'upu musumu
5:43-48
43 Sawa'u b̄a ede, Isa nggahi walina, <<Nggomid̄oho mab̄aderauku b̄a one wara ngoa ro tei b̄une ake: Meci ro ca'upu sasama bangsamu, sasama sukumu, ro aina mecimu musumu. 44 Pala ake Nahu manggahi d̄i nggomi^doho: meci ro ca'upu musu-musumu ro do'a weapu d̄i ru'u b̄a dou-dou ma rakancokimu. 45 B̄a one kai karawimu b̄une ede, nggomid̄oho d̄imandad̄i ana-ana Amamu ma wara aka saroga, ma kawontuna liro d̄i ru'u b̄a dou ma taho ro d̄i ru'u b̄a dou ma dab̄ae rau. Allah Ta'ala kalondona ura d̄i ru'u b̄a dou ma taho ro d̄i ru'u b̄a dou ma karawi dab̄ae rau. 46 Nggara nggomid̄oho mameci ro ca'usi d̄i dou ma meci ro ca'u nggomid̄oho mpoa, ^di'aukaina Allah Ta'ala pab̄uaku cola cepena au ra rawimu ede? Sab̄ua wati b̄ade b̄a nggomid̄oho b̄a one dou-dou mataki tagi bea nakarawi rauku b̄une ede? 47 Ndede rauku nggara nggomid̄oho mbeimu salam d̄i ru'u b̄a lengad̄oho mpoamu, aujaku ^dirakamu? Kone dou-dou ma wati pata Allah Ta'ala nakarawi rauku b̄une ede! 48 B̄ara ndedena nggomid̄oho pab̄uapu mpuruna sama b̄une Amamu ma wara aka saroga ma mpuruna.>>