Isa Al Masih ngoa ro teina mab̄oha ncengga
19:1-12
(Mrk. 10:1-12)
19
Sawa'u b̄a Isa nggori ngoa ro tei sara'ana ede, Sia tu'u wi'ina Galilea edempara laona aka dana ro rasa Yudea ipa b̄ae b̄a Sori Yordan. 2 Mboto dou ma b̄atu Sia ro ta aka Sia katahona dou-dou ma supu.3 Edempara maira dou-dou Farisi. Siad̄oho nane'eku b̄ab̄u Isa Al Masih. So^di b̄a siad̄oho, <<Sab̄ua loaku dou wi'i weina ro au-au ncauku alasana?>>
4 Cambe b̄a Isa, <<Sab̄ua nggomid̄oho watipu rabacamu ade Kitab Suci b̄a one Allah Ta'ala ma rakandad̄ina manusia, ra aipu saramba wa'una kandad̄ina dou mone ro dou siwe? 5 Ro Allah Ta'ala nggahina, <B̄ara ndedena dou mone natu'u wi'iku ina ro amana ro mori sama lab̄o weina, ndad̄ina siad̄oho d̄ua ndad̄i sa^bua.> 6 Ndad̄i nggahi Isa, siad̄oho laina d̄ua dou wali, pala sa^bua. B̄ara ndedena au ra wa'u kasab̄ua b̄a Allah Ta'ala wati loa d̄icengga b̄a manusia.>>
7 Edempara dou-dou Farisi sod̄ina d̄i Sia, <<Nggara ndedesi b̄ab̄auku Nabi Musa kaukaina dou mbei sura ncengga d̄i wei ra ncengga lab̄ona ede?>>
8 Cambe b̄a Isa, <<Nabi kaukaina ncengga b̄ara nggomid̄oho nawancuku ncokina d̄ingoa ro tei. Pala sapodakaina wati ndedena ra'aipu saramba wa'una. 9 Pala Nahu manggahi d̄i nggomid̄oho, <<Cou mawi'i weina, selasi b̄ara jinana, edempara rahina ede nika walina lab̄o siwe makalai dou ede najinaku.>>
10 Edempara anamori Isa nggahina d̄i Sia, <<Nggara ndedesi laona mab̄oha rahi lab̄o wei b̄une ede natahopu edera nikana.>>
11 Cambe b̄a Isa, <<Wati sara'a dou maloa ka'ao nggahi ro eli b̄une ede, selasi dou-dou ma wa'ura katantu b̄a Allah Ta'ala. 12 Wara dou ma wati loa nika, b̄ara siad̄oho ranggana ndede b̄a inana. Wara rau ma wati loa nika b̄ara siad̄oho rapuli b̄a dou. Ro wara rau b̄ara ne'e ndaina wati ne'ena nika loakud̄u karawi weana d̄i ru'u b̄a Allah Ta'ala. Dou ma loa ka'ao ngoa ro tei ake, pab̄uaku tarimana.>>
Isa Al Masih barekana d̄ambe-d̄ambe to'i
19:13-15
13 Edempara dou-dou mai wa'ana d̄ambe-d̄ambe to'i d̄i Isa, loakud̄u Sia tohona rima-Na ese wawo tuta d̄ambe-d̄ambe to'i ede ro do'a weana siad̄oho.Pala anamori-anamori Isa nggahikaina doud̄oho ede. 14 Edempara Isa nggahina d̄i anamori^doho-Na, <<Co'opu d̄ambe-d̄ambe to'i ede maina ara Nahu! Aina kantamu siad̄oho, b̄ara dou-dou b̄une edeku ma ndad̄i anggota Karaja'an Saroga.>>
15 Edempara Isa tohona rima-Na ese wawo tuta d̄ambe-d̄ambe to'i ede ro barekana siad̄oho.Sawa'u b̄a ede Sia tu'u wi'ina hid̄i ede.
Dou mone sampela ma ntau ro wara
19:16-30
16 D̄i sab̄ua ainaina, sab̄ua dou mone sampela maina d̄i Isa, <<Guru,>> nggahina, <<Ruku ro rawi mataho ma b̄eku d̄ipab̄ua kalampa b̄a mada loakud̄u raka mori ma ede ro hi^di?>>
17 Cambe b̄a Isa, <<^Ba^bauku nggomi so^dikaimu d̄i Nahu, ma^beku ma taho? Allah Ta'ala mpoa mpa ma taho. Nggara nggomi mane'esi raka mori ma ede ro hi^di, nggomi pab̄uapu to'amu d̄i parenta-parenta Allah Ta'ala.>>
18 So^di b̄a dou ede,<<Parenta ma ^beku?>>
Cambe b̄a Isa, <<Aina hade dou, aina jina, aina mpanga, aina ndad̄i sakasi cowa, 19 lia ro horomapu ama ro inamu ro meci ro ca'upu sasamamu manusia b̄une nggomi meci ro ca'umu weki ndaimu.>>
20 Cambe b̄a dou ede,<<Samenana parenta ede wa'ura kalampa b̄a mada. Au waliku ma kura?>>
21 Nggahi Isa d̄i dou ede, <<Nggara nggomi mane'esi ndad̄i mpuruna, lao landa sara'apu ntau ro waramu. Mbeipu piti co'i ntau ro waramu ede d̄i ru'u b̄a dou-dou mancoki mori ro nggomi d̄imaraka ntau ro wara d̄i saroga, sawa'u b̄a ede mai ^batupu Nahu!>>
22 Ndede ringana nggahi ede, dou mone sampela ede laona kai ncoki adena b̄ara sia nawancuku ntau ro warana.
23 Edempara Isa nggahina d̄i anamori^doho-Na, <<Nahu manggahi d̄i nggomid̄oho, nawancuku nggonggina dou mantau ro wara d̄imandad̄i anggota Karaja'an Saroga. 24 Ro ake rau d̄i ne'e b̄a Nahu ngoa nggomi^doho; nancewi mo^dapu sab̄ua onta lu'u d̄i karonga nda'u ntewikaisi lab̄o sab̄ua dou mantau ro wara lu'u d̄i ade Karaja'an Allah.>>
25 Wakatu ringa b̄a anamorid̄oho-Na au ra nggahi b̄a Isa ede, siad̄oho mbora akana, nggahi siad̄oho <<Nggara ndedesi, couku ^dimaloa salama?>>
26 Isa ntandana siad̄oho, edempara nggahina, <<D̄i ru'u b̄a manusia, lampa rawi ake wati lu'u b̄a aka! Pala d̄i ru'u b̄a Allah Ta'ala, naloa mena.>> 27 Edempara nggahi la Petrus, <<Ruma, madad̄oho ake wa'ura tu'u wi'i sara'amu b̄ara ^batumu Ita. Ro do^doku auku ^ditarima b̄a mada^doho?>>
28 Nggahi Isa d̄i siad̄oho, <<Imbipu: Pea D̄i Dunia Ma ^Bou, Ana Manusia ^dimadoho ese wawo kadera sangajikai-Na ma d̄ese ro ntasa. Wakatu ede, nggomid̄oho ndad̄i anamori Nahu ^dimadoho ese wawo sampuru d̄ua kadera sangaji ro ma ndad̄i hakim d̄i ru'u b̄a sampuru d̄ua suku bangsa Israel! 29 Ro sanikina dou ma wa'ura wi'i paki umana, atao sa'e ro ari monena atao sa'e ro ari siwena, atao ina ro amana, atao ana-anana, atao oma ro nggarona b̄ara b̄atuna Nahu, dou ede d̄imatarima mbali saratu kali ncewi mboto. Ro sia d̄imatarima rau mori ma sapodakaina ro ma ede ro hi^di. 30 Pala mboto dou ma ulu d̄imandad̄i dou ma cumpukaina ro dou ma cumpukaina d̄imandad̄i dou ma sarambakaina.>>