Conto ro ibara mab̄oha dou-dou ma karawi nggaro anggo
20:1-16
20
Sawa'u b̄a ede, Isa nggahi walina, <<Karaja'an Saroga, ka'ada'ana b̄une conto ro ibara ake; Sab̄ua dou ma ntau nggaro anggo losa si^di-si^di poda d̄i umana ro ngupana dou d̄imakarawi wea nggaro anggona. 2 Sawa'u b̄a sia mafakana lab̄o dou-dou ma karawi wea nggaro anggona ede kai mbeina ufa sab̄ua piti salaka sanai, sia kauna doud̄oho ede karawi d̄i nggaro anggona. 3 Takasi ^boe ciwi aimasi^di, dou ma ntau nggaro ede losa walina ro edana pila-pila dou ma dawara karawi aka amba. 4 Edempara nggahi sia d̄i doud̄oho ede, <Nggomid̄oho lao karawipu aka nggaro anggo nahu. Nahu ^dima'ufa nggomid̄oho kai ufa ma ncihi ncao.> 5 Siad̄oho laona. ^Boe sampuru d̄ua aimarai ro ^boe tolu aimambia, dou ma ntau nggaro ede losa walina ro karawina lampa rawi ma sama. 6 Ro takasi ^boe lima aimambia, sia losa walina ro edana mbuipu wara dou ma wati wara karawi. Edempara sia sod̄ina d̄i doud̄oho ede, <^Ba^bauku nggomid̄oho ki^dikaimu sambia ai ta ake, kai wati karawimu au-au?> 7 Cambe b̄a doud̄oho ede, <Wati wara dou ma ou karawi mada^doho,> <Nggara ndedesi,> nggahi dou ma ntau nggaro ede, nggomid̄oho lao karawipu aka nggaro anggo nahu.>8 Aimambia, dou ma ntau nggaro anggo ede nggahina d̄i mandona, <Oupu dou-dou ma karawi ede ro mbeipu ufa siad̄oho cua ndaina ra tampu'u d̄i dou ma lu'u cumpukaina sampe d̄i dou ma ralu'u sarambakaina.>
9 Edempara mai dou-dou ma karawi ma tampu'u ^boe lima aimambia. Siad̄oho cua tarimana sab̄ua piti salaka. 10 Sawa'u b̄a ede mai rau dou-dou ra'ufa ma ratampu'u aimasi^di. Kananu b̄a siad̄oho b̄a one siad̄oho d̄imatarima ncewi mboto. Pala siad̄oho mbeina sab̄ua piti salaka rau mpa. 11 Wakatu tarimana piti ede, siad̄oho badare^dena d̄i dou ma ntau nggaro ede. 12 Dou-dou ma mai cumpukai ede karawina samporo to'i mpa ntewikaisi lab̄o madad̄oho ma karawi sambia ai d̄i liro mapana, pala Ita ma'ufaku siad̄oho sama mpa b̄une ufamu mada^doho!> 13 Cambe b̄a dou ma ntau nggaro ede d̄i sab̄ua dou ade weki siad̄oho, <Soba, nahu wati ncaraku d̄i nggomi. Sab̄ua laina nggomisi ma ngawa tarima ufa sab̄ua piti salaka ade karawimu sanai? 14 Wehara ufamu ro laora. Nahu poda ne'eku mbei d̄i dou ma cumpukai lu'u ede ufa ma sama mbotona lab̄o ufa d̄i ru'u b̄a nggomi. 15 Sab̄ua nahu wati loaku karawi b̄e rane'e nahu d̄i ntau ndaiku? Atao nggomi hiana ademu, b̄ara nahu ncera ro mbura adeku?> >>
16 Edempara Isa nggahi walina, <<Ndede rau dou-dou ma cumpukai d̄imandad̄i dou ma sarambakaina ro dou-dou ma sarambakaina d̄imandad̄i dou ma cumpukaina.>>
Isa Al Masih ngoana ma katolukalikaina mab̄oha madekai-Na
20:17-19
17 Wakatu Isa laona aka Yerusalem, d̄i woha ncai Sia ou kalaina sampuru d̄ua anamori-Na. Edempara Sia nggahina d̄i siad̄oho, 18 <<Ringa ro kade'epu! Ndai ake wunga laota aka Yerusalem. Ta aka, Ana Manusia ^di^donggo d̄i dou-dou mana'ekai imam ro d̄i ahli-ahli Taurat. Edempara Sia d̄ihukum made. 19 Sawa'u b̄a ede siad̄oho na^donggoku d̄i dou-dou ma wati pata Allah Ta'ala. Doud̄oho ede ^dimakasungge-sungge, nakancokiku ro nasalibku Sia. Pala d̄i ainaina katolukaina Sia ^dikamori mbali.>>
Ina la Yakub ro la Yahya rahona d̄i Isa Al Masih
20:20-28
(Mrk. 10:35-45)
20 Sawa'u b̄a ede wei la Zebedeus maina ro anad̄ohona d̄i Isa. D̄i tando Isa, sia sujuna b̄a wara d̄i ne'ena raho.
21 <<Auku d̄ine'e b̄a ita ina?>> So^di b̄a Isa.
Cambe b̄a ina ede, <<Io, d̄i ne'e b̄a mada loakud̄u d̄ua dou anaku ake madoho d̄i ku'i ro wana Ita, nggara nda^disi Ita Sangaji.>>
22 <<Nggomid̄oho wati b̄ademu au ra raho b̄a nggomid̄oho ede,>> nggahi Isa d̄i siad̄oho.Sab̄ua nggomid̄oho mawa'uku nono ra d̄i gla susa ro ncoki, ma pab̄ua ^dinono b̄a Nahu?>>
<<Io, wa'u,>> cambe b̄a siad̄oho.
23 Nggahi Isa, <<Poda romo, nggomid̄oho ^dimanono rau d̄i gla Nahu. Pala mab̄oha cou ^dimadoho d̄i ku'i ro d̄i wana Nahu, ede laina hak Nahu ^dimakatantuna. Hi^di ede eded̄u d̄i ru'u b̄a dou-dou ma wa'ura katantukai b̄a Ama-Ku.>>
24 Wakatu sampuru dou anamori-Na ma kalai ma raringa nggahi ede, siad̄oho mbanina d̄i d̄ua dou ari lab̄o sa'ena ede. 25 B̄ara ndedena Isa ou sara'ana siad̄oho edempara nggahina, <<Nggomid̄oho mab̄adeku b̄a one dou-dou mana'ekaina bangsa ma wati pata Allah Ta'ala naparentaku kai toku ro kasa ro nakasusaku ela ro douna. 26 Pala nggomid̄oho wati loamu kandede. Ndede rau, dou ma ne'e ndad̄i na'e d̄i ade weki nggomid̄oho, pab̄uaku ndad̄i adamu.
27 Ro dou ma ne'e ndad̄i ma sarambakaina d̄i ade weki nggomid̄oho, pab̄uaku d̄imandad̄i adamu. 28 Sama b̄une Ana Manusia rau; Sia maina laina d̄ikarawi wea, pala d̄imakarawi d̄i ru'u b̄a dou ma kalai ro na^donggoku nawa-Na d̄ihori kalosakaina mboto dou.>>
Isa Al Masih katahona d̄ua dou mambuda
20:29-34
29 Wakatu siad̄oho tu'u wi'ina Yerikho, mboto dou ma b̄atu Isa. 30 Wara d̄ua dou ma mbuda wunga dohona d̄i kengge ncai. Wakatu ringa b̄a siad̄oho b̄a one Isa ma lampa sai hid̄i ede, siad̄oho kanggicana, <<Ana Daud, kasi to'ipu adeta d̄i mada^doho!>>
31 Dou mboto ma wara ta ede nggahikaina siad̄oho ro kauna midi. Pala siad̄oho nanaha kanggica kana'eku, <<Ruma, Ana Daud kasi to'ipu adeta d̄i mada^doho!>>
32 <<Edempara Isa midina ro ouna siad̄oho, <<Auku d̄i ne'e b̄a nggomid̄oho d̄ikarawi wea b̄a Nahu?>> So^di b̄a Isa.
33 Cambe b̄a siad̄oho, <<Ruma, madad̄oho mane'e loa eda!>>
34 Isa kasi adena d̄i siad̄oho, edempara ^damana mada siad̄oho.Wakatu ede wa'u siad̄oho loa lalona eda. Edempara siad̄oho b̄atuna Isa.